1 Corintios 13:13 - Triqui de San Juan Copala

¹³ Tza̱j ne̱ vaa vaꞌnu̱j suun sa̱ꞌ no̱ xcúún níꞌ quiꞌya̱j níꞌ cuano̱, ne̱ dan me se gu̱un nucua̱j rá níꞌ man Yaꞌanj do̱ꞌ, gu̱un ya̱ rá níꞌ se vaa ya̱ cavi̱i̱ sa̱ꞌ níꞌ do̱ꞌ, ga̱a̱ ꞌe̱e̱ rá níꞌ tuviꞌ níꞌ do̱ꞌ a. Yoꞌ me vaꞌnu̱j se no̱ xcúún níꞌ quiꞌya̱j níꞌ, tza̱j ne̱ o̱rúnꞌ suun ga̱a̱ ꞌe̱e̱ rá man tuviꞌ roꞌ, yoꞌ me suun noco̱o doj rihaan cunuda̱nj ꞌó nij suun ado̱nj.

1 Corintios 13:13 Referans Kwoze

1 Corintios 16:14

Ne̱ ga̱a ꞌyaj soj nu̱ꞌ suun vaa rihaan soj, ne̱ uxrá ga̱a̱ ꞌe̱e̱ rá soj man tinúú soj á.

Colosenses 3:14

Nu̱ꞌ yoꞌ quiꞌya̱j soj, ne̱ vaa ꞌó se sa̱ꞌ doj quiꞌya̱j uún soj, ne̱ yoꞌ me se ga̱a̱ ꞌe̱e̱ ya̱ ya̱ rá soj tuviꞌ soj, ne̱ yoꞌ me quiꞌya̱j gu̱un xraan rcuaꞌa̱a̱n rá soj cuma̱n soj á.

Gálatas 5:6

Xa̱ꞌ níꞌ si̱j noco̱ꞌ man Cristó Jesús me se taj se ꞌyaj sese quita̱j taꞌngaꞌ man níꞌ, taj se ꞌyaj sese se̱ quitáá taꞌngaꞌ man níꞌ, rá Yaꞌanj maꞌ. Tana̱nj me rá Yaꞌanj cuchuma̱n rá níꞌ ni̱ꞌyaj níꞌ man Cristó, ne̱ cheꞌé dan ga̱a̱ ꞌe̱e̱ rá níꞌ ni̱ꞌyaj níꞌ man tinúú níꞌ ado̱nj.

Filipenses 1:9

Ne̱ achíín ni̱ꞌyáj rihaan Yaꞌanj se vaa cunu̱u ꞌe̱e̱ doj rá soj tuviꞌ soj ꞌo̱ ꞌo̱ güii, ne̱ sa̱ꞌ doj xca̱j soj cuentá da̱j vaa ꞌo̱ ꞌo̱ rasu̱u̱n,

1 Timoteo 1:5

ꞌO̱ se aꞌnéꞌ ꞌu̱nj suun yoꞌ rihaan so̱ꞌ cheꞌé se me rá ꞌu̱nj ga̱a̱ ꞌe̱e̱ rá níꞌ tuviꞌ níꞌ á. Sese naruvii nimán níꞌ, ne̱ sese taj cacunꞌ tumé níꞌ rá níꞌ, ne̱ sese amán ya̱ rá níꞌ niꞌya̱j níꞌ Yaꞌanj, ne̱ caꞌve̱e ga̱a̱ ꞌe̱e̱ rá níꞌ ni̱ꞌyaj níꞌ tuviꞌ níꞌ ado̱nj.

1 Juan 2:10

Ne̱ síí ꞌe̱e̱ rá man tinúú me se soꞌ me síí chéé rej chuguu̱n ga̱ snana̱ Cristó, ne̱ se̱ caꞌvee naxru̱ꞌ soꞌ maꞌ.

1 Tesalonicenses 5:8

Xa̱ꞌ níꞌ, tza̱j ne̱ si̱j va̱j rej ranga̱ꞌ me níꞌ, ne̱ acaj níꞌ cuentá da̱j ꞌyaj níꞌ na̱nj á. Dan me se ꞌo̱ ga̱a̱ nucua̱j rá níꞌ man Cristó, ne̱ ga̱a̱ ꞌe̱e̱ rá níꞌ man tinúú níꞌ, ne̱ ase vaa aráán rihaan nimán tanuu ꞌyaj agaꞌ no̱ rucua̱a̱ tanuu roꞌ, da̱nj ga̱a̱ ca̱ráán rihaan nimán níꞌ a. Ne̱ gu̱un ya̱ rá níꞌ se vaa ya̱ nani̱i̱ níꞌ rihaan sayuun ne̱ cavi̱i̱ sa̱ꞌ níꞌ, ne̱ ase vaa avii sa̱ꞌ tanuu ꞌyaj agaꞌ nu̱u̱ raa̱ tanuu roꞌ, da̱nj ga̱a̱ cavi̱i̱ sa̱ꞌ níꞌ a.

