1 Corintios 12:9 - Triqui de San Juan Copala

⁹ ne̱ ꞌó tinúú níꞌ me síí nucua̱j ndoꞌo rá man Yaꞌanj se vaa ra̱cuíj ndoꞌo Yaꞌanj man níꞌ, ꞌyaj uún maꞌa̱n Nimán Yaꞌanj, ne̱ uun nucua̱j ꞌó tinúú níꞌ tinahuun sa̱ꞌ soꞌ man síí ranꞌ, ꞌyaj uún maꞌa̱n Nimán Yaꞌanj, tza̱j ne̱ veé o̱rúnꞌ Nimán Yaꞌanj ꞌyaj na̱nj ado̱nj.

1 Corintios 12:9 Referans Kwoze

2 Corintios 4:13

No̱ nana̱ caꞌmii ꞌo̱ síí cayáán ga̱a naá rihaan Danj Yaꞌanj se vaa cataj soꞌ a: “Cuchumán raj niꞌya̱j ꞌu̱nj man Yaꞌanj, ne̱ cheꞌé dan caꞌmij cheꞌé soꞌ a”, taj ꞌo̱ síí cayáán ga̱a naá yoꞌ a. Ne̱ ase vaa cuchumán rá síí cayáán ga̱a naá yoꞌ roꞌ, da̱nj vaa amán rá núj, ne̱ cheꞌé dan aꞌmii núj cheꞌé Yaꞌanj,

Efesios 2:8

Dan me se xca̱j nij soj cuentá se vaa ina̱nj cheꞌé se lu̱j quiꞌyaj Yaꞌanj cheꞌé soj me nanii soj rihaan chrej chiꞌi̱i̱ do̱ꞌ, rihaan sayuun do̱ꞌ á. Dan me se ma̱an cheꞌé se amán rá soj niꞌya̱j soj man soꞌ me cavii sa̱ꞌ soj ado̱nj. Né maꞌa̱n soj me síí ꞌyaj aꞌvee avii sa̱ꞌ soj maꞌ. Ma̱an se Yaꞌanj racuíj man soj dan aꞌvee avii sa̱ꞌ soj na̱nj ado̱nj.

1 Corintios 13:2

Caꞌve̱e se veꞌé ndoꞌo natáꞌ ꞌu̱nj nana̱ rqué Yaꞌanj manj do̱ꞌ, caꞌve̱e se neꞌenj nu̱ꞌ nana̱ sa̱ꞌ yuve̱ tihaa̱n Yaꞌanj rihaan yuvii̱ do̱ꞌ, caꞌve̱e se sa̱ꞌ uxrá avii raj do̱ꞌ, caꞌve̱e se amán uxrá raj niꞌya̱j ꞌu̱nj man Yaꞌanj do̱ꞌ, caꞌve̱e se gu̱un nu̱cuáj natuna̱ ꞌu̱nj rej nicu̱nꞌ ꞌo̱ quij xca̱a̱n cheꞌé se amán uxrá raj niꞌya̱j ꞌu̱nj man Yaꞌanj do̱ꞌ, tza̱j ne̱ sese ne ꞌe̱e̱ raj tuvij, ne̱ taj se gúnꞌ mán ꞌu̱nj ga̱a a̱ maꞌ.

Hebreos 11:33

Dan me se cheꞌé se amán rá nij soꞌ niꞌya̱j nij soꞌ Yaꞌanj roꞌ, cheꞌé dan quiꞌyaj canaán nij soꞌ rihaan síí nica̱j suun rey do̱ꞌ, caꞌneꞌ sa̱ꞌ nij soꞌ cacunꞌ cheꞌé yuvii̱ do̱ꞌ, quiriꞌ nij soꞌ se vaa cataꞌ tuꞌva Yaꞌanj quiri̱ꞌ ya̱ nij soꞌ do̱ꞌ, guun nucua̱j nij soꞌ caráán nij soꞌ tuꞌva chuvaa̱ do̱ꞌ,

1 Corintios 12:30

Ne uun nucua̱j ta̱ranꞌ soj tinahuun sa̱ꞌ ta̱ranꞌ soj man yuvii̱ ranꞌ maꞌ. Ne aꞌmii cunuda̱nj soj xnaꞌánj naca̱ maꞌ. Ne uun nucua̱j ta̱ranꞌ soj cataj xnaꞌanj soj me se me raj cata̱a nana̱ aꞌmii tinúú níꞌ ga̱a aꞌmii tinúú níꞌ xnaꞌánj naca̱ maꞌ.

1 Corintios 12:28

Ne̱ Yaꞌanj roꞌ, me síí cuneꞌ man ꞌo̱ ꞌo̱ soj quiꞌya̱j soj se‑su̱u̱n Yaꞌanj cheꞌé xꞌneꞌ nij síí noco̱ꞌ man Cristó, ne̱ ino̱ vaa suun caꞌneꞌ Yaꞌanj rihaan ꞌo̱ ꞌo̱ soj a. Ne̱ dan me se asino cuneꞌ Yaꞌanj man núj si̱j ꞌanj nataꞌ snana̱ Jesucristó, ga̱a ne̱ cuneꞌ uún Yaꞌanj man nij síí nataꞌ nana̱ rqué Yaꞌanj rihaan a. Ga̱a ne̱ cuneꞌ uún Yaꞌanj man nij síí tucuꞌyón snana̱ Yaꞌanj rihaan yuvii̱, ga̱a ne̱ cuneꞌ uún Yaꞌanj man nij síí ꞌyaj suun sa̱ꞌ noco̱o a. Ga̱a ne̱ cuneꞌ uún Yaꞌanj man nij síí uun nucua̱j tinahuun sa̱ꞌ man yuvii̱ ranꞌ, ne̱ cuneꞌ uún Yaꞌanj man nij síí racuíj man yuvii̱ ranꞌ sayuun a. Ne̱ cuneꞌ Yaꞌanj man nij síí uun chij rihaan nij síí noco̱ꞌ man Cristó, ne̱ cuneꞌ Yaꞌanj man nij síí neꞌen caꞌmi̱i̱ xnaꞌánj naca̱ a.

