1 Corintios 3:10 - Triqui de San Juan Copala

¹⁰ Dan me se ase vaa síí veꞌé uchruj taꞌngaꞌ chihón ca̱yáán tacóó veꞌ roꞌ, vaa ꞌu̱nj, ne̱ veꞌé cuchruj ꞌu̱nj tucuáán canocoꞌ soj, cheꞌé se lu̱j quiꞌyaj Yaꞌanj ga̱ ꞌu̱nj, cheꞌé se caꞌneꞌ Yaꞌanj suun yoꞌ rihanj a. Ne̱ cuano̱ roꞌ, ꞌyaj suun ꞌó soꞌ racuíj soꞌ man soj, ne̱ da̱j se ꞌyaj síí utaꞌ doj yahij xráá tacóó veꞌ roꞌ, vaa soꞌ a. Dan me se, da̱j se no̱ xcúún ꞌo̱ ꞌo̱ síí ꞌyaj ꞌo̱ veꞌ tu̱mé soꞌ se‑su̱u̱n soꞌ roꞌ, da̱nj no̱ xcúún ꞌo̱ ꞌo̱ síí ꞌyaj se‑su̱u̱n Yaꞌanj tu̱mé soꞌ man maꞌa̱n soꞌ, ne̱ sa̱ꞌ ga̱a̱ suun quiꞌya̱j nij soꞌ á.

1 Corintios 3:10 Referans Kwoze

1 Corintios 3:11

ꞌO̱ se stucua̱nj Jesucristó me tucuáán cuchruj ꞌu̱nj rihaan soj, ne̱ se̱ guun natuna̱ nii tucuáán yoꞌ a̱ maan ado̱nj. Da̱j se vaa sca̱ꞌ ndoꞌo tacóó veꞌ roꞌ, da̱j vaa stucua̱nj Jesucristó a.

Efesios 2:20

Xa̱ꞌ tucuáán noco̱ꞌ ta̱ranꞌ níꞌ cuano̱ roꞌ, ase vaa ꞌo̱ veꞌ sa̱ꞌ ꞌyaj nii xráá yuvej sa̱ꞌ ina̱nj roꞌ, da̱nj vaa níꞌ a. Ne̱ nij yuvej sa̱ꞌ yoꞌ me nana̱ caꞌmii natáj núj si̱j cuneꞌ Jesucristó do̱ꞌ, nana̱ caꞌmii natáj nij síí nataꞌ snana̱ Yaꞌanj do̱ꞌ, ne̱ yuvej sa̱ꞌ doj rihaan ta̱ranꞌ nij yuvej na̱j tacóó veꞌ yoꞌ me se maꞌa̱n ya̱ Cristó Jesús me yoꞌ vaa na̱nj chugua̱nj.

Romanos 15:20

ꞌO̱ se ina̱nj me raj caꞌmi̱i̱ natáj ꞌu̱nj nana̱ sa̱ꞌ cheꞌé Cristó rihaan yuvii̱ ataa queneꞌe̱n cheꞌé soꞌ, ne̱ se̱ tucuꞌyonj man yuvii̱ a̱j caꞌmii natáj ꞌó yuvii̱ rihaan cheꞌé soꞌ maꞌ.

San Mateo 24:45

’Cheꞌé dan me sese cuneꞌ síí tucua̱ ꞌo̱ veꞌ man ꞌo̱ se‑mo̱zó soꞌ se vaa tu̱mé mozó yoꞌ man tuviꞌ mozó rque̱ soꞌ se chá rihaan nij soꞌ orá chá nij soꞌ, ne̱ da̱j quiꞌya̱j mozó yoꞌ, rá soj ga̱. Sese ya̱ ya̱ si̱j veꞌé ꞌyaj suun me soꞌ do̱ꞌ, sese ya̱ ya̱ si̱j avii raa̱ me soꞌ do̱ꞌ, ne̱ da̱j quiꞌya̱j soꞌ, rá soj ga̱.

Apocalipsis 21:19

Ne̱ da̱j a̱ yahij chuguu̱n tuꞌve̱e̱ ndoꞌo roꞌ, nó rihaan tacóó chumanꞌ yoꞌ a. Dan me se ꞌo̱ yuvej xi̱j na̱j tacóó chraan roꞌ, me yahij “jaspe”, ne̱ yuvej vi̱j roꞌ, me yahij “zafiro”, ne̱ yuvej vaꞌnu̱j roꞌ, me yahij “ágata”, ne̱ yuvej caꞌa̱nj roꞌ, me yahij “esmeralda” a.

