SAN LUCAS 24:44 - Tepehua Pisaflores

⁴⁴ Ixli'astan jajuniy: ―Chunchuniya an iklajuniw akxni an xaklat'a'aklat'awnaw: li lhitask'iniya li chuncha katapasa'olh tacha an kilhits'o'muk'akanta an la ixlamap'a'sin Moisés, chi an yu ixtalhichiwiniy ixchiwinti Dios, chi an Salmos.

SAN LUCAS 24:44 Referans Kwoze

LOS HECHOS 13:33

Chaway kitnancha kintamuktaxtunin, mu kitnancha xajas'at'an. Muktaxtuycha an Dios, mu mala'awnicho'olhcha an Jesús, tacha an ts'o'muk'akanta an la ixchiwinti, tan junkan salmo segundo, tan najunta: “Uxint'i kinTs'alhk'at'i, mu kit'in chaway ikmala'awnicho'oncha.”

SAN LUCAS 9:22

Chi jajuniy: ―Kit'in yu ikwalh isTs'alh Lapanak akstak ma'alh'ajnana', chi jantu akintitala'ts'imputulhi an laktatanincha chi an xalaj'ajin sacerdotejnin chi an xamaestrojnin lhamap'a'sin. Akintama'niya pero ixlila'at'utu wilhchan akla'awcho'oya'.

APOCALIPSIS 19:10

Iktatso'ottanilhi la ixjach'aja an angelh para li ayi akla'ts'ilh. Yucha kijuniy: ―Jant'u ch'uni k'alat'i, kit'in wa ikt'atapatsaycha an Dios, tacha uxint'i chi tacha an mijat'ala'awnin yu ixlisawalh tataylhi'an an tacha najun an Jesús. Yucha an Diosi yu ay k'ala'ts'i. Mu tacha an najun an Jesús yu sawalh yucha yu jamachiwiniy an lapanakni yu tanajun an ixchiwinti Dios.

HEBREOS 10:1

Mu an ixlamap'a'sin Moisés yucha wa ixma'stele'cha an tanlhun yu laj'oxi yu wa ka'alinaka', jantu yu an yu sawalhcha. Xliyu an ixlamap'a'sin Moisés jantu a'tami lay yu oxicha sawalh katija'ilhtulh an lapanakni, yu tamin k'ata tala'an an Dios, para li a'tamcha katama'axta'nipalh lha'ulan, wa yu laycha tama'axta'niy.

SAN JUAN 5:46

Mu li uxitnan k'a'ixk'iklak'a'it'iti an Moisés, kit'in wachu xakilakiklaka'iw, mu an Moisés yucha kilhits'o'muk'alh.

HEBREOS 9:8

Chunchacha an stalan'a Takuwin ixpumasuy li laklhchajuyi an tan ixwilh Dios wa xliyu li an yu p'ulhnaj pulaktam laka cha'a ix'alinka'.

SAN JUAN 5:39

Sawalhcha ixlak'anti p'unawnat an tan ts'o'muk'akanta an ixchiwinti Dios, mu lhiwilayat li anch'a la'ch'ip'imp'ut'unat an jatsukunti yu jantu a'tam min'ojoy, chi ancha kilhichiwininta.

SAN JUAN 3:14

Chi tacha an tanxtukmuk'alh an tsapulh an Moisés an tan wa jasa'nik'a lakaat'un, chuncha wachu an yu kijunchilh isTs'alh Lapanak kaxtukmuk'akana laka k'iw.

SAN LUCAS 24:46

Chi jajuniy: ―Chuncha ts'o'muk'akanta li an Cristo kaniya chi kala'awcho'oya ixlila'at'utu wilhchan.

HEBREOS 7:1

An Melquisedec xarey la'acha'an Salem chi isacerdote an Dios yu wilhchalh lakt'iyani ixjunita. Akxni an Abram chincho'olhcha li jakit'alasalh an rejnin chi jalhajalh, an Melquisedec kilakatastuklhi chi lhitapaynisk'inkalhcha an Abraham li Diosi ka'a'tayjulh.

