ម៉ាកុះ 15:46 - គម្ពីរ​ភាសា​ទំពួន

⁴⁶ វគ័ យូស៊ែប តាច់ កាណាត់ បាក ដាគ់ៗ អ៊ែ អ្យក់ ជឹរ ប៉ាទ្រូ យីស៊ូ ឡឹង អ៊្លង គឹង ទ្រែម កេះណោះ អ៊ែ អ្យក់ ឡាំ តប់ កាណុង រ៉ូង័ អំហ្មោ ម៉ោញ ឡាក់ ចារ ពូ ប៉្រគ័ ភឿ តប់ ប៉ាទ្រូ។ កេះ តប់ អ៊ែ តាហ្វាល់ អំហ្មោ តីស ម៉ោញ កាត្រើគ អំប៉ារ រ៉ូង័ ណោះ។

ម៉ាកុះ 15:46 Referans Kwoze

យូហាន 11:38

យីស៊ូ ឡាំ ប៉ាគ់ ចារ ពូ តប់ ប៉ាទ្រូ ទឹប អុក ពុត។ ចារ ពូ តប់ ប៉ាទ្រូ ណោះ កាណុង រ៉ូង័ ប៉ានឹម អំប៉ារ រ៉ូង័ ណោះ ពូ កាត្រើគ លូ អំហ្មោ តីស។

លូកា 23:53

ប៉ាគ់ អ៊ែ អ្យក់ ជឹរ ប៉ាទ្រូ យីស៊ូ ឡឹង អ៊្លង គឹង កេះ អ៊ែ អន់ហ៊្នង លូ កាណាត់ បាក ដាគ់ៗ កេះណោះ អ៊ែ ឡាំ តប់ កាណុង រ៉ូង័ អំហ្មោ ឡាក់ ពូ ប៉្រគ័ សាំរ៉ាប់ តប់ ប៉ាទ្រូ។ រ៉ូង័ អំហ្មោ អា បើ តាន័ តប់ ប៉ាទ្រូ បក់ ពឿ អុះ។

ម៉ាថាយ 28:2

ផះ ណោះ ផាឌី អង់កក់ តេះ រ៉ារ៉ៃត ខាក់ ខង ប៊យ ប‌៉្រ័ះ ប៊កកាតយ័ ជឹរ ឡឹង ប៉្លៃង ប៉ាហ្វាល់ ឡាច់ អំហ្មោ ឡឹង អំប៉ារ រ៉ូង័ កេះណោះ អ៊ែ អង់អ្វៃ ពឹង អំហ្មោ ណោះ ហង។

ម៉ាកុះ 15:45

កេះ តាហាន រ៉ះ កា អ៊ែ កេះ ណោះ អ៊ែ អន់ វគ័ យូស៊ែប អ្យក់ ប៉ាទ្រូ យីស៊ូ។

ម៉ាកុះ 15:47

ម៉ារី ឡឹង ស្រុក ម៉ាដាឡា លូ ម៉ារី ឡាក់ មើគ យូសេ ពឹះ ហៃ ចារ តប់ ប៉ាទ្រូ យីស៊ូ ដេល។

យូហាន 11:41

ពូ កា អ្យក់ ឡាច់ អំហ្មោ ឡឹង ពឹរ រ៉ូង័។ យីស៊ូ ង៉ើយ ពឹង ប៉្លៃង លូ កាប ផា «អឺ ពឹ អាញ់ ប៉ានេ អីស ខង អីស ចៃ សាំយ៉ាំង អាញ់។

យូហាន 20:1

ប៉ាគ់ ដារ់ អាទិត ម៉ារី ឡឹង ស្រុក ម៉ាដាឡា ឡាំ ប៉ាគ់ រ៉ូង័ ឡឹង កាំលឺ ផុងម៉ាំង អ៊ែ ប៉ប័ អំហ្មោ ពូ កាត្រើគ ពឹរ រ៉ូង័ ណោះ ប៉ាហ្វាល់ ឡាច់ ឡឹង រ៉ូង័ កេះ។