SAN MATEO 9:4 - Tepehua Pisaflores

⁴ Walh an Jesús yucha ixjak'atsaaniycha tanischa ixtapast'ak'a, pus jajuniy: ―¿Tasu li wa aya jat'ap'ast'aknanatcha?

SAN MATEO 9:4 Referans Kwoze

SAN LUCAS 6:8

Pero mu yucha ixjak'atsaniya an ixjatapast'ak'atk'an, pus juniy an yu ixmaklhtukulunta lapanak: ―K'at'aycha, an ixtan'ajnicha k'at'ay. Pus yucha tayalh, sa'cha tayalh.

SAN MATEO 12:25

Pero an Jesús ixjak'atsaaniya tani ixtapast'ak'acha, pus jajuniy: ―La'atam lhich'alhkat li wa lapu'aykan, talakt'ilhiy. Chi lakatam la'acha'an u lakatam laka cha'a li wa sawalhcha la'aykan, talakt'ilhitawlhkan.

APOCALIPSIS 2:23

Chi an ixlapanakni ajkama'niniya', chi ta lakachux an tacha tata'ayxt'o'a an yu tajakiklaka'inin, katak'atsaya li kit'in oxi ikmispani ixjatapast'ak'at an lapanak chi an ixjalhunut. Chi tuchini yu ilhtutacha atamj atamj uxitnan chunchacha akxta'niya wachu'.

SAN JUAN 16:30

Chaway ijk'atsayawcha li k'ats'a'o'oyi an tanlhun, jant'u ma'lht'ask'iniya li xamati kalhisakmin. Chunchacha ikpukiklaka'iyaw li Diosi makmintacha'an.

SAN LUCAS 11:17

Pero yucha ixjak'atsaniya an ixjatapast'ak'atk'an, jajuniy: ―Wa tuchicha lhich'alhkat li wa lapu'aykan talakt'ilhiy, chi tan wilakalh laka cha'a li wa la'aykan talakt'ilhitawlhkan.

LOS HECHOS 5:9

An Pedro juniy: ―¿Tasu li wa t'amch'a k'ats'ayat para li k'alhila'ts'int'anutcha an ixTakuwin Diosi? Anucha tamincho'ota an yu takimaknulh amint'apapa', chaway uxint'icha katalhi'anan wachu'.

SAN JUAN 16:19

Pus an Jesús lhimacha'xalhi li ixtalhisakmiputun, pus jajuniy: ―Kit'in iklajunaw li wa lakats'uniycha jantucha akintilala'ts'iw, chi li ka'ana lakats'uniy panch'e'ex akilala'ts'impalaw. ¿Yuch'a yu lalhisakmip'axayat?

SAN JUAN 6:64

Chi ta'alinka yu uxitnan yu jantuka' tajakiklaka'inin. Mu an Jesús yucha ixk'atsaycha ixlip'ulhnaj ixjuntachalh, tichini yu'unchacha yu jantu tajakiklaka'inin, chi tichini yuchacha yu kama'axt'a'a'.

SAN JUAN 6:61

An Jesús lhakapu'alhi li an ixt'alhtanan wa ixtalhichiwiniya tacha an jajunilh, pus jajuniy: ―¿Jant'u oxi lhiwilayat?

SAN JUAN 21:17

Ixlipu'a't'utucha lhisakmilh juniy: ―Simón, ists'alh Jonás, ¿k'imap'ayniy? An Pedro ixta'oxila'alhiycha mu a't'utucha lhisakmilh li sna mapayniy, pus juniy: ―Jamach'alhkat Jesús, uxint'i k'ats'a'o'oy, uxint'i k'ats'ayi li ikmapayniyan. An Jesús juniy: ―K'ajalhist'akt'i an kiborregojnin.

SAN LUCAS 5:22

Pero mu an Jesús ixjak'atsaniya tacha an ixtajatapastaknan, pus jajuniy: ―¿Tasu li ch'unch'ach'a jat'ap'ast'aknanat'iti?

SAN MARCOS 12:15

Walh yucha mu ixjak'atsaaniya li wa tajuniycha, pus jajuniy: ―¿Tasu li wa kilalhila'ts'intanuyawcha? K'alhit'at'it a'xtami an tumin, akla'ts'ina'.

SAN MARCOS 2:8

Wayu mu an Jesús ixjak'atsaaniya tani ixtapast'ak'acha, jajuniy: ―¿T'asu li ch'unch'ach'a jat'ap'ast'aknanat'iti?

SAN LUCAS 7:40

Wa chuncha an Jesús juniy: ―Simón, aklhisakmiyan tuchichun. Yucha alhtaylh: ―Ak'i'uncha, maestro.