HEBREOS 3:5

Pus chunchacha, an Moisés tacha ma'tapatsan la ixcha'a Dios, muktaxtulh sawalhi chux an tapatsat an tan tat'ajun ixlapanakni Dios, chi nawlhi an yu Dios kaxnawlh ixli'astan.

LOS HECHOS 7:37

Ani Moisés yucha yu jajunilh an israelitajnin: “An Dios ka'ilhtuya li yu de uxitnan, katsukulh pumatam yu kalhichiwinina an ixchiwinti, tacha kit'in.”

SAN LUCAS 22:37

Mu klajunaw, kajuna la kijatsukunti tacha an najunta an tan ts'o'muk'akanta, tan najunta: “Jat'aput'e'ekalhi an yu wa ay tajunita.” Mu chux tacha an kilhits'o'muk'akanta katapasa'oya'.

SAN LUCAS 21:22

Mu akxni ixpaku ay lhima'alh'ajna kajuna', tan katapasa'oya tacha an ts'o'muk'akanta.

SAN LUCAS 9:44

―Oxi kata'akatutanun ani chiwinti yu aklajunaw: kit'in yu ikwalh isTs'alh Lapanak akima'axta'kana la ixmakak'an an lapanakni.

SAN MATEO 26:56

Pero wa xliyu li chuncha katapasaya tacha an tats'o'muk'ata an yu ixtalhichiwiniy ixchiwinti Dios. Wa chuncha an ixt'alhtanan an Jesús, wanaj tamakaw'olh, ta'oslicha.

SAN MATEO 26:54

Pero li chuncha, ¿tasucha lay kalhitapasaya tacha an ts'o'muk'akanta tan najun li chuncha katapasalhi?

SAN MATEO 16:21

Chi akxni, an Jesús tsukulhcha jajuniya ixla'ts'awalanti an ixt'alhtanan li ka'ana stak ma'alh'ajna yucha, la'acha'an Jerusalén, li katama'niya'. Jajuniy: ―Yu'uncha an laktatanincha jamacha'an Israel chi an xalaj'ajin sacerdotejnin chi an xamaestrojnin lhamap'a'sini yu akintama'niya'. Pero akla'awcho'oya ixlila'at'utu wilhchan.

1 PEDRO 1:11

An ixTakuwin an Cristo p'ulhnajcha ixjamak'atsaaniya an yu ixtalhichiwiniy ixchiwinti Dios tuchi lhima'alh'ajnacha kalhitsukuya an Cristo chi tacha an ay kala'ts'inkana ixli'astan. Chi yu'uncha ixtalhipuxkawniycha ixtak'atsaaputun tichini yuchacha anchunu lapanak, chi tani wanancha chuncha katapasaya tacha an ixjamasuniy an Takuwin.

LOS HECHOS 3:18

Pero an Dios chunchacha yu pumuktaxtulh yu ixnajunta li ka'ilhtuya'. Yu ixjamanawnita an lapanakni yu ma'anchacha, akxni ixtanajun li an ixCristo Dios, kaniya'.

SAN MARCOS 9:31

Mu ixjamasuniy an ixt'alhtanan ixjajuniy: “Kit'in yu ikjunlhi isTs'alh Lapanak akima'axta'kana la ixmaknik'an an lapanakni, chi akintama'niya', walh ixlila'at'utu wilhchan akla'awcho'oya'”.

SAN MATEO 1:22

Chux tacha ani tapasalh, wa xliyu li an Dios ixmanawnitacha an yu ixlichiwiniy ixchiwinti Dios, akxni nawlh:

LOS HECHOS 2:27

mu jant'u ak'int'imak'awi li akta'aknu'alhilh chi li kalakp'uch'ilh an kilakatunaj yu Stalan'a, kit'in yu ikt'atapatsayan.

LOS HECHOS 13:40

Pus k'ajalajk'ats'anant'it, para li jantu uxitnani ch'unch'a k'ap'ut'ap'asat tacha an tats'o'lhi an yu ma'anchacha ixtalhichiwiniy ixchiwinti Dios, tan najunta: