SAN MARCOS 3:5 - Tepehua Pisaflores

⁵ Pus talh'amancha jala'ts'in an Jesús chi lhita'oxila'alhiycha li yu'uncha jantu talhakapu'ani li kataja'a'tayjunulh, juniy an lapanak: ―K'alats'awalat'icha amimaka'. Walh lats'awalalhcha, tamaj'oxilhcha.

SAN MARCOS 3:5 Referans Kwoze

SAN LUCAS 6:10

Sa'cha jala'ts'ini tuntala'acho'o an Jesús, juniy an lapanak: ―K'alats'awalat'icha amimaka'. Pus chunchacha ilhtulh, walh ta'oxinilhcha an ixmaka'.

EFESIOS 4:18

Yu'uncha jantu tu'u tak'atsay chi jantu talhimacha'xay, jantu ta'asmatputuni yu jajunkan. Xliyu ma'ati tamakajunta an jatsukunti yu minta, yu kaxt'a'a an Dios.

ROMANOS 11:25

Kint'ala'awnin, iklakask'in li k'ak'ats'at'iti an ixlaktanlhun Dios yu jantu tasuy, para li jant'u k'alat li sawalhch'a k'ats'ayat, an ali'in ixjas'at'an Israel t'ak'alh talay, pero wa kacha'ana panch'e'ex akxni katatanu'oyantacha ixchuxk'an an yu jantu ixjas'at'an Israel.

SAN MATEO 12:13

Wa chuncha an Jesús junilhi an lapanak an yu jantu lay ixlak'anuy ixmaka: ―K'alats'awalat'icha amimaka'. Pus lats'awalalhcha, chi tamaj'oxilhcha.

APOCALIPSIS 6:16

Chi ixtajuniycha an laj'a'stitawk'a chi an laj'ay chiwx: ―Akila'a'lhtants'iwcha chi akilamats'ewicha, para li jantucha akintala'ts'ini an yu wilh tan ch'alhkatnan chi jantucha akla'ts'iwi ixtalh'amti an Jas'at'a Borrego.

HEBREOS 5:9

Chi chaway li ts'awjcha tukani tsukulh, yuchacha walh li kataputa'alhtaxtu'olh yu ixpujun'alhincha ixchuxk'an an yu takiklaka'iy.

HEBREOS 3:17

¿Chi tisi yu'unchacha yu jatalh'amnilh an Dios t'up'uxam k'ata? Yu'uncha an yu ta'ilhtulh ixtala'alhink'an, yu'uncha tala'ta'a'talh chi talaknilhi an tan wa jaxixnintacha lakaat'un.

EFESIOS 4:30

Jant'u k'ama'ant'a'oxila'alhinit'i an Stalan'a ixTakuwin Dios, an yu p'useyojlak'ant'it para li k'ap'umisp'ak'ant'itcha akxni k'ama'alht'axt'uk'ana'it.

EFESIOS 4:26

Li t'alh'amnat jant'u k'a'ilht'ut'iti mintala'alhink'an, jantu tam wilhchani kata'a'ma'alh mintalh'amtik'an.

2 CORINTIOS 3:14

Pero yu'uncha jantu talhimacha'xaputulh, chi masi chaway, akxni tapunajun an tan ts'o'muk'akanta ixchiwinti Dios yu ma'anchacha putamakawkanta, tachanu wanajka yu jamama'tijlay an st'ak'ak'a la'ch'it para li jantu lay katalhimacha'xalh, mu tachanu jantu jama'osunikanta, chi wa yucha an Cristojo lay puma'osukan.

SAN JUAN 9:7

Ixli'astan juniy: ―K'ap'inchicha la'puch'a'a an tan nap'an wilh xkan junkan Siloé ―nawputun Mala'achakanta. Pus alhcha la'puch'a'a', walh tasp'itcho'ochalh, ixjalakawanancha.

SAN LUCAS 17:14

Akxni jala'ts'ilh an Jesús jajuniy: ―K'ajak'it'alak'asunit'it an sacerdotejnin. Walh akxni wa ixtita'anka, tatala'a'oxi'olhcha.

SAN LUCAS 13:15

Wa chuncha an Jamach'alhkat Jesús alhtaylh, juniy: ―¡Wa t'a'ukxp'ut'uyununat'it! ¿Chu jantu atamj atami x'ot'iy ixburro u ixtoro tan ch'iyajuta, chi ancha ma'ot'unu xkan akxni wa xawilhchan jastaknat?

HEBREOS 3:10

xliyu kintalhima'talh'amalh anchunu lapanakni yu ma'anchacha ixtat'ajun, chi iknawlh: “Wa lhilhijcha tats'an'ata la ixjalhunutk'an, jantu tamispata an kintij.”

SAN MARCOS 3:4

Chi jalhisakmilhcha an ali'in an Jesús, jajuniy: ―¿Oxi li ka'ilhtukalh yu oxi tu'u akxni jantu tapatsakan wilhchan? ¿U ani wilhchan ixpu'ilhtuka yu jantu oxi? ¿Ani wilhchan layi akma'alhtaxtunilh jatsukunti, u akma'nilh? Jantu xamati alhtaylh.