1 Corintios 3:15 - Triqui de San Juan Copala

¹⁵ tza̱j ne̱ sese nij vaa suun ꞌyaj ꞌo̱ soꞌ, ne̱ caca̱a̱ nu̱ꞌ suun yoꞌ, ne̱ queneꞌe̱n níꞌ se vaa taj yuꞌvee nó yoꞌ, ne̱ a̱ ꞌó xcoꞌ se̱ naruꞌvee Yaꞌanj rihaan soꞌ a̱ maꞌ. Dan me se se‑su̱u̱n soꞌ caca̱a̱, tza̱j ne̱ nani̱i̱ cuanꞌ maꞌa̱n soꞌ rihaan sayuun na̱nj ado̱nj.

1 Corintios 3:15 Referans Kwoze

2 Juan 1:8

Tu̱mé ndoꞌo soj man soj se̱ gaa na̱nj caꞌanj niꞌya̱ nu̱ꞌ nij suun sa̱ꞌ quiꞌyaj canaán soj á. Tana̱nj veꞌé na̱ruꞌvee Yaꞌanj rihaan soj ado̱nj.

Judas 1:23

Nago̱ꞌ soj chrej nucua̱j man ꞌó taꞌa̱j nij síí tumé cacunꞌ cheꞌé rej nani̱i̱ nij soꞌ rihaan yaꞌan a. Ne̱ ga̱a̱ ꞌe̱e̱ rá soj man nij síí a̱j uno snana̱ nij síí narqué tucuáán ne̱ á. Tza̱j ne̱ cuchuꞌvi̱ꞌ soj se̱ gaa na̱nj quiꞌya̱j soj nda̱a vaa ꞌyaj nij soꞌ, ne̱ nachri̱ꞌ soj ni̱ꞌyaj soj se chiꞌi̱i̱ ꞌyaj nij soꞌ na̱nj á.

Apocalipsis 3:18

’Cheꞌé dan narque̱j chrej nucua̱j man soj se vaa quira̱a̱n soj agaꞌ oró míí rihanj agaꞌ cachén yaꞌan ne̱ cunuu sa̱ꞌ ina̱nj, ga̱a ne̱ caꞌve̱e cunu̱u ruꞌve̱e̱ ya̱ ya̱ soj rihanj á. Ne̱ quira̱a̱n soj yatzíj catzi̱i̱ rihanj, ne̱ caꞌve̱e cu̱nuû soj, ne̱ se̱ queneꞌen yuvii̱ se vaa nuviꞌ saga̱nꞌ soj ne̱ se̱ guun naꞌa̱j soj se vaa nuviꞌ saga̱nꞌ soj maꞌ. Ne̱ quira̱a̱n soj rmedió sa̱ꞌ rihanj, ne̱ caxri̱i̱ soj rlij rihaan soj, ga̱a ne̱ caꞌve̱e queneꞌe̱n soj, ne̱ xca̱j sa̱ꞌ soj cuentá ado̱nj.

1 Pedro 4:18

ꞌO̱ se Danj Yaꞌanj taj a: Na̱nj síí noco̱ꞌ ndoꞌo man Yaꞌanj, tza̱j ne̱ sayu̱u̱n ndoꞌo nani̱i̱ nij soꞌ rihaan sayuun, ne̱ táá a̱ nij síí ne nocoꞌ man Yaꞌanj do̱ꞌ, táá a̱ nij síí chiꞌi̱i̱ do̱ꞌ, sayuun noco̱o quira̱nꞌ nij soꞌ ado̱nj. Da̱nj taj nana̱ no̱ rihaan Danj Yaꞌanj a.

Hechos 27:21

Dan me se a̱ ꞌó nij síí ma̱n rque rihoo ne cha̱ nij soꞌ, ne̱ cheꞌé dan canicunꞌ Pabló scaꞌnúj nij soꞌ, ne̱ cataj soꞌ a: ―Veꞌé doj sese cuno nij soj snana̱j asuun tza̱j, tinu̱j. ꞌO̱ se sese ne cavi̱i̱ níꞌ yoꞌóó cuꞌna̱j Creta, ne̱ ne quira̱nꞌ níꞌ sayuun nihánj, ne̱ ne caꞌa̱nj niꞌya̱ cunuda̱nj nij rasu̱u̱n asuun tza̱j maꞌ.

Hechos 27:44

Ne̱ ꞌó nij soꞌ roꞌ, cano̱ nij soꞌ rcuchra̱ꞌ do̱ꞌ, chruun cavii rihoo yoꞌ ga̱a cachranꞌ rihoo do̱ꞌ, ne̱ caꞌa̱nj nij soꞌ rihaan yoꞌóó yoꞌ, taj soꞌ a. Ne̱ da̱nj quiꞌyaj nij soꞌ, ne̱ cuchiꞌ cunuda̱nj nij soꞌ rihaan yoꞌóó, ne̱ nanii cunuda̱nj nij soꞌ a.