1 Corintios 9:2

Dan me se vaa yuvii̱ taj se vaa né ya̱ síí cuneꞌ Jesucristó mé ꞌu̱nj, tza̱j ne̱ ya̱ neꞌen soj se vaa cuneꞌ Jesucristó mán ꞌu̱nj caꞌa̱nj nata̱ꞌ ꞌu̱nj snana̱ soꞌ rihaan soj a. Dan me se cheꞌé se canocoꞌ soj man Síí ꞌNi̱j Raꞌa man níꞌ, cheꞌé dan xca̱j yuvii̱ cuentá se vaa ya̱ atá ꞌu̱nj suun caꞌa̱nj nata̱ꞌ ꞌu̱nj rihaan yuvii̱ cheꞌé soꞌ ado̱nj.

San Mateo 7:24

’Dan me se a̱ me maꞌa̱n síí uno sa̱ꞌ nana̱ nihánj nana̱ cataj xnaꞌanj ꞌu̱nj rihaan soj ne̱ ꞌyaj soꞌ nda̱a vaa taj ꞌu̱nj, ne̱ ase vaa ꞌo̱ síí cuneꞌ veꞌ tucuá rihaan yuvej vaa soꞌ ado̱nj. Síí cuneꞌ veꞌ yoꞌ me se síí acaj ndoꞌo cuentá me soꞌ ado̱nj.

1 Pedro 4:11

Sese caꞌmi̱i̱ natáj ꞌo̱ tuviꞌ soj, ne̱ ꞌo̱ cu̱nuû rá soꞌ se vaa snana̱ Yaꞌanj me nij nana̱ aꞌmii natáj soꞌ á. Sese ra̱cuíj ꞌo̱ tuviꞌ soj man soj, ne̱ quiꞌya̱j soꞌ nu̱ꞌ nda̱a vaa gu̱un nucua̱j soꞌ quiꞌya̱j soꞌ quiꞌya̱j Yaꞌanj á. Ga̱a ne̱ caꞌve̱e caꞌmi̱i̱ sa̱ꞌ yuvii̱ cheꞌé Yaꞌanj ni̱ꞌyaj nij yuvii̱ man soj si̱j noco̱ꞌ man Cristó chugua̱nj. Ne̱ Yaꞌanj me se nu̱ꞌ cavii nu̱ꞌ caꞌanj veꞌé uxrá caꞌmi̱i̱ níꞌ cheꞌé soꞌ, ne̱ gu̱un chij ndoꞌo soꞌ ado̱nj. Veé da̱nj ga̱a̱ ya̱ ado̱nj.

2 Timoteo 2:15

Caꞌne̱j nucua̱j nimán so̱ꞌ, ga̱a ne̱ caꞌve̱e cata̱j Yaꞌanj se vaa síí veꞌé ꞌyaj se‑su̱u̱n soꞌ mé so̱ꞌ, ne̱ se̱ cunó chrej naꞌa̱j rihaan so̱ꞌ cheꞌé suun ꞌyáá so̱ꞌ maꞌ. Tana̱nj nata̱ꞌ nica̱ so̱ꞌ snana̱ Yaꞌanj nana̱ ya̱ ado̱nj.

Colosenses 4:17

Ne̱ cata̱j soj rihaan síí cuꞌna̱j Arquipo se vaa ꞌo̱ caꞌne̱j nimán soꞌ quiꞌya̱j soꞌ nu̱ꞌ suun caꞌneꞌ Síí ꞌNi̱j Raꞌa man níꞌ rihaan soꞌ á.

