1 Corintios 15:1 - Triqui de San Juan Copala

¹ Ya̱j me se me raj nanu̱j rá soj nana̱ cataj xnaꞌanj ꞌu̱nj rihaan soj, tinu̱j, nocoj. Dan me se nana̱ sa̱ꞌ cheꞌé Cristó a̱j natáꞌ ꞌu̱nj rihaan soj asi̱j rque̱ me nana̱ nihánj, ne̱ cuno soj nana̱ nihánj, ne̱ xraan nocoꞌ soj man nana̱ nihánj a.

1 Corintios 15:1 Referans Kwoze

1 Pedro 5:12

Veé da̱nj síj natáꞌ ꞌu̱nj do̱j nij nana̱ no̱ rihaan yanj nihánj, ne̱ tinúꞌ Silvano me síí cachrón snana̱j rihaan yanj nihánj, ne̱ dan me se tinúú níꞌ síí nucua̱j rá níꞌ man me soꞌ a. Dan me se nana̱ nihánj me se narquej chrej nucua̱j rihaan soj, ne̱ cataj xnaꞌanj ꞌu̱nj rihaan soj se vaa tucuáán noco̱ꞌ níꞌ roꞌ, maꞌa̱n ya̱ tucuáán yoꞌ me rej ꞌyaj Yaꞌanj se lu̱j cheꞌé níꞌ chugua̱nj. Raan canoco̱ꞌ soj tucuáán yoꞌ á.

1 Tesalonicenses 1:6

Ne̱ ase quiꞌyaj gue̱e̱ núj do̱ꞌ, ase ꞌyaj gue̱e̱ Síí ꞌNi̱j Raꞌa man níꞌ do̱ꞌ, da̱nj quiꞌyaj gue̱e̱ soj chugua̱nj. Dan me se nda̱ꞌ se quiranꞌ soj sayuun quiꞌyaj nij yuvii̱ ne nocoꞌ man Cristó, tza̱j ne̱ ꞌo̱ canocoꞌ soj snana̱ Yaꞌanj, ne̱ guun niha̱ꞌ rá soj, quiꞌyaj Nimán Yaꞌanj ado̱nj.

2 Corintios 1:24

ꞌO̱ se ne me rá núj quiri̱i̱ taꞌngaꞌ núj rihaan soj da̱j quiꞌya̱j soj canoco̱ꞌ soj man Cristó maꞌ. ꞌO̱ se síí ꞌyaj se‑su̱u̱n Yaꞌanj rcuaꞌa̱a̱n ga̱ soj yan cavi̱i̱ sa̱ꞌ soj ne̱ gu̱un niha̱ꞌ rá soj me núj, ne̱ a̱j nariꞌ sa̱ꞌ soj canoco̱ꞌ maꞌa̱n soj man Cristó na̱nj ado̱nj.

2 Tesalonicenses 3:6

Cheꞌé se‑chuvi̱i Jesucristó Si̱j ꞌNi̱j Raꞌa man níꞌ, aꞌneꞌ núj ꞌó suun rihaan soj, tinu̱j, nocoj. Dan me se gu̱un yaníj soj rihaan nu̱ꞌ nij tinúú níꞌ nij síí noco̱ꞌ chrej rmi̱i̱ naꞌvej rá quiꞌya̱j suun á. ꞌO̱ se si̱j ne nocoꞌ tucuáán cuchruj núj rihaan me nij soꞌ a̱ maꞌ.

1 Tesalonicenses 4:1

Ya̱j me se cheꞌé se si̱j a̱j noco̱ꞌ man Jesús Si̱j ꞌNi̱j Raꞌa man níꞌ me nu̱ꞌ níꞌ roꞌ, cheꞌé dan cuano̱ nihánj me cata̱j xnaꞌanj núj rihaan soj se vaa doj a̱ doj a̱ canoco̱ꞌ soj nu̱ꞌ tucuáán cuchruj núj rihaan soj ga̱a cataj núj da̱j quiꞌya̱j soj ga̱a mán soj rihaan chumii̱ nihánj ga̱a ne̱ cara̱nꞌ rá Yaꞌanj ni̱ꞌyaj Yaꞌanj man soj, tinu̱j, nocoj.

1 Tesalonicenses 2:13

Niga̱nj taj núj guun niꞌya̱j níꞌ rihaan Yaꞌanj cheꞌé soj na̱nj á. Dan me se ga̱a cuno soj snana̱ Yaꞌanj nana̱ caꞌmii natáj núj rihaan soj, ne̱ ne cata̱j soj se vaa snana̱ yuvii̱ u̱u̱n me nana̱ yoꞌ maꞌ. Ya̱ cataj soj se vaa snana̱ Yaꞌanj me nana̱ nataꞌ núj, ne̱ veé ya̱ snana̱ Yaꞌanj me yoꞌ ado̱nj. Ne̱ nuu sa̱ꞌ nimán soj, ꞌyaj nana̱ yoꞌ, cheꞌé se amán rá soj uno soj nana̱ yoꞌ ado̱nj.