2 Corintios 5:10

Neꞌen núj se vaa vaa güii no̱ xcúún ta̱ranꞌ níꞌ canicu̱nꞌ ta̱ranꞌ níꞌ rihaan Cristó, ne̱ naquiꞌya̱j cu̱u soꞌ cheꞌé níꞌ a. Ga̱a ne̱ na̱ruꞌvee Cristó rihaan níꞌ cheꞌé se vaa quiꞌyaj níꞌ ga̱a vaa iꞌna̱ꞌ níꞌ rihaan chumii̱ nihánj, ne̱ sese sa̱ꞌ quiꞌyaj níꞌ, ne̱ se sa̱ꞌ na̱ruꞌvee Cristó rihaan níꞌ, ne̱ sese nij quiꞌyaj níꞌ, ne̱ se nij ni̱caj níꞌ na̱nj ado̱nj.

1 Corintios 8:3

Tza̱j ne̱ sese ya̱ aráj cochro̱j ꞌo̱ soꞌ rihaan Yaꞌanj, ne̱ ya̱ neꞌen Yaꞌanj man soꞌ uún ado̱nj.

Colosenses 1:27

Dan me se guun rá Yaꞌanj xca̱j cunuda̱nj níꞌ si̱j noco̱ꞌ man soꞌ cuentá cheꞌé nana̱ sa̱ꞌ yuve̱ nihánj nana̱ tihaa̱n naca̱ Yaꞌanj se vaa niꞌndaj ya̱ sa̱ꞌ quiꞌyaj Yaꞌanj cheꞌé soj si̱j yaníj na̱nj ado̱nj. Dan me se yuvii̱ yaníj me soj, tza̱j ne̱ ya̱nj Cristó nimán soj, ne̱ cheꞌé dan uun ya̱ rá níꞌ se vaa niꞌndaj ya̱ cavi̱i̱ sa̱ꞌ soj ga̱ Yaꞌanj vaa güii na̱nj ado̱nj.

1 Pedro 1:21

Ne̱ cheꞌé se vaa quiꞌyaj Cristó cheꞌé soj roꞌ, cheꞌé dan amán rá soj niꞌya̱j soj man Yaꞌanj cheꞌé se soꞌ me síí naquiꞌyaj iꞌna̱ꞌ man Cristó, ne̱ soꞌ me síí quiꞌyaj se vaa taj yuvii̱ se vaa niꞌndaj ya̱ sa̱ꞌ cavii Cristó a. Ne̱ cheꞌé se da̱nj quiꞌyaj Yaꞌanj roꞌ, cheꞌé dan amán rá soj niꞌya̱j soj man Yaꞌanj, ne̱ naꞌvi̱j soj quisi̱j güii cavi̱i̱ sa̱ꞌ ndoꞌo soj quiꞌya̱j soꞌ a.

1 Juan 3:9

Ne̱ ta̱ranꞌ nij síí caꞌngaa naca̱ nimán quiꞌyaj Yaꞌanj roꞌ, né ꞌo̱ ꞌyaj nij soꞌ cacunꞌ a̱ maꞌ. ꞌO̱ se Yaꞌanj me síí quiꞌyaj caꞌngaa naca̱ nimán nij soꞌ, ne̱ se̱ caꞌvee ꞌo̱ quiꞌya̱j nij soꞌ cacunꞌ, ese maꞌa̱n Yaꞌanj quiꞌyaj caꞌngaa naca̱ nimán nij soꞌ na̱nj ado̱nj.

1 Juan 3:3

Ne̱ nij síí uun ya̱ rá se vaa queneꞌe̱n nij soꞌ man Cristó roꞌ, ya̱ cunu̱u sa̱ꞌ nimán nij soꞌ quiꞌya̱j nij soꞌ, ne̱ ase vaa sa̱ꞌ nimán Cristó roꞌ, da̱nj ga̱a̱ sa̱ꞌ nimán nij soꞌ uún ado̱nj.

1 Juan 2:14

Achrón ꞌu̱nj nu̱ꞌ nana̱ nihánj naya̱a̱ soj si̱j vaa taꞌníí, cheꞌé se a̱j neꞌen soj man síí cayáán ga̱ Yaꞌanj asi̱j tacóó chumii̱ ado̱nj. Achrón ꞌu̱nj nu̱ꞌ nana̱ nihánj naya̱a̱ soj si̱j tachru̱u̱, cheꞌé se nucua̱j ndoꞌo nimán soj rihaan sayuun, ne̱ ꞌo̱ uno soj snana̱ Yaꞌanj, ne̱ a̱j quiꞌyaj canaán soj rihaan Síí Chre̱e na̱nj ado̱nj.

