SAN LUCAS 20:21 - Tepehua Pisaflores

²¹ An yu ixta'anta jalakawanin tajuniy an Jesús: ―Maestro, ijk'atsayawi li an yu na'un ch'i an masuy chuncha sawalh, chi para lhichuxi an yu na'un, uxint'i ts'awj sawalhi masuy an ixtij Dios.

SAN LUCAS 20:21 Referans Kwoze

SAN MATEO 22:16

Chi tamala'achachalhcha ixt'alhtanank'ani an fariseojnin ali an ixt'alhtanan Herodes, an tan ixt'ajun an Jesús, tajuniy: ―Maestro, ijk'atsayaw li sawalhi yu na'un, chi li ixtij Dios sawalhi an yu masuy, ch'i jant'u lhak'ap'up'ini masi tani katanawlhcha an lapanakni, mu uxint'i jant'u yu la'ts'in tani tasuycha an lapanak.

GÁLATAS 1:10

¿Lhiwilayat li wa oxicha ijkat'atamakawputun an lapanakni u yucha an Dios? ¿U sna wa iklhipuxkawniycha tani oxicha ajkalhima'an'achalh an lapanakni? Mu li wa yu'unchaka an lapanakni yu ijkama'an'achay, jantu xakwalhi ixt'atapatsan an Cristo.

2 CORINTIOS 2:17

Kitnan jantu wa pulhajayawcha an ixchiwinti Dios, tacha ixluwk'an yu chuncha talay, kitnan sawalhi yu nawnaw la ix'ukxlakapu an Dios, mu yucha yu kintamakmintan, wa xliyu li t'atala'xto'tawcha an Cristo.

SAN JUAN 3:2

Ani lapanak la'alhi an Jesús puts'ista, chi juniy: ―Maestro, ijk'atsayawi li Diosi mala'achatacha'an para li akilamiw masuninin, mu jantu xamati lay kati'ilhtulh t'ach'a an lak'ilht'uy tanlhun yu wa tichicha lapanak, li yu jantu Dios t'a'aklat'ajun.

SAN MARCOS 12:14

Tala'cha'alh tajuniy: ―Maestro, ijk'atsayaw li sawalhi an yu na'un chi li jant'u xamat'i t'alhamniy, mu uxint'i jant'u yu lhak'ap'up'in tani tasuycha xamati', uxint'i ts'ajwi masuy an ixtij Dios. ¿Oxi li akmapalhlhi'aniw tanlhun an ay xajamach'alhkat la'acha'an Roma u jantu?

GÁLATAS 2:6

Xlakatak'an an lapanakni an yu ixjalhiwilakan li ixtalhitapalay (masi kit'in jantu iklhakapu'ani tuchini ixtajunitacha, mu an Dios jantu wa jasakxtununcha), jantu tu'u kintamasunilh yu sast'icha tu'u'.

SAN LUCAS 20:20

Ixli'astan tamala'achalhcha yu kata'alh jalakawanin an tan ixt'ajun an Jesús, ma wa oxicha lapanakni katalalh, para li kata'alh'a'taymalhcha tu'u chi chuncha laycha katama'axta'nilh an xajamach'alhkat Roma.

SAN LUCAS 20:22

¿Oxi li akmapalhlhi'aniw an xajamach'alhkat Roma, u jantu?