Romanos 2:16

Ne̱ da̱nj ga̱a̱ caꞌne̱ꞌ Yaꞌanj cacunꞌ cheꞌé nij soꞌ güii caꞌne̱ꞌ Yaꞌanj cacunꞌ cheꞌé nimán yuvii̱ á. Da̱nj taj nana̱ sa̱ꞌ cheꞌé Cristó aꞌmii natáj ꞌu̱nj rihaan yuvii̱ na̱nj á.

Hechos 11:1

Dan me se cuno nij síí cuneꞌ Jesús caꞌa̱nj nata̱ꞌ snana̱ soꞌ cuno ꞌó nij tinu̱j nij síí cuchumán rá niꞌya̱j man Jesús ya̱nj estadó Judea cuno nana̱ se vaa nda̱a nij síí yaníj canocoꞌ snana̱ Yaꞌanj a.

San Juan 12:48

Dan me se síí tanáj xco̱ manj ne̱ naꞌvej rá cuno̱ snana̱j me se quita̱j cacunꞌ xráá soꞌ na̱nj ado̱nj. ꞌO̱ se cheꞌé se ne cuno̱ soꞌ nana̱ caꞌmij rihaan soꞌ roꞌ, cheꞌé dan quita̱j cacunꞌ xráá soꞌ asa̱ꞌ quisíj güii caꞌa̱nj niꞌya̱ chumii̱ nihánj chugua̱nj.

1 Corintios 3:6

Dan me se asino ya̱a̱n cataj xnaꞌanj ꞌu̱nj snana̱ Yaꞌanj rihaan soj, ga̱a ne̱ cuchiꞌ síí cuꞌna̱j Apolos rihaan soj uún, ga̱a ne̱ sa̱ꞌ doj tucuꞌyón soꞌ nu̱ꞌ snana̱ Yaꞌanj rihaan soj, tza̱j ne̱ maꞌa̱n Yaꞌanj me síí quiꞌyaj doj a̱ canocoꞌ sa̱ꞌ nimán soj man soꞌ,

Romanos 5:2

Dan me se amán rá níꞌ niꞌya̱j níꞌ man Cristó, ne̱ cheꞌé dan guun cheꞌe̱ níꞌ nacaj níꞌ se lu̱j ꞌyaj Yaꞌanj cheꞌé níꞌ, ne̱ xraan nica̱j níꞌ se lu̱j yoꞌ a. Ne̱ ya̱j roꞌ, uun niha̱ꞌ ndoꞌo rá níꞌ cheꞌé se uun ya̱ rá níꞌ se vaa vaa güii ti̱haa̱n Yaꞌanj rihaan níꞌ nu̱ꞌ se vaa niꞌndaj ya̱ sa̱ꞌ veꞌé vaa soꞌ ado̱nj.

Hechos 2:41

Cheꞌé dan me nij síí cuchumán rá snana̱ soꞌ roꞌ, cataꞌ ne nij soꞌ, ne̱ güii yoꞌ me se canocoꞌ naca̱ vaꞌnu̱j míj yuvii̱ man Jesús ta̱ꞌ asuun a.

Romanos 11:20

Tza̱j ne̱ ma̱an cheꞌé se né si̱j amán rá niꞌya̱j Yaꞌanj me taꞌa̱j nij yuvii̱ israelitá yoꞌ me quiriꞌíj yaníj Yaꞌanj man nij soꞌ, ne̱ ma̱an cheꞌé se amán rá soj niꞌya̱j soj Yaꞌanj me nicunꞌ soj rihaan Yaꞌanj cuano̱ chugua̱nj. Tza̱j ne̱ se̱ guun cata̱j soj se vaa vaa se uun ndoꞌo soj maꞌ. Tana̱nj cuchuꞌvi̱ꞌ nimán soj á.

1 Corintios 4:15

Caꞌve̱e se cuchi̱ꞌ chi̱ꞌ míj síí tu̱cuꞌyón cheꞌé Cristó rihaan soj, tza̱j ne̱ asinoj me síí cataj xnaꞌanj nana̱ sa̱ꞌ cheꞌé soꞌ rihaan soj á. Canocoꞌ soj man Cristó Jesús ga̱ ꞌu̱nj, ne̱ cheꞌé dan ase vaa rej soj vaa ꞌu̱nj ado̱nj.

1 Corintios 16:13

ꞌO̱ tu̱mé soj man soj á. Raan canoco̱ꞌ soj man Jesucristó á. Ga̱a̱ nucua̱j nimán soj, ne̱ ꞌo̱ caꞌne̱j nimán soj quiꞌya̱j soj se‑su̱u̱n Yaꞌanj á.