Romanos 12:3

Dan me se quiꞌyaj Yaꞌanj se lu̱j ga̱ ꞌu̱nj, caꞌneꞌ Yaꞌanj suun rihanj tu̱cuꞌyonj man nij soj, ne̱ cheꞌé dan cata̱j xnaꞌanj ꞌu̱nj rihaan ꞌo̱ ꞌo̱ soj da̱j quiꞌya̱j soj se‑su̱u̱n Yaꞌanj á. Dan me se ino̱ ga̱a̱ suun quiꞌya̱j ꞌo̱ ꞌo̱ soj rihaan Yaꞌanj, ne̱ ra̱cuíj Yaꞌanj man soj se vaa gu̱un ya̱ rá ꞌo̱ ꞌo̱ soj me suun gu̱un nucua̱j soj quiꞌya̱j soj rihaan Yaꞌanj a. Tza̱j ne̱ se̱ guun rá soj ca̱ta̱ soj suun noco̱o doj maꞌ. Ma̱an se xca̱j soj cuentá, ne̱ cata̱j soj se vaa sa̱ꞌ vaa suun vaa rihaan soj na̱nj á.

Romanos 1:5

Ina̱nj cheꞌé Jesucristó me quiꞌyaj Yaꞌanj se lu̱j cheꞌej se vaa cuneꞌ Yaꞌanj manj caꞌa̱nj ꞌu̱nj nata̱ꞌ ꞌu̱nj snana̱ soꞌ cheꞌé rej cuchuma̱n rá yuvii̱ yaníj ma̱n da̱j a̱ nij xꞌneꞌ yuvii̱ ino̱ vaa stucua̱nj nana̱ sa̱ꞌ yoꞌ, ga̱a ne̱ cuno̱ nij soꞌ rihaan Yaꞌanj ado̱nj. Da̱nj ꞌyáá ꞌu̱nj aráj co̱chróó ꞌu̱nj se‑chuvi̱i Jesucristó a.

Hechos 18:27

Dan me se guun rá síí cuꞌna̱j Apolos cache̱n soꞌ nda̱a estadó Acaya a. Ga̱a ne̱ doj a̱ nariꞌ nucuaj soꞌ quiꞌyaj nij tinúú níꞌ síí ma̱n chumanꞌ Éfeso, ne̱ quiꞌyaj nij soꞌ yanj cartá naya̱a̱ nij síí tucuꞌyón snana̱ Jesucristó ma̱n estadó Acaya, ne̱ cataj nij soꞌ se vaa veꞌé ni̱caj tuviꞌ nij síí ma̱n Acaya ga̱ Apolos a. Ga̱a ne̱ ga̱a cuchiꞌ Apolos nda̱a estadó Acaya, ne̱ racuíj ndoꞌo soꞌ man nij tinúú níꞌ síí cuchumán rá niꞌya̱j man Jesucristó cheꞌé se lu̱j quiꞌyaj Yaꞌanj a.

San Lucas 11:35

Xca̱j ndoꞌo soj cuentá se̱ gaa na̱nj quinaꞌa̱j yaꞌan nica̱j yuꞌunj man soj ne̱ gu̱un soj ꞌo̱ se rmi̱ꞌ a.

Santiago 3:1

Tinu̱j. Nocoj. Se̱ guun ga̱a̱ queꞌe̱e̱ maestró tihaa̱n snana̱ Yaꞌanj man soj maꞌ. ꞌO̱ se núj si̱j tihaa̱n snana̱ Yaꞌanj roꞌ, neꞌen soj se vaa doj a̱ cara̱a Yaꞌanj cacunꞌ xráá núj sese se̱ cuno núj rihaan Yaꞌanj ado̱nj.

1 Timoteo 4:16

Xca̱j so̱ꞌ cuentá cheꞌé se vaa ꞌyáá so̱ꞌ do̱ꞌ, cheꞌé tucuáán tucuꞌyón so̱ꞌ do̱ꞌ á. ꞌO̱ ca̱nocóꞌ so̱ꞌ nu̱ꞌ tucuáán nihánj, ga̱a ne̱ nani̱i̱ ma̱ꞌán so̱ꞌ do̱ꞌ, nij yuvii̱ uno nana̱ aꞌmii so̱ꞌ do̱ꞌ, rihaan sayuun ne̱ cavi̱i̱ sa̱ꞌ soj a.

Colosenses 1:29

Cheꞌé dan ꞌyaj uxraj se‑su̱u̱n Cristó cheꞌé se nucua̱j do̱ꞌ, cheꞌé nana̱ sca̱ꞌ do̱ꞌ, nu̱u̱ nimanj quiꞌyaj Cristó ado̱nj.

