SAN MATEO 16:21 - Tepehua Pisaflores

²¹ Chi akxni, an Jesús tsukulhcha jajuniya ixla'ts'awalanti an ixt'alhtanan li ka'ana stak ma'alh'ajna yucha, la'acha'an Jerusalén, li katama'niya'. Jajuniy: ―Yu'uncha an laktatanincha jamacha'an Israel chi an xalaj'ajin sacerdotejnin chi an xamaestrojnin lhamap'a'sini yu akintama'niya'. Pero akla'awcho'oya ixlila'at'utu wilhchan.

SAN MATEO 16:21 Referans Kwoze

SAN MATEO 17:12

Pero klajunaw yucha kilachilhcha, pero jantu tamispalh, stak ta'ilhtulhi wa tani ta'ilhtuputulhcha, wachu chuni kata'ilhtuya an isTs'alh Lapanak.

SAN MATEO 27:63

Tajuniy: ―Jamach'alhkat, ikpastakwi li akxni ixt'ajunka anchunu ja'o'xcho'onu, nawlh: “Ixlila'at'utu wilhchan akla'awcho'oya'.”

SAN MATEO 20:28

Mu masi kit'in yu ikjunlhi isTs'alh Lapanak, jantu ikminta li wa akilak'ilhtunikalhcha an tapatsat, kit'in iklamintaw tapatsaninin, chi ikminta ma'axta'na an kijatsukunti para li lhuw lapanakni katata'alhtaxtulh.

SAN LUCAS 17:25

Pero p'ulhnaj akstak ma'alh'ajnana', jantu k'is akintitala'a'ilhi an yu chaway tat'ajun.

SAN LUCAS 24:46

Chi jajuniy: ―Chuncha ts'o'muk'akanta li an Cristo kaniya chi kala'awcho'oya ixlila'at'utu wilhchan.

SAN MARCOS 8:31

Tsukulhcha jajuniya li an isTs'alh Lapanak kastak ma'alh'ajnana'. Li jantu katitala'ts'imputulhi an laktatanin, chi an xalaj'ajin sacerdotejnin chi an xamaestrojnin lhamap'a'sin. Jajunilhi li katama'niya', pero li ixlila'at'utu wilhchan kala'awcho'oya'.

SAN LUCAS 9:31

Wa xlimjcha ixjunita ixtuntala'acho'ok'an, ixtalhit'alakchiwiniycha an Jesús li ka'anacha, mu wa k'ischa ists'an'aniy yu kamuktaxtuya an la'acha'an Jerusalén.

SAN MATEO 26:47

Ixchiwint'ajunka an Jesús, la'cha'alhcha an Judas, xapumatam an ixpumakawt'uyk'an ixt'alhtanan, t'o'o'ocha jat'acha'alh lhuw lapanakni, ixtalaklhi'antacha ix'espadajk'an chi ixk'iwk'an. Yu'uncha an xalaj'ajin sacerdotejnin chi an laktatanincha yu ancha xalapanakni ixtalhinajunta.

SAN MATEO 26:2

―K'ats'ayatcha li wa la'at'uycha wilhchani ts'an'ay ixk'atan paxku, an isTs'alh Lapanak kama'axta'kanacha para li katamakxtukmuk'alhcha laka Cruz.

SAN MATEO 27:12

Chi akxni ixta'alhtasuycha an xalaj'ajin sacerdotejnin chi an laktatanin, an Jesús jantu k'is ja'alhtayanalh.

SAN MATEO 16:28

Klajunaw yu sawalh, ali'in yu ani tat'ajun, jantu katitanilh sta akxni katala'ts'inacha kamina ch'alhkatna an isTs'alh Lapanak.

SAN MATEO 12:40

Yucha la'at'utu wilhchan chi la'at'utu jatats'isni ixpalaktajun la ixpalakni la'atam ay jatanti, wachuchuni an isTs'alh Lapanak la'at'utu wilhchan chi la'at'utu jatats'isni kata'aknuya'.

SAN MATEO 16:22

Pus wa chuncha an Pedro t'atala'xtinulhi an Jesús, chi sawalhcha juniy: ―¡Jantu Jamach'alhkat Jesús, jantu layi ch'unch'ach'a k'at'ip'ut'ap'asa! Dioscha kalhi'a'tayjun.

SAN MATEO 17:9

Chi akxni tata'alhtaju'cho'olhcha an a'stitawk'a an Jesús, jajuniy: ―Jant'u xamat'i k'a'unit t'ach'a an la'ts'int'it, sta akxni akla'awcho'oya kit'in yu ikwalh isTs'alh Lapanak.

SAN MATEO 28:6

Yucha jantucha tu'u tanun, la'awcho'olhcha, tacha an ixnajunta. Li k'at'atcha la'ts'inini an tan ixmamakanta.

SAN MARCOS 9:12

An Jesús yucha jajuniy: ―An Elías p'ulhnaja kamina sawalh, kamina lats'awalana chux an tanlhun. ¿Chi k'ats'ayat'iti tacha kilhits'o'muk'akanta kit'in yu ikwalh wa tacha isTs'alh Lapanak, li akstak mina ma'alh'ajna chi jantu tu'u akintitalhiwilalh?