SAN LUCAS 2:11 - Tepehua Pisaflores

¹¹ Chaway tsukulhcha an la ixla'acha'an David yu katama'alhtaxtuniyan, yucha an CRISTO, yucha Jamach'alhkat.

SAN LUCAS 2:11 Referans Kwoze

SAN MATEO 1:21

Kalhitsukuya pumatam ists'alh, ch'i k'a'ulaniya'a ixta'a'ut JESÚS, mu yucha kajama'alhtaxtuya an ixlapanakni la ixtala'alhink'an.

LOS HECHOS 2:36

’Kint'a'israelitajnin chux uxitnan oxi k'ak'ats'at'it li ani Jesús an yu makxt'ukmuk'at'it laka cruz, an Dios ilhtulhcha Jamach'alhkat chi Cristo.

SAN MATEO 16:16

Pus an Simón Pedro alhtaylh, juniy: ―Uxint'i Cristojk'at'i, isTs'alh Dios, yu la'ajunta.

SAN LUCAS 1:43

¿Tasu li kit'incha kila'minta pixiyalhna an ixnati kiJamach'alhkati?

1 JUAN 5:1

Chux yu kiklaka'iya li an Jesús yucha Cristo, yucha ixjas'at'a Dios. Chi yu mapayniya pumatam xapay wachu jamapayniniya an ixjas'at'an.

FILIPENSES 2:11

Chi para li chux sima'at kanawlhi li an Jesucristo yucha Jamach'alhkat, para li an Dios yu kimPayk'an ayi kala'ts'inkalh.

SAN JUAN 4:42

Chi ixtajuniy an t'aku: ―Jantucha wa xliyu iklhikiklaka'iyaw li t'ach'a an na'un, wanajcha kitnani ik'alha'asmat'aw chi ijk'atsayawi li ani yucha sawalhi yu jama'alhtaxtunun ani lakamunulhpa', ani Cristo.

SAN LUCAS 2:4

Xliyu an José taxtulhi Nazaret, xalakaat'un Galilea, chi alhcha Belén, xalakaat'un Judea, la ixla'acha'an an rey David yu ma'anchacha ta ixlila'ats'in an José.

SAN MATEO 1:16

An Jacob ixlit'ajun ists'alh ixjunkan José. An José ixt'apapa an María, an ixnati an Jesús, yu lhimispakan Cristo.

1 CORINTIOS 15:47

An yu p'ulhnajcha lapanak ilhtukalh yucha wa de t'un chi wa de ani lakaat'un, an ixlipumat'uycha lapanak ilhtukalh yucha an Jamach'alhkat Jesús yucha de awint'i lakt'iyan.

LOS HECHOS 10:36

An Dios jaxa'alalhi an jamacha'an Israel, jamak'atsaanilhi an laj'oxi chiwinti yu xt'a'a oxi jatawlhnat. Yucha an Jesucristojo puchiwinilh chi yucha kiJamach'alhkatk'an kinchuxk'an.

SAN JUAN 20:31

Pero ani ts'o'muk'akalhi para li uxitnan k'ak'iklak'a'it'iti li an Jesús yucha Cristo, isTs'alh Dios, ch'i li k'iklak'a'iyatcha k'ap'ulhits'uk'uya'it'iti jatsukunti.

1 JUAN 4:14

Chi kitnani la'ts'inaw chi nawnaw li an xaPay mala'achachalhi an isTs'alh para li kama'alhtaxtulhi an lakamunulhpa'.

SAN JUAN 1:45

An Felipe la'cha'alh an Natanael, pus juniy: ―Ikla'cha'awcha an yu ts'o'muk'ata an Moisés an laka lhamap'a'sin, chi an tacha ixtanajun wachu an yu ixtalhichiwiniy ixchiwinti Dios: Yucha an Jesús, ists'alh José, jamacha'a Nazaret.

LOS HECHOS 17:3

Ixjajuniya li an Cristo ixlitask'iniya li kaxnilh chi ixli'astan kala'awcho'oya tacha tapasalhcha. Ixjajuniy: ―Ani Jesús yu klalhixa'alayaw yucha Cristo.

LOS HECHOS 5:31

An Dios ma'ostayanicho'olh chi tan oxicha ixpa'xti ulachalh, chi chaway yuchacha ilhtuta li akintatap'ulhnin chi akintama'alhtaxtun, para li an kint'a'israelitajnink'an katakiklaka'ilhi an Dios chi chuncha kajamala'mixinikana ixtala'alhink'an.

SAN JUAN 6:69

Chi kitnan ijkiklaka'itawcha, chi ijk'atsayawcha li uxint'i Cristo, isTs'alh Dios yu la'ajunta.

SAN JUAN 1:41

Chi an Andrés watukan la'alhi an ixt'ala'ajun yu junkan Simón, chi juniy: ―Ikla'cha'aw an Mesías. (Yucha nawputun Cristo.)

SAN MATEO 16:20

Wa chuncha an Jesús, jajuniy an ixt'alhtanan li jantu xamati katajunilh li yucha Cristo.

COLOSENSES 2:6

Xliyu chaway li la'a'itcha an Jesucristo tacha miJamach'alhkatk'an, tacha yu yuchacha lakask'ini k'ats'uk'ut.

FILIPENSES 3:8

Chi ijk'atsayi li chuxi jantu tu'u lhitapalay tacha an xak'ilhtuy li ikt'ala'ts'incha tacha an yu sawalhcha lhitapalay li ikmispalhcha an Cristo Jesús, kiJamach'alhkat, yucha jantu xamati ixt'achun. Yucha an Cristojo ikpuma'ats'an'a'olh chux an tacha xaklay p'ulhnaj, yucha tacha wa jamakxtalhcha chaway ikla'ts'in an tacha p'ulhnaj xaklay para li an Cristo aklhajaxtulhcha

SAN JUAN 11:27

An Marta alhtaylh juniy: ―Chuni, Jamach'alhkat, kit'in ijkiklaka'iya li uxint'i Cristojk'at'i, isTs'alh Dios, yu t'ant'a ani lakamunulhpa'.

SAN JUAN 7:41

Ali'in ixtanajun: ―Ani yucha an Cristo. Pero ali'in ixtanajun: ―Jantu, an Cristo jantu xalakaat'un Galileaja katiminchalh.

SAN LUCAS 2:26

pus ixjunita li jantuka' katinilhi li jantuka' la'ts'ini an Cristo yu yucha an Jamach'alhkat Dios kamala'achayanta.

SAN LUCAS 1:69

Kintamakminincha pumatami yu lay jama'alhtaxtunun, pumatam yu ta lhila'ts'in an David, an ixma'tsuku Dios.

SAN JUAN 4:25

An t'aku juniy an Jesús: ―Ijk'atsayi li kamina an Mesías, yu junkan Cristo. Akxni kaminacha akintajun'oyani an tanlhun.

LOS HECHOS 13:23

Pumatam yu yucha pu'a'p'unminchalh ani David yucha an Jesús, chi an Dios mala'achalhi an Jesús para li ka'alh jama'alhtaxtunu xalapanakni Israel, tacha ixnajuntacha li ka'ilhtuya an Dios.