SAN JUAN 6:26 - Tepehua Pisaflores

²⁶ An Jesús ja'alhtaylh jajuniy: ―Ijk'atsaycha, xliyu kilalhipuxkawyaw mu oxi o'ats'at'it akxni an lakwa'int'it, jantu xliyu kilalhipuxkawyaw li wa lhimach'a'xat'itcha an t'ach'a la'ts'int'it.

SAN JUAN 6:26 Referans Kwoze

FILIPENSES 3:19

Ani yu chuncha talay akxni ka'ukla'oyacha kajalakt'ilhikana'. Yu'uncha yu ixdiosk'an wa yucha an tacha tak'atsancha talaputun chi talhita'ayaycha yu katalhimaxanalh. Wa yucha an yu wa anicha lak'alin lakamunulhpa tapast'ak'a.

FILIPENSES 2:21

Ixchuxk'ani tapuxkajuy yu wa para yu'unchacha, chi jantu talhakapu'ani yu lhinajun an Cristo Jesús.

1 TIMOTEO 6:5

Chi li jantu a'tam kasa' tawlakalhi kalasakalh, ani ancha tan tat'ajun lapanakni yu jantu oxi tajalakpastaknan chi jantu tamispay an yu sawalh. Yu'uncha tala'ts'in an jamapayninti tacha tu'u yu pulhaja, [yu chuncha talay, k'ajamak'aw.]

ROMANOS 16:18

mu yu'uncha jantu yu an kiJamach'alhkatk'an Cristojo tat'atapatsay, yu'uncha wa ix'akstuchak'ani tacha an tanajun, yu'uncha wa tapu'o'xcho'oycha laka lakxlak'anti ixchiwintik'an chi laka lajk'usi ixchiwintik'an an yu wa las takiklaka'iy li tu'u'.

SAN JUAN 6:2

Wanaj lhilhuwi ixch'a'o'akanta, mu ixtala'ts'incha tacha an ixjak'uch'uy an ta'an'anin.

SAN JUAN 6:24

Pus akxni an lapanakni tala'ts'ilhi li an Jesús jantu tu'u ancha ixt'ajun, chi an ixt'alhtanan, talaktajulhi an laka lakbarco ta'alhcha puxkawnini la'acha'an Capernaúm an Jesús.

SAN JUAN 3:5

An Jesús juniy: ―Kit'in sawalhi ani yu ijkunan, li yu jantu tsukuyi laka xkan chi la ixTakuwin an Dios, jantu lay katitanuchalh an la ixlich'alhkat Dios.

SAN JUAN 3:3

An Jesús juniy: ―Sawalhi ani yu ijkunan, yu jantu sast'i tsukucho'oy jantu lay katila'ts'ilh an ixlich'alhkat Dios.

SAN JUAN 6:64

Chi ta'alinka yu uxitnan yu jantuka' tajakiklaka'inin. Mu an Jesús yucha ixk'atsaycha ixlip'ulhnaj ixjuntachalh, tichini yu'unchacha yu jantu tajakiklaka'inin, chi tichini yuchacha yu kama'axt'a'a'.

SAN JUAN 6:53

An Jesús jajuniy: ―Chun sawalhi ani yu klajunaw, li jant'u k'at'i'ut'iti an ixjakanit an isTs'alh Lapanak ch'i jant'u k'at'i'ott'iti an ixjak'alhni, jant'u k'at'ilhits'uk'ut'iti an jatsukunti.

SAN JUAN 6:47

Ani sawalhi an yu iklajunaw, yu kinkiklaka'iy lhit'ajuni jatsukunti yu jantu min'ojoy.

SAN JUAN 6:30

Pus tajuniy: ―¿Pus tisuncha akilamasuniyaw para li akla'ts'iwcha chi aklakiklaka'iwcha? ¿Tisuncha tapatsati ilht'uyi?

SAN JUAN 6:15

Pero an Jesús jalhimacha'xanilhi li ka'asi talhi'amputuna para li kata'ilhtulh rey, pus ampalhi an a'stitawk'a wa ix'akstu.

SAN JUAN 6:14

An lapanakni akxni chunchacha tala'ts'ilh ilhtulh an Jesús, ixtanajun: ―Yucha anicha sawalhi an li yu kamina lhichiwiniy ixchiwinti Dios ani lakamunulhpa'.

SAN JUAN 6:36

Pero tacha iklajuniwcha, masi kilala'ts'inawcha jant'u jak'iklak'a'ininat.