1 Corintios 15:12 - Triqui de San Juan Copala

¹² Dan me se neꞌen soj se vaa aꞌmii natáj núj se vaa cunuu iꞌna̱ꞌ uún Cristó ga̱a caviꞌ soꞌ, ne̱ me cheꞌé taj taꞌa̱j yuvii̱ ꞌni̱j scaꞌnúj soj se vaa se̱ caꞌvee cunu̱u iꞌna̱ꞌ uún nij síí caviꞌ ga̱.

1 Corintios 15:12 Referans Kwoze

Hechos 26:8

Ne̱ me cheꞌé ne amán rá soj se vaa caꞌve̱e cunu̱u iꞌna̱ꞌ uún nij síí caviꞌ quiꞌya̱j Yaꞌanj ga̱.

Hechos 17:32

Dan me se ga̱a cuno nij síí ma̱n Atenas nana̱ se vaa cunuu iꞌna̱ꞌ uún ꞌo̱ síí caviꞌ, ne̱ taꞌa̱j nij soꞌ caꞌngaꞌ naco̱o̱, ne̱ ꞌó taꞌa̱j nij soꞌ cataj a: ―Nda̱a ꞌó güii uún me se caꞌna̱ꞌ núj cuno̱ núj snana̱ so̱ꞌ na̱nj á ―taj ꞌó taꞌa̱j nij síí ma̱n chumanꞌ Atenas a.

2 Timoteo 2:18

Dan me se cataj ro̱j soꞌ se vaa a̱j quisíj cunuu iꞌna̱ꞌ uún nij síí caviꞌ, ne̱ se̱ cunuu iꞌna̱ꞌ uún doj yuvii̱, taj ro̱j soꞌ a. Da̱nj tuꞌva ro̱j soꞌ, tza̱j ne̱ ne neꞌen uxrá ro̱j soꞌ a̱ doj a̱ maꞌ. Tza̱j ne̱ vaa taꞌa̱j yuvii̱ cuchumán rá nana̱ caꞌmii ro̱j soꞌ, ne̱ cheꞌé dan caꞌneꞌ rá nij yuvii̱ ga̱ suun nucua̱j rá man Yaꞌanj, quiꞌyaj ro̱j soꞌ a.

Hechos 23:8

ꞌO̱ se nij síí saduceo roꞌ, taj se vaa se̱ caꞌvee cunu̱u iꞌna̱ꞌ uún nij síí caviꞌ maꞌ. Ne̱ se‑mo̱zó Yaꞌanj do̱ꞌ, nimán yuvii̱ do̱ꞌ, taj va̱j maꞌ, taj nij síí saduceo yoꞌ a. Tza̱j ne̱ nij síí fariseo roꞌ, taj se vaa ya̱ ya̱ cunu̱u iꞌna̱ꞌ uún nij síí caviꞌ vaa güii, ne̱ vaa se‑mo̱zó Yaꞌanj, ne̱ vaa nimán yuvii̱, taj nij soꞌ a.

1 Corintios 15:11

Ne̱ caꞌve̱e se aꞌmii natáj ꞌu̱nj caꞌve̱e se aꞌmii natáj ꞌó nij síí cuneꞌ Jesucristó snana̱ Yaꞌanj nana̱ sa̱ꞌ, ne̱ cuchumán rá soj cuno soj nana̱ sa̱ꞌ yoꞌ á.