LOS HECHOS 1:5 - Tepehua Pisaflores

⁵ Chun sawalh an jama'paxanaj Juan wa laka xkani jama'paxanalh, pero uxitnan wa lakats'uniycha wilhchani tats'an'aniyan k'a'a'p'axa'itcha laka Stalan'a Takuwin.

LOS HECHOS 1:5 Referans Kwoze

SAN MATEO 3:11

Kit'in sawalh, wa laka xkani ijkama'paxay yu jantucha ali katita'ilhtulh ixtala'alhink'an, pero an yu astan mintachalh yucha palay ay, kit'in jantu, yucha kajama'paxanana la ixTakuwin Dios chi laka jikmi, yucha jantu ikt'acha'ani masi wa aklakch'apalhi'anilhcha ixwarachi.

SAN LUCAS 3:16

Pero an Juan jajuniy: ―Kit'in wa laka xkani klama'paxayaw, pero kamina pumatam yu palay ay, kit'in jantu, yucha katama'paxayan la ixTakuwin an Dios chi laka jikmi, yucha jantu ikt'acha'ani masi wa ak'o'x'otnilhcha ixwarachi.

1 CORINTIOS 12:13

Chi wanajcha chuni kinchuxk'an, yu judiojnin chi yu jantu judiojnin chi yu wa japutapatsakancha lapanakni chi yu jantu. Kintama'paxakan para li wa la'atamcha lakatunaja kajunwi, chi wa pumatam Takuwini yu kintama'paxan. Chi kinchuxk'ani kintaxta'nikan an Takuwin para li akintala'tanuncha.

TITO 3:5

Chi masi li kitnan jantu wa xliyu li tu'ucha yu laj'oxi tanlhun ilhtuw, wa la ixjamapayninticha kintama'alhtaxtun, kintach'a'an chi kintamapaxan. Chi sast'icha jatsukunti kintapuxta'nicho'on an Stalan'a Takuwin.

SAN MARCOS 1:8

Kit'in wa laka xkani iklama'paxayaw pero yucha katama'paxayan la ixTakuwin Dios.

LOS HECHOS 19:4

An Pablo jajuniy: ―Chun sawalh, an Juan ixjama'paxaycha yu ixtakiklaka'iycha an Dios, pero ixjajuniy li katakiklaka'ilhi an yu astan mintachalh. Yu ixjajumputun li katakiklaka'ilhi an Jesús.

LOS HECHOS 10:45

Pus an yu ixtat'acha'anta an Pedro, an yu wachu ixtakiklaka'iy an Jesús yu judiojnin, ixtalhi'a'niycha li an Stalan'a Takuwin wachu jaxta'nikalhi masi an yu jantu judiojnin.

SAN JUAN 1:31

Kit'in wachu jantu xakmispay, pero para li katamispalhi an jamacha'an Israel, xliyu kit'in xajkama'paxanancha lakaxkan.

SAN MATEO 3:6

Yu ixtanajuncha tuchini ixtala'alhinchak'ani ixtalhit'ajun, ixjama'paxaycha an Juan an ayxkan Jordán.

SAN JUAN 1:26

An Juan ja'alhtaylh: ―Kit'in wa laka xkani ijkama'paxanan, pero t'a'aklat'awnat pumatami yu jant'u misp'ayat.

SAN JUAN 1:33

Kit'in jantu xakmispay, pero an yu kimakmilh li akmilh jama'paxana lakaxkan kijunilh: “An yu k'ala'ts'ina'a li kalakpatawlanta an ixTakuwin Dios akxni kata'alhtajuya, yucha yu jama'paxanan laka Stalan'a ixTakuwin Dios.”