Hebreos 6:19

Ne̱ sese ꞌo̱ gu̱un ya̱ rá níꞌ, ne̱ ga̱a̱ sca̱ꞌ nimán níꞌ, ne̱ xraan cuchuma̱n rá níꞌ ado̱nj. ꞌO̱ se ya̱ uxrá vaa nana̱ amán rá níꞌ, ne̱ cheꞌé nana̱ yoꞌ caꞌve̱e cache̱n níꞌ yatzíj mantá cortiná ne̱ catu̱u̱ níꞌ rej nicu̱nꞌ maꞌa̱n Yaꞌanj ado̱nj.

2 Timoteo 1:7

ꞌO̱ se né si̱j chuꞌviꞌ nimán me níꞌ, quiꞌyaj Yaꞌanj maꞌ. Tana̱nj nariꞌ nucuaj nimán níꞌ, ne̱ nuu ꞌe̱e̱ rá níꞌ tuviꞌ níꞌ, ne̱ tumé níꞌ man níꞌ me da̱j ꞌyaj níꞌ, ꞌyaj Yaꞌanj ado̱nj.

Hebreos 6:11

Tza̱j ne̱ me uxrá rá ꞌu̱nj se vaa ꞌo̱ cuya̱a̱n gu̱un ya̱ rá ꞌo̱ ꞌo̱ nij tinu̱j soj se vaa cavi̱i̱ sa̱ꞌ ya̱ uxrá soj quiꞌya̱j Cristó, ne̱ gu̱un niha̱ꞌ rá soj canoco̱ꞌ xraan soj man soꞌ nda̱a se quisi̱j güii caꞌna̱ꞌ uún soꞌ á.

2 Corintios 5:15

Ne̱ cheꞌé se cunuu sa̱ꞌ nimán nij yuvii̱ roꞌ, cheꞌé dan se̱ guun rá nij yuvii̱ ca̱yáán nij yuvii̱ cheꞌé maꞌa̱n nij yuvii̱ maꞌ. ꞌO̱ se ga̱a̱ iꞌna̱ꞌ nij soꞌ cheꞌé yan canoco̱ꞌ nij soꞌ man Cristó síí caviꞌ cheꞌé nij soꞌ, ne̱ cunuu iꞌna̱ꞌ uún soꞌ cheꞌé yan cavi̱i̱ sa̱ꞌ nij yuvii̱ doj na̱nj ado̱nj.

1 Corintios 14:1

Cheꞌé dan ꞌo̱ ga̱a̱ suun ꞌe̱e̱ rá man tuviꞌ nimán soj, ne̱ nano̱ꞌ soj da̱j quiꞌya̱j soj, ne̱ ni̱caj soj suun sa̱ꞌ, quiꞌya̱j Nimán Yaꞌanj á. Tza̱j ne̱ doj a̱ gu̱un rá soj nata̱ꞌ soj nana̱ rqué Yaꞌanj rihaan soj na̱nj ado̱nj.

1 Corintios 3:14

Dan me se sese suun sa̱ꞌ ꞌyaj ꞌo̱ soꞌ, ne̱ se̱ cacaa yoꞌ, ne̱ na̱ruꞌvee Yaꞌanj rihaan soꞌ,

1 Juan 2:24

Ne̱ xa̱ꞌ soj, tza̱j ne̱ ꞌo̱ cuno̱ soj nana̱ cuno soj ga̱a guun cheꞌe̱ soj canocoꞌ soj man Cristó á. Sese quiꞌya̱j soj da̱nj, ne̱ si̱j noco̱ꞌ ya̱ man Taꞌníí Yaꞌanj do̱ꞌ, man maꞌa̱n Rej níꞌ Yaꞌanj do̱ꞌ, me soj chugua̱nj.

San Lucas 22:32

Tza̱j ne̱ a̱j cachíín ni̱ꞌyáá ꞌu̱nj rihaan Yaꞌanj cheꞌé so̱ꞌ, se vaa se̱ caꞌneꞌ rá so̱ꞌ ga̱ suun amán rá niꞌya̱j manj a̱ maꞌ. Ga̱a ne̱ asa̱ꞌ nanica̱j nimán so̱ꞌ canoco̱ꞌ uún so̱ꞌ manj roꞌ, ga̱a ne̱ ra̱cuíj so̱ꞌ man nij tinúú so̱ꞌ se vaa cunu̱u sca̱ꞌ doj nimán nij soꞌ uún na̱nj á ―taj Jesús rihaan Simón Pedró a.

