1 Corintios 16:15 - Triqui de San Juan Copala

^15-16 Neꞌen nij soj man nij tucua̱ tinúú níꞌ síí cuꞌna̱j Estéfanas se vaa nij soꞌ me síí cuchumán rá niꞌya̱j man Jesucristó asino ya̱a̱n rihaan cunuda̱nj nij yuvii̱ ma̱n estadó Acaya a. Ne̱ caꞌnéé nimán maꞌa̱n nij soꞌ quiꞌya̱j suun nij soꞌ ra̱cuíj nij soꞌ man nij síí noco̱ꞌ man Cristó ado̱nj. Cuano̱ nihánj me se cata̱j xnaꞌanj ꞌu̱nj rihaan soj se vaa veꞌé cuno̱ soj rihaan cunuda̱nj yuvii̱ ꞌyaj suun nda̱a vaa ꞌyaj suun nij soꞌ, tinu̱j, nocoj. Ne̱ cuno̱ uún soj rihaan cunuda̱nj nij síí aꞌnéé ndoꞌo nimán quiꞌya̱j suun ga̱ nij soꞌ na̱nj á.

1 Corintios 16:15 Referans Kwoze

1 Corintios 1:16

Cutaꞌ ne ꞌu̱nj man nij tucua̱ síí cuꞌna̱j Estéfanas uún, tza̱j ne̱ ne nuû sa̱ꞌ raj sese cutaꞌ ne ꞌu̱nj man ꞌó taꞌa̱j yuvii̱ a̱ maꞌ.

Romanos 16:5

Cata̱j uún soj rihaan xꞌneꞌ yuvii̱ noco̱ꞌ man Cristó nuu chre̱ꞌ tucuá ro̱j soꞌ se vaa veꞌé cuma̱n nij soꞌ, raj á. Ne̱ da̱nj cata̱j uún soj rihaan síí cuꞌna̱j Epeneto á. ꞌO̱ se ꞌe̱e̱ raj man soꞌ, ne̱ soꞌ me síí cuchumán rá niꞌya̱j man Cristó asino ya̱a̱n rihaan cunuda̱nj nij yuvii̱ ma̱n estadó cuꞌna̱j Asia a.

1 Pedro 4:10

Dan me se quiꞌyaj Yaꞌanj se lu̱j ga̱ ꞌo̱ ꞌo̱ níꞌ, rqué Yaꞌanj suun rihaan ꞌo̱ ꞌo̱ níꞌ quiꞌya̱j níꞌ cheꞌé tinúú níꞌ, ne̱ ino̱ doj vaa suun ꞌyaj ꞌo̱ ꞌo̱ níꞌ cheꞌé tinúú níꞌ, ne̱ cheꞌé dan no̱ xcúún soj ra̱cuíj soj man tinúú soj, nda̱a vaa uun nucua̱j soj chugua̱nj.

2 Corintios 9:1

Taj cheꞌé cachro̱n ꞌu̱nj doj nana̱ rihaan soj cheꞌé saꞌanj rque̱ soj rihaan nij síí noco̱ꞌ man Cristó maꞌ.

2 Corintios 8:4

Ne̱ cachíín niꞌya̱j uxrá nij soꞌ rihaan núj se vaa quiꞌya̱j núj se ndoꞌo caꞌve̱j núj quiꞌya̱j nij soꞌ nda̱a vaa quiꞌyaj ꞌó nij tinúú níꞌ síí rqué saꞌanj rihaan ꞌó nij síí noco̱ꞌ man Cristó,

Romanos 16:2

Veꞌé caꞌmi̱i̱ nij soj ga̱ chana̱ cuꞌna̱j Febe ga̱a cuchi̱ꞌ noꞌ rihaan nij soj cheꞌé se níí noco̱ꞌ man Síí ꞌNi̱j Raꞌa man níꞌ me noꞌ á. ꞌO̱ se veé da̱nj no̱ xcúún níꞌ quiꞌya̱j níꞌ ga̱ nij síí noco̱ꞌ man Cristó chugua̱nj. ꞌO̱ se racuíj noꞌ man queꞌe̱e̱ ndoꞌo yuvii̱, ne̱ racuíj noꞌ man ma̱ꞌanj, ne̱ cheꞌé dan sese vaa se cachi̱in man noꞌ, ne̱ ra̱cuíj soj man noꞌ á.

Romanos 15:25

Dan me se caꞌa̱nj ꞌu̱nj chumanꞌ Jerusalén cuano̱, ne̱ ra̱cuíj ꞌu̱nj man nij síí noco̱ꞌ man Cristó ya̱nj chumanꞌ yoꞌ ado̱nj.

Romanos 12:13

Sese vaa se achiin rihaan tinúú soj síí noco̱ꞌ man Cristó, ne̱ ra̱cuíj soj man nij soꞌ a. Ne̱ veꞌé quiꞌya̱j soj caꞌve̱j soj cara̱nꞌ yuvii̱ tucuá soj do̱ꞌ, cha̱ yuvii̱ ga̱ soj do̱ꞌ á.

