SAN MATEO 4:20 - Tepehua Pisaflores

²⁰ Wa chuncha yu'uncha watukan tamakawlhi an ixpaxo'tank'an chi tat'a'alhcha.

SAN MATEO 4:20 Referans Kwoze

SAN MATEO 19:27

An Pedro, ja'alhtayanalh, najun: ―Kitnan iklhimakaw'otawcha kilaktanlhunk'an chi iklach'a'o'atawcha, ¿tisuncha akla'a'iyawi?

GÁLATAS 1:16

oxi lhiwilalh an Dios li akimasunilh an isTs'alh, para li ajkalhixa'alalh an ixchiwinti an yu jantu tajakiklaka'inin chi jantucha xamati ikla'alh para li aklhisakmilh.

SAN MATEO 10:37

’Yu palay mapayniya ixpay chi ixnati, chi kit'in jantu, jantu t'acha'ani lay akinch'a'o'alh. Chi yu palay mapayniya ists'alh u istsi, wachu jantu lay akintich'a'o'alh.

SAN MATEO 4:19

Pus jajuniy: ―Akilat'a'awcha, walh ixma'alhilanancha lapanakni akla'ilhtuyaw.

SAN MATEO 4:21

Wanika ancha ixtala'pust'ajun an Jesús jala'ts'impalh ixt'uyunk'an, wachu wa lhit'ala'awnin yu'uncha an Jacobo chi Juan, ixtalakch'it'ajun ixpaxo'tank'an laka barco ali ixpayk'an yu junkan Zebedeo, walh jat'asanilhi an ixt'uyunk'an.

SAN LUCAS 5:11

Akxni talakmakutu'olhcha an ixbarcojk'an, chuxi talakmakaw'ula'olh, chi tat'a'alhcha an Jesús.