SAN LUCAS 24:27 - Tepehua Pisaflores

²⁷ Pus tsukulhcha jalhixa'alayi an Jesús chux an tan lhichiwininta ixlakata yu yucha, sta la ixlaklibro an Moisés sta tacha an alin ali ixlaklibrojk'an an yu ixtalhichiwiniy ixchiwinti Dios.

SAN LUCAS 24:27 Referans Kwoze

SAN LUCAS 24:44

Ixli'astan jajuniy: ―Chunchuniya an iklajuniw akxni an xaklat'a'aklat'awnaw: li lhitask'iniya li chuncha katapasa'olh tacha an kilhits'o'muk'akanta an la ixlamap'a'sin Moisés, chi an yu ixtalhichiwiniy ixchiwinti Dios, chi an Salmos.

LOS HECHOS 10:43

Ixchuxk'an an yu ixtalhichiwiniy ixchiwinti Dios, ixtalhichiwinintacha an Jesús, chi ixtanajuntacha li yu takiklaka'iy an Jesús, kajamala'mixinikana ixtala'alhink'an.

SAN JUAN 5:39

Sawalhcha ixlak'anti p'unawnat an tan ts'o'muk'akanta an ixchiwinti Dios, mu lhiwilayat li anch'a la'ch'ip'imp'ut'unat an jatsukunti yu jantu a'tam min'ojoy, chi ancha kilhichiwininta.

SAN JUAN 1:45

An Felipe la'cha'alh an Natanael, pus juniy: ―Ikla'cha'awcha an yu ts'o'muk'ata an Moisés an laka lhamap'a'sin, chi an tacha ixtanajun wachu an yu ixtalhichiwiniy ixchiwinti Dios: Yucha an Jesús, ists'alh José, jamacha'a Nazaret.

SAN LUCAS 24:25

Wa chuncha an Jesús jajuniy: ―¡Laj'a'atu'axixin, sawalhcha laksniya k'iklak'a'iyat tacha an tanawlh an yu ixtalhichiwiniy ixchiwinti Dios!

LOS HECHOS 7:37

Ani Moisés yucha yu jajunilh an israelitajnin: “An Dios ka'ilhtuya li yu de uxitnan, katsukulh pumatam yu kalhichiwinina an ixchiwinti, tacha kit'in.”

LOS HECHOS 3:24

’Chi ixchuxk'an an tacha ixtalhichiwiniy ixchiwinti Dios, sta akxni ixt'ajun an Samuel chi yu tataylhi'alhcha ixtalhichiwiniy wachu, talhichiwinilhi tacha katapasaya ani panch'e'ex.

LOS HECHOS 3:22

An Moisés jalhixa'alalhi an yu ta ixjalhila'ts'inaw ma'anchacha, jajuniy: “An Dios miJamach'alhkatk'an ka'ilhtuya li aniya kala'awlh pumatam yu kalhichiwinina ixchiwinti Dios, tacha kit'in. K'ak'iklak'a'i'o'ot'iti wa tuchicha katajunan,

APOCALIPSIS 19:10

Iktatso'ottanilhi la ixjach'aja an angelh para li ayi akla'ts'ilh. Yucha kijuniy: ―Jant'u ch'uni k'alat'i, kit'in wa ikt'atapatsaycha an Dios, tacha uxint'i chi tacha an mijat'ala'awnin yu ixlisawalh tataylhi'an an tacha najun an Jesús. Yucha an Diosi yu ay k'ala'ts'i. Mu tacha an najun an Jesús yu sawalh yucha yu jamachiwiniy an lapanakni yu tanajun an ixchiwinti Dios.

SAN MARCOS 4:34

Wa laka pulhamacha'xani ixjajuniy wa chuncha ixjaxa'alay. Pero li akxni wa la'stu an ixt'alhtanan ixtat'atawlay ixjajun'ojoy, mu yu'uncha ixtalhimacha'xay.

SAN JUAN 5:37

An kimPay an yu kimakminta wachu kilhichiwiniya kit'in, masi uxitnan jant'u a't'am alha'asmatt'at'it ch'i jant'u a't'am la'ts'int'at'it.

SAN JUAN 12:41

An Isaías chuncha nawlh mu ixla'ts'inta an ixta'ayaxtu an Jesús chi yucha lhichiwinilh.

LOS HECHOS 3:18

Pero an Dios chunchacha yu pumuktaxtulh yu ixnajunta li ka'ilhtuya'. Yu ixjamanawnita an lapanakni yu ma'anchacha, akxni ixtanajun li an ixCristo Dios, kaniya'.

LOS HECHOS 8:35

Pus an Felipe, tsukulhcha lhixa'alayi an tacha ixpunawt'ajun ixchiwinti Dios an jamacha'a Etiopía. Junilhcha an laj'oxi chiwinti yu lhichiwiniy an Jesús.