SAN JUAN 9:24 - Tepehua Pisaflores

²⁴ An judiojnin a'tam tat'asanipalhi an yu la'lhtuluw ixjunita, chi tajuniy: ―Akilajuniw yu sawalh la ix'ukxlakapu Dios. Kitnan ijk'atsayawi li anchunu lapanak wa ma'lhta'alhini'.

SAN JUAN 9:24 Referans Kwoze

SAN JUAN 9:16

Pus an ali'in fariseojnin ixtanajun: ―Anchunu lapanak jantu Diosi makminta, mu tapatsayi akxni masi jantu tapatsakan wilhchan. Pero ali'in ixtanajun: ―¿Pero tasicha lay kalhilak'ilhtulh ani tanlhun li wa ma'lhta'alhiniycha? Pus tatala'apitsilhcha, tatakilhmakt'uyulhcha.

SAN JUAN 19:6

Akxni tala'ts'ilhi an xalaj'ajin sacerdotejnin chi an yu ixtajalhistaknan laka tajtan, tsukulhcha talakt'asay, ixtalaknajun: ―¡K'amakxt'ukmuk'acha laka cruz! ¡K'amakxt'ukmuk'acha laka cruz! An Pilato jajuniy: ―K'alhip'inchi'itcha uxitnan, uxitnanch'a k'amakxt'ukmuk'at, mu kit'in jantu tu'u ikla'cha'aniniy ixtala'alhin.

2 CORINTIOS 5:21

An Cristo jantu k'is tu'u ilhtulh tala'alhin, pero kilakatak'an, an Dios muk'anilhi an kintala'alhink'an, para li kapula'a'iwi yu ts'awj jatsukunti yu xt'a'a an Dios.

ROMANOS 8:3

Mu an Dios ilhtulhi yu an ixlamap'a'sin Moisés jantu lay ilhtulh. An ixlamap'a'sin Moisés ma'ats'an'alhi ix'alhp'asninti ixlakata li jantu lajk'ut'ilini an lapanakni li lay katamuktaxtulh. An Dios makmilhi an isTs'alh, wa tacha kitnan yu lay ilhtuyaw tala'alhini ixmakminta chi ixlimakminta tachanu lha'ulan, ixlakata an tala'alhin. An isTs'alh Dios la ixlakatunaja ma'nilh an tala'alhin.

SAN JUAN 18:30

Yu'uncha tajuniy: ―Li jantu tu'u ilhtuy tala'alhin, jantu xaklama'axta'niw.

SAN JUAN 16:2

K'alakt'amakxt'uk'ana'it'iti an laka lakcha'a tan tata'ayxt'o'a an yu tajakiklaka'inin, chi kachina panch'e'ex akxni masi yu katama'niyan kapast'ak'a li Diosi ma'ilhtuy.

SAN JUAN 14:30

’Jantucha ali lhuwi aktilat'achiwiniw, mu mintacha an yu ch'alhkatnan ani lakamunulhpa'. Masi yucha jantu tu'u ix'alhp'asninti para li tu'u akilhijunilh.

SAN JUAN 8:49

An Jesús jajuniy: ―Kit'in jantu tu'u kilakpach'apata makxkay'un. Kit'in ijkiklaka'iy an kimPay, yucha yu ik'ilhtuy, pero uxitnan wa kilamamaxaniyaw.

SAN JUAN 8:46

Uxitnan, ¿tisiyuchacha lay kanawna li iklhit'ajun tu'u tala'alhini? Chi li iknajun yu sawalh, ¿tasu li jantu kilakiklaka'iyawi?

SAN JUAN 5:23

Para li lhichuxi kakiklaka'ikalh chi kalhiwilakalh an isTs'alh tacha kiklaka'ikan an ixPay. Yu jantu kiklaka'iya an isTs'alh Dios, wachu jantu kiklaka'iya an ixPay, yu mala'achatachalh.

SAN LUCAS 19:7

Akxni chunchacha tala'ts'ilh, ixtalhichiwiniycha an Jesús, ixtanajun ma t'a'alhcha la ixcha'a pumatam ma'lhta'alhini'.

SAN LUCAS 15:2

Pus an fariseojnin chi an xamaestrojnin lhamap'a'sin ixtalhichiwiniycha an Jesús, ixtajuniy: ―Ani jala'a'iya an ma'lhta'alhinin chi jat'alakwajin.

SAN LUCAS 7:39

Akxni chunchacha la'ts'in an fariseo yu ixt'alakwajin an Jesús, ixpast'ak'a: “Ani li ixchiwinti Dios sawalhi lhichiwiniy kaxk'atsaalhi tani t'ajuncha ani t'aku an yu lakch'anch'apay, yucha wanaj jantu oxi tacha t'ajun.”

SAN MARCOS 15:27

Wachu jat'amakxtukmuk'akalh ixt'uyunk'an ja'alhawnan, ixtapiktutamincha ixjat'ayawkanta tan la ixcruzchak'an, lhilaxjama'xi chi tan oxi ixmaka'. [

SAN JUAN 9:25

Yucha jajuniy: ―Li ma'lhta'alhini, kit'in jantu ijk'atsay. Yu ijk'atsay, li jantu lay xajkalakawanan, pero chaway ijkalakawanancha.

APOCALIPSIS 11:13

Wa akxni p'asi laklalh an lakaat'un chi décima parte an ay la'acha'ani talakpujlhi chi la'atujun mil lapanakni tanilh ixlakata li laklalh an lakaat'un. An yu jantu tanilh sawalhcha talaktalhanalh, chi talaknawlhi li an Dios yu wilhchalh anu lakt'iyan yucha ay.