Romanos 15:15

Tza̱j ne̱ caꞌneꞌ ndoꞌoj suun rihaan soj ga̱a quiꞌyáj yanj cartá nihánj na̱nj á. ꞌO̱ se neꞌen soj se vaa sa̱ꞌ uxrá quiꞌyaj Yaꞌanj cheꞌej, ne̱ ase vaa ꞌyaj xrej se‑su̱u̱n Yaꞌanj roꞌ, da̱nj vaa ꞌyáá ꞌu̱nj se‑su̱u̱n Cristó Jesús, ne̱ tucuꞌyón ꞌu̱nj snana̱ Yaꞌanj nana̱ sa̱ꞌ man soj si̱j yaníj, ne̱ vaa güii naca̱j Yaꞌanj man soj, ne̱ cheꞌé dan tucuꞌyonj man soj, ne̱ me raj caꞌve̱j Yaꞌanj naca̱j Yaꞌanj man soj, ne̱ me raj cunu̱u sa̱ꞌ nimán soj rihaan Yaꞌanj ado̱nj. Dan me se ga̱a̱ sa̱ꞌ soj, quiꞌya̱j Nimán Yaꞌanj rá ꞌu̱nj ado̱nj.

San Lucas 21:8

Ga̱a ne̱ cataj soꞌ a: ―Tu̱mé ndoꞌo soj man soj se̱ gaa na̱nj tiha̱ꞌ yuꞌunj yuvii̱ man soj á. ꞌO̱ se caꞌna̱ꞌ uxrá yuvii̱ cata̱j a: “ꞌU̱nj me síí naꞌvi̱j soj, ne̱ Síí Ti̱nanii man Yuvii̱ rihaan Sayuun mej á”, cata̱j nij yuvii̱, ne̱ cata̱j uún nij yuvii̱ a: “A̱j quisíj güii caꞌa̱nj niꞌya̱ chumii̱ na̱nj á”, cata̱j uún nij yuvii̱ rihaan soj a. Tza̱j ne̱ se̱ cuchumán rá soj, ne̱ se̱ canocoꞌ soj man yuvii̱ aꞌmii da̱nj maꞌ.

Apocalipsis 21:14

Ne̱ vaa chuvi̱j yuvej xi̱j na̱j tacóó chingá chraan yoꞌ, ne̱ rihaan chuvi̱j nij yuvej yoꞌ roꞌ, nó se‑chuvi̱i chuvi̱j nij síí cuneꞌ Matzinj Leꞌe̱j caꞌa̱nj nata̱ꞌ snana̱ soꞌ rihaan yuvii̱ a.

2 Corintios 10:15

Dan me se se̱ caꞌmii xta̱ꞌ núj cheꞌé se vaa quiꞌyaj ꞌó yuvii̱ maꞌ. Ne nó xcúún núj quiꞌya̱j núj da̱nj maꞌ. Ma̱an se naꞌvi̱j ndoꞌo núj se vaa cuchuma̱n doj rá soj ni̱ꞌyaj soj man Yaꞌanj, ga̱a ne̱ uxrá doj quiꞌya̱j núj se‑su̱u̱n Yaꞌanj scaꞌnúj soj, nda̱a vaa me rá Yaꞌanj quiꞌya̱j núj a.

1 Tesalonicenses 3:2

ne̱ dan me se caꞌnéé núj man tinúꞌ Timoteo cuchi̱ꞌ soꞌ rej ma̱n soj a. Dan me se soꞌ me síí ꞌyaj se‑su̱u̱n Yaꞌanj ga̱ núj suun nataꞌ nana̱ sa̱ꞌ cheꞌé Cristó a. Me rá núj ra̱cuíj soꞌ man soj, narque̱ soꞌ chrej nucua̱j man soj, ne̱ xraan doj canoco̱ꞌ soj man Cristó, quiꞌya̱j soꞌ a.

2 Pedro 3:15

Xca̱j soj cuentá se vaa naꞌvi̱j Yaꞌanj na̱nj cheꞌé se me rá soꞌ nani̱i̱ nij yuvii̱ rihaan chrej chiꞌi̱i̱ do̱ꞌ, rihaan sayuun do̱ꞌ chugua̱nj. Veé da̱nj taj nij nana̱ cachrón tinúꞌ Pabló rihaan yanj caꞌnéé soꞌ rihaan soj, nda̱a vaa chrej cu̱u narqué Yaꞌanj rihaan soꞌ a.