SAN MARCOS 12:37 - Tepehua Pisaflores

³⁷ An David yucha najun li an Cristo ixJamach'alhkat, ¿tasicha li ists'alh a'tami? Pus tacha an wanajcha lhilhuw ts'anaks ixlakyakalh sawalhcha ixta'achani ixta'alha'asmat'a an Jesús.

SAN MARCOS 12:37 Referans Kwoze

APOCALIPSIS 22:16

―Kit'in Jesús, ikmala'achachalhi an ki'angelh para li kajamak'atsaanilhi ani tanlhun an tacha tala'ta'ayxt'o'a an yu kintakiklaka'iy. Kit'in ixjataxiyak chi ikpu'a'p'unminchalh an David, kit'in ikst'aku yu xlimj mapulhkuy akxni tunkunmintacha.

SANTIAGO 2:5

Kint'ala'awnin, uxitnan iklamapayniyaw, k'a'asmatt'iti ani: An Dios yucha jasakxtuta an yu wa takilhpati ani lakamunulhpa', para li sawalhcha katajakiklaka'inilh chi para li katajama'lhtayanalhi an lhich'alhkat, yu yucha an Dios jajunita li kajaxta'niya an yu tamapayniy.

1 TIMOTEO 3:16

Jantu lhitala'a'o'xcho'o li ay sawalhi an yu jantu tasuy jamapayninti: An Cristo kitalakasuchilhi laka jakanit, an ixTakuwin nawlhi li yucha sawalh, chi tala'ts'ilhi an angelhnin. Yucha jalhixa'alakalhi ta kilhmakchux ta'alin an lapanakni Kiklaka'ikani ani lakamunulhpa'. La'a'ikalhi an talhman li yucha ay.

ROMANOS 9:5

Yu'uncha ixlakpaynink'an oxi ixtat'a'aklat'ajun Dios ma'anchacha. Chi yu'uncha japula'awlh an Cristo, chi an Cristo yucha Dios, wa tanchun kawalhcha. Yucha lhilhiji kaxta'niw lhimala'puchajun. Chuncha kajunlhi.

SAN JUAN 12:9

Ixluwk'an an judiojnini tak'atsaalh li an Jesús Betaniaja ixt'ajun, pus ta'alh, pero jantu wa yuchacha ixtala'ts'imputun, wachu ixtala'ts'imputuni an Lázaro, an yu ixmala'awnicho'ota an Jesús.

SAN LUCAS 21:38

Chi wats'isini an lapanakni ixta'an alha'asmatnin an Jesús an laka tajtan.

SAN LUCAS 19:48

Pero jantu lay ta ixta'ilhtuy, mu chux an lapanakni yucha ixtalhakapu'aniniy yu ixjajuniy.

SAN MATEO 21:46

Pus ixtach'apayawputuncha, wa yu tatalhanajlalh, mu an lapanakni an yu ancha jamacha'an ixtakiklaka'iya li yucha ixchiwinti Diosi ixnajun.

SAN MATEO 11:25

Ixli'astan an Jesús tsukulhcha tapayniy, najun: ―KimPay, uxint'i ayk'at'i, Jamach'alhkatk'at'i lakt'iyan chi lakaat'un, uxint'i ilht'u li jantu katalhimacha'xalhi an tanlhun an yu sawalhcha tajalakpastaknan tanajun chi an yu sawalhcha lay talhimacha'xay tanajun, yucha an wa tajakilhpatinijk'atsayi ja'ilht'u li katalhimacha'xalh.

SAN MATEO 11:5

Li an la'la'lhtulu'un tajalakawanancha, chi an lakch'anlht'ulukun, talakalhtanancha, an yu ixtalaklakap'uch'ita, tala'tala'a'oxilhcha, an laj'a'atapan, taja'asmatnancha, an yu ixtalaknitacha, jala'mala'awnicho'okalh, chi an jakilhpatinin jamak'atsaanikancha an laj'oxi chiwinti.

SAN MATEO 1:23

Tichi yucha jatsi yu jatsika sawalh, kapakxana ixjas'at'a, chi kalhitsukuya', Emanuel ka'ulaniya ixta'a'ut, yucha nawputun: Dios kintat'a'aklat'awnan.

SAN MATEO 21:45

Akxni chunchacha ta'alha'asmat'olh an Jesús, an xalaj'ajin sacerdotejnin chi an fariseojnin, talhimacha'xalhi li yu'uncha ixjalhichiwint'ajun.