Apocalipsis 14:4

Ne̱ ne quiꞌya̱j nij soꞌ cacunꞌ ga̱ chana̱ rihaan Yaꞌanj maꞌ. ꞌO̱ se síí vaa sa̱ꞌ ina̱nj me ta̱ranꞌ nij soꞌ na̱nj ado̱nj. Ne̱ síí canocoꞌ xcó Matzinj Leꞌe̱j me rej maꞌa̱n va̱j soꞌ me uún nij soꞌ a. Ne̱ nij soꞌ me nij síí táá ya̱a̱n rihaan ta̱ranꞌ ꞌó nij síí ma̱n rihaan chumii̱ síí cunuu sa̱ꞌ rihaan Yaꞌanj do̱ꞌ, rihaan Matzinj Leꞌe̱j do̱ꞌ, ga̱a caviꞌ Matzinj Leꞌe̱j yoꞌ a.

Hebreos 6:10

ꞌO̱ se né si̱j chiꞌi̱i̱ me Yaꞌanj maꞌ. Si̱j vaa nica̱ rá me Yaꞌanj, ne̱ ꞌo̱ cu̱nuû rá Yaꞌanj ta̱ranꞌ nij suun sa̱ꞌ quiꞌyaj soj ga̱a canocoꞌ soj man soꞌ na̱nj á. Ne̱ ꞌo̱ cu̱nuû rá Yaꞌanj se vaa ꞌyaj soj cheꞌé se aráj cochro̱j soj rihaan soꞌ na̱nj chugua̱nj. Dan me se quiꞌyaj uxrá soj suun racuíj man nij síí noco̱ꞌ man Cristó ga̱a rque̱, ne̱ ꞌo̱ da̱nj ꞌyaj ya̱ soj na̱nj ado̱nj.

Filemón 1:7

ꞌO̱ se guun niha̱ꞌ uxrá rá nimán ꞌu̱nj, ne̱ nariꞌ nucuaj nimán ꞌu̱nj, cheꞌé se ꞌe̱e̱ rá so̱ꞌ man nij tinúú so̱ꞌ ne̱ nuu cui̱j rá nimán nij síí noco̱ꞌ man Cristó ꞌyáá so̱ꞌ, tinu̱j.

1 Timoteo 5:10

Ne̱ queneꞌe̱n cunuda̱nj nii man nij noꞌ se vaa veꞌé ꞌyaj nij noꞌ suun sa̱ꞌ cheꞌé tuviꞌ nij noꞌ do̱ꞌ, se vaa veꞌé tucuachij nij noꞌ taꞌníí nij noꞌ do̱ꞌ, se vaa rqué nij noꞌ se chá chá yuvii̱ aranꞌ tucuá nij noꞌ do̱ꞌ, se vaa naꞌnuꞌ nij noꞌ tacóó nij síí noco̱ꞌ man Cristó do̱ꞌ, se vaa racuíj nij noꞌ man nij síí quiranꞌ sayuun do̱ꞌ, ne̱ nij noꞌ me caꞌve̱e cachro̱n so̱ꞌ se‑chuvi̱i rihaan yanj no̱ se‑chuvi̱i nij chana̱ caviꞌ nica̱ a.

1 Corintios 16:17

Guun niha̱ꞌ ndoꞌo raj se vaa caꞌnaꞌ maꞌa̱n síí cuꞌna̱j Estéfanas do̱ꞌ, Fortunato do̱ꞌ, Acaico do̱ꞌ á. Ga̱a queneꞌenj man nij soꞌ, ne̱ nda̱a maꞌa̱n ya̱ soj queneꞌenj raj na̱nj á. ꞌO̱ se nayón nij soꞌ rihaan soj a.

Romanos 15:31

Cachi̱nj niꞌya̱j soj se vaa nani̱j rihaan sayuun me rá nij síí israelitá ya̱nj estadó Judea síí ne nocoꞌ man Cristó quiꞌya̱j nij soꞌ mán ꞌu̱nj a. Cachi̱nj niꞌya̱j nij soj se vaa veꞌé naca̱j nij síí noco̱ꞌ man Cristó ya̱nj chumanꞌ Jerusalén saꞌanj raꞌaj nago̱j man nij soꞌ saꞌanj rqué nij yuvii̱ yaníj a.

Hechos 18:12

Dan me se yoꞌ dan me se síí cuꞌna̱j Galión me síí nica̱j suun gobernador uun chij rihaan estadó cuꞌna̱j Acaya a. Ne̱ naxuma̱a̱n yuvii̱ israelitá, ne̱ ꞌo̱ cuya̱a̱n me nimán nij soꞌ niꞌya̱j nij soꞌ man Pabló, ne̱ caꞌanj ni̱caj nij soꞌ man Pabló rihaan síí nica̱j suun cuꞌna̱j Galión yoꞌ, cheꞌé rej naquiꞌya̱j cu̱u soꞌ cheꞌé Pabló a.

1 Corintios 16:1

Cata̱j xnaꞌanj ꞌu̱nj rihaan nij soj cheꞌé saꞌanj naquiꞌya̱j chre̱ꞌ soj rque̱ soj man nij síí nique̱ síí noco̱ꞌ man Cristó á. Dan me se quiꞌya̱j soj nda̱a se vaa caꞌnéꞌ ꞌu̱nj suun rihaan nij xꞌneꞌ nij síí noco̱ꞌ man Cristó ya̱nj estadó Galacia a.