San Lucas 10:27

Ga̱a ne̱ cataj soꞌ rihaan Jesús a: ―“Nda̱a nimán yá so̱ꞌ gu̱un rá so̱ꞌ ni̱ꞌyaj so̱ꞌ man Yaꞌanj Si̱j ꞌNi̱j Raꞌa man níꞌ, ne̱ nda̱a nu̱ꞌ se nucua̱j yá so̱ꞌ cara̱a̱ cochro̱j rihaan Yaꞌanj, ne̱ ꞌo̱ nda̱a cúú yave̱ yá so̱ꞌ cuchuma̱n rá ni̱ꞌyaj man Yaꞌanj na̱nj ado̱nj.” Ne̱, “Adi̱ꞌ se ꞌe̱e̱ rá so̱ꞌ man ma̱ꞌán so̱ꞌ roꞌ, da̱nj ga̱a̱ ꞌe̱e̱ rá so̱ꞌ man tuvíꞌ so̱ꞌ á”, taj stucua̱nj Moisés ado̱nj ―taj síí naquiꞌyaj cu̱u stucua̱nj Moisés yoꞌ a.

Hebreos 10:39

Tza̱j ne̱ né si̱j anica̱j rmaꞌa̱n rej xco̱ me níꞌ maꞌ. Cheꞌé dan se̱ quiriꞌ níꞌ maꞌ. ꞌO̱ se si̱j nucua̱j rá man Yaꞌanj me níꞌ, ne̱ cheꞌé dan nani̱i̱ nimán níꞌ rihaan sayuun ado̱nj.

1 Corintios 8:1

Ne̱ cata̱j xnaꞌanj ꞌu̱nj rihaan soj cheꞌé nee̱ a̱j cutaꞌ nii rihaan yaꞌanj quiꞌyaj maꞌa̱n yuvii̱ a. Neꞌen níꞌ se vaa síí acaj cuentá me cunuda̱nj níꞌ, ne̱ né se yaꞌa̱nj tihaꞌ me neꞌen níꞌ, ne̱ caꞌmi̱i̱ xta̱ꞌ níꞌ maꞌ. ꞌO̱ se nij ndoꞌo vaa sese da̱nj quiꞌya̱j níꞌ ado̱nj. Tza̱j ne̱ sese ꞌe̱e̱ rá níꞌ man tinúú níꞌ, ne̱ ra̱cuíj níꞌ man tinúú níꞌ, ga̱a ne̱ doj a̱ cavi̱i̱ sa̱ꞌ níꞌ á.

Romanos 15:13

Dan me se nucua̱j rá níꞌ niꞌya̱j níꞌ Yaꞌanj, ne̱ neꞌen níꞌ se vaa vaa güii cavi̱i̱ sa̱ꞌ níꞌ, quiꞌya̱j Yaꞌanj á. Dan me se amán rá nij soj niꞌya̱j soj Yaꞌanj, ne̱ cheꞌé dan me raj gu̱un niha̱ꞌ ndoꞌo rá nimán soj, ne̱ ga̱a̱ xe̱j nimán soj, quiꞌya̱j Yaꞌanj, ga̱a ne̱ doj a̱ gu̱un ya̱ rá soj se vaa cavi̱i̱ sa̱ꞌ soj vaa güii, quiꞌya̱j Nimán Yaꞌanj ado̱nj.

Hebreos 10:35

Dan me se se̱ cuchuꞌviꞌ soj canoco̱ꞌ soj man Cristó, ne̱ se̱ caꞌneꞌ rá soj maꞌ. Cheꞌé se aꞌnéé nucua̱j nimán soj roꞌ, vaa güii, ne̱ noco̱o ya̱ ga̱a̱ rasu̱u̱n quiri̱ꞌ soj ado̱nj.

Colosenses 1:5

Da̱nj vaa rá soj cuano̱, cheꞌé se cuno soj nana̱ sa̱ꞌ cheꞌé Cristó nana̱ ya̱, ne̱ uun ya̱ rá soj se vaa ma̱n ndoꞌo se sa̱ꞌ rej xta̱ꞌ quiri̱ꞌ soj vaa güii ado̱nj.

1 Tesalonicenses 1:3

Dan me se ꞌo̱ nuû rá núj rihaan Rej níꞌ Yaꞌanj se vaa caꞌnéé uxrá nimán soj cuchuma̱n rá soj ni̱ꞌyaj soj man Jesucristó do̱ꞌ, se vaa ꞌo̱ ꞌyaj soj se‑su̱u̱n Jesucristó cheꞌé se ꞌe̱e̱ ya̱ rá soj man yuvii̱ do̱ꞌ, se vaa ꞌo̱ xraan naꞌvi̱j soj cavi̱i̱ sa̱ꞌ soj quiꞌya̱j Jesucristó Si̱j ꞌNi̱j Raꞌa man níꞌ do̱ꞌ ado̱nj.