SAN MARCOS 8:28 - Tepehua Pisaflores

²⁸ Yu'uncha ta'alhtaylh, tajuniy: ―Ali'in tanajun ma jama'paxanaj Juank'at'i, ali'in ma Eliask'at'i, chi ali'in tanajun ma xamaticha yu wachu lhichiwiniy ixchiwinti Dios.

SAN MARCOS 8:28 Referans Kwoze

SAN JUAN 1:21

Pus talhisakmiy tajuniy: ―¿Pus tisu uxint'icha? ¿Uxint'i Elías? Yucha najun: ―Jantu, jantu kit'ini Elías. ―¿Uxint'i yu lhich'iwiniy ixchiwinti Dios? Yucha ja'alhtaypalh: ―Jantu.

SAN MATEO 14:2

Pus an ixma'tsukunin jajuniy: ―Yucha an jama'paxanaj Juancha la'awcho'olh, xliyu lay lhilak'ilhtuy yu masuy an ix'alhp'asninti Dios.

SAN MATEO 16:14

Yu'uncha tajuniy: ―Ali'in tanajun ma jama'paxanaj Juan, chi ali'in tanajun ma Elías, chi ali'in tanajun ma Jeremías, u ma wa xatichicha yu ixlichiwiniy ixchiwinti Dios.