SAN MARCOS 3:11 - Tepehua Pisaflores

¹¹ An lapanakni yu ixtalakpach'apata makxkay'un akxni ixtala'ts'incha an Jesús ixtata'a'tso'ottaniycha chi p'ascha ixtachiwiniy, ixtanajun: ―Uxint'i isTs'alh Dios.

SAN MARCOS 3:11 Referans Kwoze

SAN LUCAS 4:41

Wachu tamakawlhi tanlhun lakmakxkay'un ixluwk'an an ta'an'anin, akxni ixtat'asay an lakmakxkay'un ixtanajun: ―Uxint'i an isTs'alh Dios. Pero an Jesús jantu ixjamakawniya katachiwinilh. Ixjalaj'aymay, mu yu'uncha ixtak'atsayi li yucha an Cristo.

SAN LUCAS 8:28

Pus an lapanak akxni la'ts'ilhcha an Jesús, p'ascha t'asalh chi tatso'ottatawlhnilhcha la ixjach'aja an Jesús, najun: ―¿Tasicha k'ilhtuyani Jesús, isTs'alh Dios yu wilhchalh talhman? ¡Lamapaynin jant'u ak'imama'alh'ajnit'i!

SANTIAGO 2:19

Uxint'i k'iklak'a'iya li wa pumatami Dios, oxich'a li ch'unch'a lay, pero an lakmakxkay'un wachu takiklaka'iy chi tajaxk'ip'ip'itnin.

SAN MATEO 8:29

Tajuniy an Jesús: ―¿Tasicha kla'ilhtuyawi Jesús, isTs'alh Dios? ¿Kilamintawcha mama'alh'ajninini masi jantuka' ixpaku'?

SAN MATEO 4:3

Chi la'cha'alhcha an xapay makxkay'un, juniy: ―Li isTs'alhk'at'i Dios sawalh k'aja'un ani chiwx li katawalh pan.

LOS HECHOS 16:17

An Pablo chi kitnan tsukulhcha kintach'a'o'ayani an jatsi', chi p'ascha ixt'asay ixnajun: ―¡Ani lapanakni yucha an Dios yu wilhchalh talhmani tat'atapatsay, tamak'atsaaniyani an tij yu puta'alhtaxtukan!

SAN MATEO 8:31

Pus tatapayniniycha an Jesús an lakmakxkay'un, tajuniy: ―Li akilatamakxtuyaw akilamakawniw ajkaputanuw an p'axnin.

SAN MATEO 4:6

Chi jumpalhkancha an Jesús: ―Li isTs'alhk'at'i Dios k'awarj p'it'i an talaktsin, mu ts'o'muk'akanta an la ixchiwinti Dios: li an Dios kajamakmina ix'angelhnin para li katama'ch'apan, para li jant'u k'a'ayst'uk'uk'a laka chiwx.

SAN MATEO 14:33

Ixli'astan an yu ixtatajumanalh an laka barco stalhcha tala'alhi an Jesús, chi tatatso'ottanilhcha, tajuniy: ―Uxint'i isTs'alhk'at'i Dios sawalh.

SAN MARCOS 1:1

Aniya a'taynilh an laj'oxi chiwinti yu lhichiwiniy Jesucristo, isTs'alh Dios.

1 CORINTIOS 11:34

Chi li xapumatam chawaniy, la ixcha'acha kawaychalh para li jantu wa katapumama'alh'ajnincha an Dios li t'a'ayxt'o'at. An tanlhun ali, kit'incha aklats'awalaya akxni aklala'cha'anaw.