រ៉ូម 12:13 - គម្ពីរ​ភាសា​ទំពួន

¹³ ត្រគ់ អន់ កាណាគ័ កា មួត បក់ ថុក ញ៉ាក កាណុង កាំឡាំង ប៉ាសុន ប‌៉្រ័ះ ឡាក់ តងកាន ពូ តង័ លូ ត្រគ់ រ៉ាំងហៃ អំហ៊្មយ អន់ ដាគ់ៗ ដេល។

រ៉ូម 12:13 Referans Kwoze

ហេព្រឺ 13:16

ជែ ពឹល ប៉្រគ័ សារ ដាគ់ លើ អន់ កាណាគ័ កា ពូ ខង ប៉្រគ័ នីណោ័ះ ត្រគ់ ពុត ប‌៉្រ័ះ ខាក់ ពៀប ឡាក់ កា កាណាគ័ ពូ ពុះ រ៉ាម៉ះ ប‌៉្រ័ះ ដេល។

២ កូរិនថូះ 9:12

ខង ង៉ារ ចាក ប៉ាតុំ លៀន អា អូ ត្រគ់ ដឹង កា តង័ ប៉ាសុន ប‌៉្រ័ះ កាណុង សារ អន់ឌែ តងកាន ណោះ អុះ ឃឺ ប៉្រគ័ អន់ អន់ឌែ ហោក រ៉គ់ កា ប‌៉្រ័ះ ប៊កកាតយ័ កាខាក់ ដេល។

១ យូហាន 3:17

ផានែវ បក់ ចំ ទី រ៉ាស អំប៉ាស ពឹង អង់កក់ តេះ អា អ៊ែ ប៉ប័ អុះ ម៉ី តាំងឡា ថុក ញ៉ាក ហះកា អ៊ែ អូ តាប៉ាប តាប៉ុន អុះ អ៊ែ អូ ទី សារ ប៉ិច ចៃ គុន ប‌៉្រ័ះ ប៊កកាតយ័ កាណុង ពុត អ៊ែ អុះ។

ហេព្រឺ 6:10

ខង ប‌៉្រ័ះ ប៊កកាតយ័ អូ ត្រគ់ ប‌៉្រ័ះ អូ ត្រង់ ណោះ អុះ អ៊ែ អូ ពឹល សារ ញ៉ា ឡាក់ អន់ដីស ប៉្រគ័ ណោះ ដេល អ៊ែ កា អូ ពឹល កា អន់ដីស តង័ ប៉ាសុន អ៊ែ ញន កា ប៉ិច ចៃ កា អ៊ែ ផះ អន់ទ្រួល ពែ លូ រ៉ាប់ ដារ់ អា ដេល។

១ ពេត្រុះ 4:9

ត្រគ់ អ្លុ រ៉ាំងហៃ អំហ៊្មយ អន់ រ៉ាប‌៉័ះ រ៉ះ រ៉ើច អូ ង៉ាញ អុះ។

កាឡាទី 6:10

ទឹល នីណោ័ះ ផះ អង់រ៉ាម័ ពិន ទី ដារ់ ប៉្រគ័ ដាគ់ ពិន ត្រគ់ ប៉្រគ័ ដាគ់ កា ប៉ាណូស ទិឌូ កាខាក់ អ៊ែ កា កាំឡាំង មួត សឿ។

ហេព្រឺ 13:2

ហគ់ រ៉ាំងហៃ អំហ៊្មយ អន់ ដាគ់ៗ ខង ទី បក់ អន់ដា ហាប់ ទឹប ប៊យ ប‌៉្រ័ះ ហះកា អន់ឌែ អូ អន់ហ្នាល់ កា ប៊យ ប‌៉្រ័ះ អុះ សាម៉គ័ កា ប៉ាណូស ដោច។

១ ធីម៉ូថេ 3:2

ទឹល នីណោ័ះ បក់ ប៉្រគ័ ម៉ៃគ ពូ ត្រគ់ ប៉្រគ័ ដាគ់ អូ ប៉្រគ័ សារ យច អុះ ត្រគ់ ទី កាម៉ាញ់ ដឹង ម៉ោញ ត្រគ់ អ្លុ សាំងកៃ ឡាកោ ជែ អន់ ប៉្រគ័ យច ទឹប ពូ ផា អ៊ែ ប៉ាណូស ដាគ់ ត្រង់។ អ៊ែ ត្រគ់ អ្លុ រ៉ាំងហៃ អំហ៊្មយ លូ អ្លុ ប៉ាំងហៀន ពូ

១ ធីម៉ូថេ 5:10

លូ កាំឡាំង ទិឌូ ផា អ៊ែ ឡាក់ ប៉ាណូស ដាគ់ ត្រង់ ទឹប អ៊ែ អ្លុ អន់តគ់ ប៉ាតោ រ៉ាំងហៃ គន សោ លូ អ្លុ រ៉ាំងហៃ អំហ៊្មយ រ៉ាវ ជុង កា មួត សឿ ប‌៉្រ័ះ  អ្លុ តង័ បក់ ទី សារ ឡាំបាក លូ ខំ ប៉្រគ័ សារ ដាគ់ គ្រឹប នែវ។

