SAN LUCAS 9:35 - Tepehua Pisaflores

³⁵ Wa chuncha an laka jataputs'i chiwinkalhcha, nawkan: ―Yucha aniya yu iksakxtuta kinTs'alh, yuch'a k'a'asmatnit'it.

SAN LUCAS 9:35 Referans Kwoze

SAN LUCAS 3:22

Chi ta'alhtajulhi an ixTakuwin an Dios, tan ixyalh an Jesús, wa tacha paloma, chi chiwinkanchalhi an lakt'iyan nawkan: ―Uxint'i kinTs'alhk'at'i ikmapayniyan, uxint'i k'ima'an'ach'ay.

SAN MATEO 3:17

Chi an lakt'iyan chiwinkanchalhcha nawkan: ―Yucha anicha yu ikmapayniy kinTs'alh yucha yu kima'an'achay.

HEBREOS 5:9

Chi chaway li ts'awjcha tukani tsukulh, yuchacha walh li kataputa'alhtaxtu'olh yu ixpujun'alhincha ixchuxk'an an yu takiklaka'iy.

HEBREOS 3:15

Xliyu lhinajunta: Li chaway asmat'at'iti uxitnan yu an Dios najun, jant'u k'at'ak'alh ilht'ut'iti amijalhunutk'an tacha an yu wa tala'amaj'alh an Dios.

HEBREOS 2:3

¿Tasucha kalhita'alhtaxtuyaw kitnan li jantu katilhistakwi an la'atam ay ta'alhtaxtuti? Yucha an Jamach'alhkati yu p'ulhnaj jamak'atsaaninilh ani ta'alhtaxtut, ixli'astan kintamak'atsaanincha an yu ta'asmatlhi ani chiwinti.

SAN JUAN 3:16

’Mu an Dios sawalh jamapayniya an lapanakni yu tat'ajun an lakamunulhpa', yucha lhixta'lhi an isTs'alh masi wa ix'akstu, para li yu kiklaka'iy jantu kats'an'alh, kalhitsukulhi jatsukunti yu jantu a'tam min'ojoy.

SAN MATEO 12:18

Yucha anicha yu iksakxtuta yu kint'atapatsay, oxi lhik'atsan kintak'atsan, ikmapayniy. Yucha akxta'niya kinTakuwin, chi yucha kajajuna an yu jantu tajakiklaka'inin tanyucha yu oxi chi yu jantu.

SAN MARCOS 1:11

Xli'astan chiwinkancha an lakt'iyan nawkan: ―Uxint'i kinTs'alhk'at'i, ikmapayniyan. Uxint'i k'ima'an'ach'ay.

SAN LUCAS 9:34

Chunchaka ixnawt'ajun, ta'alhtajulh la'atam jataputs'i, jala'atanchanulhcha, pus ixtalaktalhanancha akxni ixjala'atanchanutacha an jataputs'i.

SAN JUAN 12:28

“KimPay, k'ala'ayat'icha aminta'a'ut.” Wa chuncha chiwinkanchalh an lakt'iyan, nawkan: ―Ikla'ayatacha, chi akla'ayapala a'tam.