SAN MARCOS 6:15 - Tepehua Pisaflores

¹⁵ An ali'in ixtanajun: ―Yucha an Elías. Chi an ali'in ixtanajun: ―Ka xamaticha yu wachu chun tacha an yu ixtalhichiwiniy ixchiwinti Dios ma'anchacha.

SAN MARCOS 6:15 Referans Kwoze

SAN MATEO 21:11

Pus an ali'in lapanakni tanajun: ―Ani Jesús, yucha lhichiwiniy ixchiwinti Dios, jamacha'a Nazaret, xalakaat'un Galilea.

SAN MARCOS 8:28

Yu'uncha ta'alhtaylh, tajuniy: ―Ali'in tanajun ma jama'paxanaj Juank'at'i, ali'in ma Eliask'at'i, chi ali'in tanajun ma xamaticha yu wachu lhichiwiniy ixchiwinti Dios.

SAN MATEO 16:14

Yu'uncha tajuniy: ―Ali'in tanajun ma jama'paxanaj Juan, chi ali'in tanajun ma Elías, chi ali'in tanajun ma Jeremías, u ma wa xatichicha yu ixlichiwiniy ixchiwinti Dios.

SAN JUAN 9:17

Wa chuncha talhisakmipalh a'tami an yu la'lhtuluw ixjunita lapanak, tajuniy: ―An yu malakawanin, ¿tisu lapanakch'a na'uni? Yucha najun: ―Kit'in iknajun pumatam yu lhichiwiniy ixchiwinti Dios.

SAN JUAN 7:40

Wa chuncha an ali'in tacha an lhilhuw ixlakyakalh, akxni chunchacha ta'alha'asmatlhi, ixtanajun: ―Ani yucha ixchiwinti Dios sawalhi lhichiwiniy.

SAN JUAN 6:14

An lapanakni akxni chunchacha tala'ts'ilh ilhtulh an Jesús, ixtanajun: ―Yucha anicha sawalhi an li yu kamina lhichiwiniy ixchiwinti Dios ani lakamunulhpa'.

SAN JUAN 1:25

Tajuniy an Juan: ―¿Pus mu li jantu uxint'i Cristojk'at'i, chi jantu Elíask'at'i chi jantu uxint'i an yu kamina lhichiwiniy ixchiwinti Dios, t'asu li jama'p'axanancha?

SAN JUAN 1:21

Pus talhisakmiy tajuniy: ―¿Pus tisu uxint'icha? ¿Uxint'i Elías? Yucha najun: ―Jantu, jantu kit'ini Elías. ―¿Uxint'i yu lhich'iwiniy ixchiwinti Dios? Yucha ja'alhtaypalh: ―Jantu.

SAN LUCAS 9:19

Yu'uncha tajuniy: ―Ali'in tanajun ma Jama'paxanaj Juank'at'i, ali'in ma Eliask'at'i, chi ali'in tanajun ma xamati yu an ma'anchacha ixtalhichiwiniy ixchiwinti Diosi la'awcho'olh.

SAN LUCAS 9:8

ali'in ixtalaknajun ma yucha an Eliascha talakasucho'olh, chi ali'in ixtalaknajun ma wa xatichicha an yu ixtalhichiwiniy ixchiwinti Diosi la'awcho'olh.

SAN LUCAS 7:39

Akxni chunchacha la'ts'in an fariseo yu ixt'alakwajin an Jesús, ixpast'ak'a: “Ani li ixchiwinti Dios sawalhi lhichiwiniy kaxk'atsaalhi tani t'ajuncha ani t'aku an yu lakch'anch'apay, yucha wanaj jantu oxi tacha t'ajun.”

SAN LUCAS 7:16

Ixchuxk'an an yu ixtama'anta talaktalhanalh, chi ixtaxta'niycha lhimala'puchajuni an Dios, ixtalaknajun: ―Ayi ani yu lhichiwiniy ixchiwinti Dios, yu makminkanta ani tan t'awnaw. An Dios minta jama'alhtaxtunu an ixlapanakni.

SAN LUCAS 1:17

Chi an Juan katap'ulhniya an Cristo kalhichiwinina an ixchiwinti Dios la ixTakuwin an Dios, chi la ix'alhp'asninti an Elías, para li an xalakpaynin katat'ala'oxamixnicho'olhcha an ixjas'at'ank'an, chi an yu jantu k'is taja'asmatnan kataja'asmatnalhcha tacha an yu taja'asmatnan, para li akxni kachina an Jamach'alhkat taja'asmatnancha kajala'china'.

SAN MARCOS 6:16

Akxni asmatlhi an Herodes, najun: ―Yucha an Juancha la'awcho'olh an yu iklhinawlh li ka'a'cha'xkalh.