SAN MARCOS 14:72 - Tepehua Pisaflores

⁷² Walh t'asalhcha an puyux ixli'a't'uycha, wachuncha pastaklhicha an Pedro tacha an ixjunita an Jesús: “Jantuka' a't'uyi katit'asalh an puyux, a't'utucha k'anawna'a li jant'u k'imisp'ay.” Pus sa'cha lhatapastaknani an Pedro, tsukulhcha alhun.

SAN MARCOS 14:72 Referans Kwoze

SAN MARCOS 14:30

Pus an Jesús juniy: ―Kit'in sawalhi yu ijkunan, ani katats'isiya akxni jantuka' a't'uy t'asay puyux, a't'utu k'anawna'a li jant'u k'imisp'ay.

SAN MARCOS 14:68

Yucha najun ma jantu, najun: ―Jantu ijk'atsay t'uch'ini uniycha, kit'in jantu ikmispay. Walh taxtulh an tan putanukanachalh, asmat'a t'asaycha an puyux.

2 CORINTIOS 7:10

Mu an ta'oxila'alhit yu ixtalakask'i an Dios ka'ilhtuni li k'amak'awi an yu jantu laj'oxi jatapast'ak'at chi ta'alhtaxtukan, chi yu yucha ixlakata, jantu layi astancha aktinawlh. Pero an ta'oxila'alhit yu an wa lakamunulhpacha alin yucha jama'ninin.

SAN LUCAS 22:62

Pus an Pedro taxtulh ma'spa, chi wa stakcha alhulh.

SAN LUCAS 22:60

An Pedro najun: ―Jantu ijk'atsay t'uch'ini uniycha, lapanak. Walh wa akxni, chunchaka ixnawt'ajun, t'asalhcha an puyux.

SAN MATEO 26:34

An Jesús juniy: ―Kit'in sawalhi yu ijkunan li chaway ani katats'isiya, akxni jantuka' k'is tu'u katit'asalh puyux, a't'utu k'anawna'a li jant'u k'imisp'ay.

SAN MARCOS 14:71

Pus akxni tsukulhcha wa aya najun, chi ixnajuncha li ma sawalh: ―Jantu ikmispayi an lapanak yu lhich'iwinat'it.