SAN LUCAS 20:5 - Tepehua Pisaflores

⁵ Pus yu'uncha tsukulhcha talhilakchiwiniy, talajuniy: ―Li kajunaw li Diosi ixmakmintachalh, akintajunan: “¿P'us ch'i li jant'ucha k'iklak'a'it'iti?”

SAN LUCAS 20:5 Referans Kwoze

LOS HECHOS 13:25

Chi akxni an Juan ix'ilhtu'ot'ajuncha an ixtapatsat, nawlh: “Kit'in jantu yu an yu uxitnan p'ast'ak'at'it. Pero ixli'astan kamina pumatam yu masi wa ak'ukxmala'xtunilhcha ixwarachi kit'in jantu k'is ikt'acha'an.”

SAN JUAN 3:36

Yu kiklaka'iya an isTs'alh Dios lhit'ajuncha an jatsukunti yu jantu katimin'olh. Pero yu jantu kiklaka'iputun jantu katila'ts'ilhi an jatsukunti, yucha kala'a'iya an ay lhima'alh'ajna yu kaxta'niya an Dios.

SAN JUAN 3:26

Chi tala'alhi an Juan, tajuniy: ―Maestro, an yu ixt'ayan an ixtapiktutam ayxkan Jordán, an lapanak an yu jalhixa'alat'i, wachu jama'paxanan, chi yucha tala'an'ojoy.

SAN JUAN 1:34

Chi kit'in ikla'ts'ilhcha, pus iknajuncha li ani yucha isTs'alh an Dios.

SAN JUAN 1:30

Yucha an yu ijkuniy akxni iknajun: “Ixli'astan kit'in, kamina pumatam lapanak yu palay lhitapalay, mu yucha p'ulhnajcha ixt'ajun.”

SAN MATEO 16:7

Yu'uncha ixtapast'ak'a li sna xliyu jantu ixtalhi'anta pan.

SAN MATEO 21:25

Tacha an ixjama'paxanan an Juan, ¿tisiyuchacha ixlijuniya, Dios u wa yucha an lapanaknicha ixtalhijuniy? Pus wa chuncha tsukulhcha talhilakchiwiniy, talajuniy: ―Li kajunaw li Dios, akintajunan: “¿P'us ch'i li jant'uch'a k'iklak'a'it'iti?”

SAN LUCAS 20:4

Tacha an ixjama'paxanan Juan, ¿Diosi ixlijuniy, u wa yucha an lapanaknicha?

SAN LUCAS 20:6

Chi li kajunaw li wa yu'uncha an lapanaknicha ixtalhijuniy, chux an lapanakni akintalakat'alhmayan, mu ixchuxk'ani takiklaka'iy li an Juan ixchiwinti Diosi ixlichiwiniy.