ម៉ាថាយ 25:35

ខង ផះ អាញ់ ឡាយ៉ិត អន់ដីស អន់ សាណា កា អាញ់ សា ផះ អាញ់ ហ៊្រែង ទៀក អន់ដីស អន់ ទៀក កា អាញ់ អៃត ផះ អាញ់ ឡាក់ អំហ៊្មយ ឡឹង ប៉ាថេត អន់ទៀគ អន់ដីស អន់ អាញ់ រ៉ាឡូវ ដំ ពឹង ហី អន់ដីស

ភីលេម៉ូន 1:7

អឺ អុះ អាញ់ ហោក រ៉គ់ ខាក់ ទឹប ទី សាងុំ ខង អីស ទី ពុត ប៉ិច ចៃ កា ប៉ាសុន ប‌៉្រ័ះ លូ ប៉ាំងហោក ពុត ពៀក អន់ឌែ ដេល។

ទីតុះ 1:8

អ៊ែ ត្រគ់ អ្លុ រ៉ាំងហៃ អំហ៊្មយ លូ ប៉ិច ដឹង កា សារ ដាគ់ អ្លុ សាំងកៃ ឡាកោ ជែ អន់ ប៉្រគ័ យច ទឹប អ៊ែ ដាគ់ ត្រង់ លូ ដាគ់ សាំរ៉ាប់ កា ប‌៉្រ័ះ។

២ កូរិនថូះ 9:1

កាប៉ាច់ សារ ប៉ាហ្យើ លៀន ឡាំ តង័ មួត ប៉ាសុន ប‌៉្រ័ះ ណោះ អូ កូម័ កា អាញ់ ច្រាគ់ សត់ត្រា រ៉ះ កា អន់ដីស អុះ

ង៉ារ មួត រ៉ះ ប៉ាតាង យីស៊ូ (កិច្ច/ការ) 10:4

អ៊ែ ប៉ាញ់ចាក័ ហៃ ប៊យ ប‌៉្រ័ះ ណោះ ទឹប អ្យូគ កាខាក់ កេះណោះ កាប ផា «អឺ ពឹ តាំងឡា ទី សារ ញ៉ា ?» ប៊យ ប‌៉្រ័ះ តើល អ៊ែ ផា «ប‌៉្រ័ះ ប៊កកាតយ័ សាំយ៉ាំង កេះ សារ អីស ម៉ន់ ឡោម ពែ កាណាគ័ អីស អន់ កា ពូ ណោះ កា អ៊ែ អូ ពឹល ដេល។

ង៉ារ មួត រ៉ះ ប៉ាតាង យីស៊ូ (កិច្ច/ការ) 4:35

ជឹន អន់ កា មួត រ៉ះ ប៉ាតាង យីស៊ូ ១២ ដូវ។ កេះណោះ អន់ឌែ ជែក លៀន ណោះ អន់ កា ពូ ពួយ សារ ពូ តងកាន ណោះ ហង។

១ កូរិនថូះ 16:15

អឺ អុះ ម៉ី អាញ់ ប៉រ់ អន់តគ់ រ៉ះ កា អន់ដីស ឡឹង សារ ម៉ោញ ណាវ្គ។ អន់ដីស កា អ្លុ អន់តគ់ កេះ ដេល ផា ពឹង ខេត អាខៃ ណោះ ឃឺ ហី ក្រាន វគ័ សាទេផាណះ អន់ឌែ សឿ យីស៊ូ អន់ទ្រួល ឡឹង ពូ លូ អន់ឌែ ប៉្រគ័ ង៉ារ កា មួត ប៉ាសុន ប‌៉្រ័ះ ទិ ពុត។

រ៉ូម 12:8

បក់ ចំ អ្លុ កាប ប៉ាំងហោក ពុត ពៀក ពូ កាប ពិ។ បក់ ចំ អ្លុ ជែក រ៉ាស អំប៉ាស អន់ កា ពូ ត្រគ់ ជែក ញន ពុត ដាគ់ ត្រង់។ បក់ ចំ អ្លុ ប៉្រគ័ ម៉ៃគ ណាំផា ត្រគ់ ប៉្រគ័ អ្យក់ ពុត ចៃគ។ បក់ ចំ អ្លុ តង័ មួត ថុក ញ៉ាក ត្រគ់ តង័ ពូ ញន ពុត ហោក រ៉គ់។

ទីតុះ 3:14

អន់ អុះ ម៉ី ពិន ខំ ប៉្រគ័ ង៉ារ ដាគ់ ម៉ាគ់ តង័ សាណា សាណឹត កា បក់ ចាក ប៉្រគ័ ង៉ារ ប‌៉្រ័ះ ជែ អន់ អន់ឌែ ថុក ប៉ាណាប កា កាណាគ័ ញ៉ា ឡាក់ អន់ឌែ តងកាន ប៉្រគ័ នីណោ័ះ ង៉ារ អន់ឌែ ចឹង ទី ខា តាទឹច។

៣ យូហាន 1:5

អឺ អុះ ឡាក់ អាញ់ ប៉ិច ចៃ អីស តង័ អុះ ម៉ី ពិន ឃឺ អីស ប៉្រគ័ សារ ដាគ់ ត្រង់ តាទឹច ហង យ‌៉័ះ អន់ឌែ ណោះ ឡាក់ ពូ អន់ទៀគ កាតាម។