San Marcos 16:18

Ne̱ maꞌa̱n raꞌa nij soꞌ ta̱ꞌaa nij soꞌ xcuáá yuva̱a̱, ne̱ caꞌve̱e se coꞌo̱ nij soꞌ se xna̱j, tza̱j ne̱ a̱ doj se̱ quiranꞌ nij soꞌ chiꞌii̱ maꞌ. Ne̱ cuta̱ꞌ raꞌa nij soꞌ xráá síí ranꞌ, ne̱ nahu̱un sa̱ꞌ nij síí ranꞌ yoꞌ a ―taj Jesús rihaan xa̱a̱n nij síí tucuꞌyón snana̱ soꞌ a.

Hechos 5:15

Ne̱ dan me se rihaan chruun do̱ꞌ, rihaan yuvéé do̱ꞌ, táá nij síí ranꞌ, rii nij yuvii̱ man nij síí ranꞌ yoꞌ xeꞌ a. Cuchruj nii man nij síí ranꞌ rá callé rej cache̱n Pedró, cheꞌé se sese scachu̱nꞌ Pedró cano̱ xráá nij síí ranꞌ ne̱ nahu̱un nij soꞌ, rá nij yuvii̱ a.

San Lucas 10:9

Caꞌne̱e̱ soj chiꞌii̱ xráá nij síí ranꞌ ma̱n chumanꞌ yoꞌ, ne̱ caꞌmi̱i̱ natáj soj rihaan yuvii̱ se vaa a̱j nichrunꞌ se vaa gu̱un chij Yaꞌanj scaꞌnúj nij soꞌ a.

San Lucas 9:2

Ga̱a ne̱ caꞌnéé soꞌ man nij soꞌ caꞌa̱nj caꞌmi̱i̱ natáj nij soꞌ cheꞌé da̱j vaa uun chij Yaꞌanj, ne caꞌne̱e̱ nij soꞌ chiꞌii̱ xráá nij síí ranꞌ do̱ꞌ a.

San Marcos 6:13

Ne̱ quirii ndoꞌo nij soꞌ man nij nana̱ chre̱e nimán nij yuvii̱, ne̱ cutáj ndoꞌo nij soꞌ casté raa̱ nij síí ranꞌ, ne̱ nahuun sa̱ꞌ nij síí ranꞌ, quiꞌyaj nij soꞌ a.

San Mateo 21:21

Ga̱a ne̱ cataj Jesús rihaan nij soꞌ a: ―Ya̱ ya̱ cata̱j xnaꞌanj ꞌu̱nj rihaan soj cuano̱ se vaa sese se̱ guun vi̱j rá soj ne̱ ꞌo̱ cuchuma̱n rá soj, ne̱ doj a̱ quiꞌya̱j soj vaa güii, se vaa quiꞌyáá ꞌu̱nj man chruun nihánj ado̱nj. Dan me se cata̱j xnaꞌanj nij soj rihaan quij xca̱a̱n yoꞌ se vaa cu̱riha̱nj quij rej nicu̱nꞌ quij ne̱ caꞌa̱nj ni̱j quij rque na yaꞌa̱nj, ne̱ ya̱ caꞌa̱nj ni̱j yoꞌ rque na yaꞌa̱nj, quiꞌya̱j soj ado̱nj.

San Mateo 10:8

Nahu̱un sa̱ꞌ nij síí ranꞌ, quiꞌya̱j soj, ne̱ cunu̱u iꞌna̱ꞌ uún nij síí caviꞌ, quiꞌya̱j soj, ne̱ nahu̱un sa̱ꞌ nij síí ranꞌ luj riꞌyuj, quiꞌya̱j uún soj, ne̱ quiri̱i̱ soj man nij nana̱ chre̱e nimán nij yuvii̱ á. Cuano̱ nihánj me rque̱ u̱u̱n ꞌu̱nj rej nucua̱j man soj quiꞌya̱j soj da̱nj, ne̱ se̱ caꞌnéj soj saꞌanj man nij yuvii̱ maꞌ.

Hechos 10:38

Ne̱ nana̱ yoꞌ taj se vaa cuneꞌ Yaꞌanj man Jesús síí cavii chumanꞌ Nazaret, ne̱ rqué ndoꞌo Yaꞌanj Nimán Yaꞌanj man soꞌ, ne̱ rqué ndoꞌo Yaꞌanj rej nucua̱j man soꞌ a. Ne̱ dan me se cachéé Jesús, ne̱ quiꞌyaj ndoꞌo soꞌ suun sa̱ꞌ, ne̱ cunuda̱nj nij síí ranꞌ sayuun ꞌyaj Síí Chre̱e cheꞌé se quirii taꞌngaꞌ Síí Chre̱e rihaan nij soꞌ roꞌ, nahuun sa̱ꞌ nij soꞌ, quiꞌyaj Jesús a. ꞌO̱ se Yaꞌanj roꞌ, racuíj ndoꞌo man Jesús ꞌyaj soꞌ da̱nj ado̱nj.