SAN MARCOS 1:24 - Tepehua Pisaflores

²⁴ ―¡Jijwa! Jesús de Nazaret, ¿t'isunch'a la't'ant'a? ¿Wa kilamintawcha lalakt'ilhi'ulanin? Kit'in ikmispayan, uxint'i Stalan'a ixlapanak Dios.

SAN MARCOS 1:24 Referans Kwoze

SAN MATEO 8:29

Tajuniy an Jesús: ―¿Tasicha kla'ilhtuyawi Jesús, isTs'alh Dios? ¿Kilamintawcha mama'alh'ajninini masi jantuka' ixpaku'?

SANTIAGO 2:19

Uxint'i k'iklak'a'iya li wa pumatami Dios, oxich'a li ch'unch'a lay, pero an lakmakxkay'un wachu takiklaka'iy chi tajaxk'ip'ip'itnin.

SAN LUCAS 4:34

najun: ―¡Jijwa! Jesús de Nazaret, ¿t'isunch'a la't'ant'a? ¿Wa kilamintawcha lalakt'ilhi'ulanin? Kit'in ikmispayan, uxint'i Stalan'a ixlapanak Dios.

LOS HECHOS 3:14

Akxni uxitnan k'a'isk'int'iti li kaxmakawkalhi an yu Stalan'a chi yu jantu tu'u ixtala'alhin ixlit'ajun, apalij sk'int'iti li kamakawkalh pumatam jama'nini'.

APOCALIPSIS 3:7

’Wach'u k'ats'o'nini an xa'angelh an tan tata'ayxt'o'a an yu takiklaka'iy Dios an la'acha'an Filadelfia: “Chunchuniya najun an yu Stalan'a chi an yu Sawalh, an yu lhit'ajun an ixyave an ay jamach'alhkat David, an yu akxni malhti'ay jantucha xamati lay malaklhchajuy chi akxni malaklhchajuy jantucha xamati lay malhti'ay.

LOS HECHOS 2:27

mu jant'u ak'int'imak'awi li akta'aknu'alhilh chi li kalakp'uch'ilh an kilakatunaj yu Stalan'a, kit'in yu ikt'atapatsayan.

SAN LUCAS 8:28

Pus an lapanak akxni la'ts'ilhcha an Jesús, p'ascha t'asalh chi tatso'ottatawlhnilhcha la ixjach'aja an Jesús, najun: ―¿Tasicha k'ilhtuyani Jesús, isTs'alh Dios yu wilhchalh talhman? ¡Lamapaynin jant'u ak'imama'alh'ajnit'i!

SAN MARCOS 5:7

P'ascha ixa'alakan an Jesús, ixjunkan: ―¡Jesús, isTs'alh Dios yu wilhchalh talhman! ¿Tasicha k'ilhtuyani? Iksk'iniyan la ixtalakask'i Dios, jant'u ak'imama'alh'ajnit'i.

SAN JUAN 6:69

Chi kitnan ijkiklaka'itawcha, chi ijk'atsayawcha li uxint'i Cristo, isTs'alh Dios yu la'ajunta.

SAN LUCAS 1:35

An angelh alhtaylh juniy: ―Yucha an Stalan'a Takuwini kala'chinan, chi an ix'alhp'asninti an yu wilhchalh talhman Dios kamatanchaniyan la ixma'stele', xliyu an stalan'a jas'at'a katsukuya, isTs'alh Diosi kajunkana'.

LOS HECHOS 24:5

Ani lapanak ikla'cha'antaw wa sawalhcha jalakt'ilhi'ulanan, wa sawalhcha jalama'ayniya an judiojnin ta xli'ay an lakamunulhpa', chi yucha yu xa'ay an jajunkan li nazarenojnin.

LOS HECHOS 4:27

’Sawalhi li an Herodes chi an Poncio Pilato aniya tatala'xto'lhi, ani la'acha'an, ali an yu jantu israelitajnin chi an yu israelitajnin. Tat'alaxtukulhi an Jesús, mima'tsuku', yu uxint'i sakxt'u li Cristo kawalh.

SAN LUCAS 24:19

Pus yucha ja'alhtaylh, jajuniy: ―¿Tisuncha tapasalhi? Chi tajuniy: ―Yucha an Jesús, jamacha'a Nazaret yu ixlichiwiniy ixchiwinti Dios, chi alhp'asi lay ixlak'ilhtuy an tanlhun tapatsat, alhp'asi ixchiwiniy la ix'ukxlakapu an Dios chi la ix'ukxlakapuk'an an lapanakni.

SAN MATEO 2:23

Anchacha cha'alh, tawilhcha lakatam la'acha'an tan junkan Nazaret, pus tapasalhcha sawalhi tacha an ixtanajunta an yu ixtalhichiwiniy ixchiwinti Dios, li nazarenojo kajunkana'.

SAN LUCAS 8:37

Wa chuncha ixchuxk'an tacha an ts'anaks ixta'ayxto'nun an yu ancha ixtalhilakwilanalh xalakaat'un Gadara, tatapayninilhcha an Jesús li ka'alhcha, mu sawalhcha ixtalaktalhanan, pus an Jesús tajucho'olhcha an laka barco, alhcha.

SAN MARCOS 1:23

Walh an laka tajtan ixtanun pumatam lapanak yu ixlakpach'apata makxkay'un, t'asaycha, najun:

SAN MARCOS 1:25

Pero an Jesús la'a'aymalh, juniy: ―¡Wa sa'cha! ¡Lasch'a k'amak'aw ani lapanak!

SAN MARCOS 10:47

Pus akxni asmat'acha li yucha an Jesús yu jamacha'a Nazareti ix'antachalh, tsukulhcha t'asay, najun: ―¡Jesús, Ists'alh David, lamapaynin ak'ilhi'a't'ay'ut'i!

SAN MARCOS 14:67

pus la'ts'incha tan is'onwilh an Pedro, chi juniy: ―Uxint'i wach'u anch'a ixt'a'aklat'a'un an Jesús yu jamacha'a Nazaret.

SAN MARCOS 16:6

Yucha jajuniy: ―Jant'u k'alakt'alhanant'it. Yucha an ka tamakxtukmuk'alh Jesús jamacha'a Nazareti p'uxk'awyat'it. Yucha la'awcho'olhcha, jantucha tu'u tanun. Jo' k'ala'ts'int'it, jantucha tu'u malh an tan ixtamamata.

1 JUAN 2:20

Pero uxitnan, Cristojo tataxta'nitan an Takuwin, ch'i misp'a'oyat'iti chux an laktanlhun.