SAN JUAN 3:5 - Tepehua Pisaflores

⁵ An Jesús juniy: ―Kit'in sawalhi ani yu ijkunan, li yu jantu tsukuyi laka xkan chi la ixTakuwin an Dios, jantu lay katitanuchalh an la ixlich'alhkat Dios.

SAN JUAN 3:5 Referans Kwoze

LOS HECHOS 2:38

An Pedro ja'alhtaylh: ―K'amak'a'unt'itcha mintala'alhink'an ch'i k'alaj'a'p'axt'itcha la ixta'a'ut an Jesucristo, para li an Dios katamala'mixinini mintala'alhink'an, walh laniy chuncha kataxta'niyani an Stalan'a ixTakuwin.

EFESIOS 5:26

para li la'stalan'ani katajunlhi. La'stalan'ani ja'ilhtulh an laka laj'oxi chiwinti chi an laka xkan,

1 PEDRO 3:21

Anchunu xkan yucha nawputun tacha an yu pu'a'paxkancha xkan chaway, yu puta'alhtaxtuyawcha chaway. Li a'paxkancha jantu nawputun li wa ch'a'akancha an kilakatunajk'an, yu juniy li sk'inikancha an Dios la'atam oxi jatapast'ak'at chi kintapuma'alhtaxtuyancha an Jesucristo mu yucha la'awcho'olh.

1 CORINTIOS 6:11

Tacha ani, chuncha ixtajunita ali'in yu uxitnan ixlip'ulhnaj. Pero chaway xak'amaj'anik'ant'at'itcha mintala'alhink'an ch'i la'st'alan'ak'ant'at'itcha chi oxicha la mijatsukuntik'an la ixta'a'ut an Jamach'alhkat Jesucristo chi la ixTakuwin an kiDiosk'an.

SAN MATEO 3:11

Kit'in sawalh, wa laka xkani ijkama'paxay yu jantucha ali katita'ilhtulh ixtala'alhink'an, pero an yu astan mintachalh yucha palay ay, kit'in jantu, yucha kajama'paxanana la ixTakuwin Dios chi laka jikmi, yucha jantu ikt'acha'ani masi wa aklakch'apalhi'anilhcha ixwarachi.

SAN JUAN 3:3

An Jesús juniy: ―Sawalhi ani yu ijkunan, yu jantu sast'i tsukucho'oy jantu lay katila'ts'ilh an ixlich'alhkat Dios.

SAN MARCOS 16:16

Yu kakiklaka'iya chi ka'a'paxa, kata'alhtaxtuya'. Pero yu jantu katikiklaka'ilh, kala'a'iya lhima'alh'ajna.

1 CORINTIOS 2:12

Chi kitnan jantu wa takuwincha yu wa anicha alin lakamunulhpa la'a'itaw. Yu la'a'itaw yucha an Takuwin yu kintaxta'niyan an Dios, para li kala'lhimacha'xawi an laktanlhun yu an Dios la ixjamapayninti kintaxta'nitan.

SAN JUAN 1:13

Yu'uncha jantu wa laka jak'alhni tapula'ajun, chi jantu wa laka jakanit, chi jantu wa laka lapanak, yu'uncha Diosi jamala'awniy la ixtakuwink'an.

1 JUAN 5:1

Chux yu kiklaka'iya li an Jesús yucha Cristo, yucha ixjas'at'a Dios. Chi yu mapayniya pumatam xapay wachu jamapayniniya an ixjas'at'an.

1 JUAN 2:29

Chaway li k'ats'ayatcha uxitnan li an Jesucristo yucha jantu tu'u ixtala'alhin wach'u k'ak'ats'at'iti li ixchuxk'an an yu oxi tanlhun ta'ilhtuy la ixjatsukuntik'an, ixjas'at'an Dios.

GÁLATAS 6:15

Mu li t'atala'xto'tawcha an Cristo Jesús, jantucha tu'u lhitapalay li yu akaxwililich'uk'up'uxkanta u jantu. Yu lhitapalay li tumpajcha lapanakni kajunwi.

ROMANOS 14:17

Mu an ixlich'alhkat Dios jantu wayt chi jantu lhi'ot'at, ancha, tan ts'awj katsukukalh, chi tan wa oxicha katsukukalh chi tan lhi'achacha kaputsukukalh an Stalan'a Takuwin.

SAN MATEO 28:19

Chaway k'ap'inchi'itcha, chi k'aja'ilht'utcha kint'alhtanan ta kilhmakchux ta'alin an lapanakni, k'ajama'p'axaya'itcha la ixta'a'ut an kimPay chi an isTs'alh chi an Stalan'a Takuwin.

SAN MATEO 18:3

Chi jajuniy: ―Li jant'u map'axayatcha mijatsukuntik'an li jantu tacha ani jas'at'a unat'it jant'u k'at'ip'it'iti la ixlich'alhkat Dios.

1 PEDRO 1:2

uxitnan yucha an Dios kimPayk'ani tasakxtun ixlip'ulhnaj chi tamastalan'anini an laka Stalan'a Takuwin para li k'ak'iklak'a'it'it, chi tamastalan'anini an la ixjak'alhni Jesucristo. Lhuw jamapayninti k'ala'a'it chi oxi jatawlhnat.

LOS HECHOS 3:19

Xliyu chaway uxitnan k'amak'a'unt'itcha mintala'alhink'an chi k'ach'a'o'atcha an Dios, para li katamala'mixinini mintala'alhink'an.

SAN LUCAS 13:3

Klajunaw, jantu. Li jant'u mak'awnat'iti mintala'alhink'an, wach'u k'alakniya'it.

SAN MATEO 5:20

Chi iklajunaw li jant'u jap'u'iniyat'iti an xamaestrojnin lhamap'a'sin chi an fariseojnin para palaycha oxi k'a'ilht'ut'it an yu Dios lhinajun, jant'u k'at'it'anuchi'it'iti an laka lhich'alhkat anu lakt'iyan.

ROMANOS 8:2

Mu an ixlamap'a'sin an Takuwin yu xt'a'a jatsukunti, ixlakata an Jesucristo, kima'alhtaxtulh li xakt'ajun an la ixlamap'a'sin an tala'alhin chi an lhinin.

SAN LUCAS 13:24

―K'alhit'aalaat'iti li k'at'anuchi'it an tan wa put'ikt'i malhticha, mu klajunaw ixluwk'ani yu katatanuputunanta, pero jantu katilalh.

SAN LUCAS 13:5

Klajunaw, jantu. Li jant'u mak'awnat'iti mintala'alhink'an wach'u k'alakniya'it.

SAN MATEO 19:24

Chi a'tam klajumpalaw, li palay wa lasi la'atam camello kala'pusli la ix'istaj makskat, walh jantu li katanuchalh la ixlich'alhkat Dios xamati jamatumin lapanak.

SAN MATEO 21:31

¿Ani ixt'uyunk'an ts'alan, tisiyuchacha yu ilhtulh an yu jalhijunilh an ixpayk'ani? Ta'alhtaylh an Jesús, tajuniy: ―Yucha an p'ulhnaj junikalh. Pus an Jesús jajuniy: ―Klajunaw li an yu talaklhach'inin tanlhun lhimapalhlhi'at chi an wa aya talay t'akunin, tatap'ulhniyani tatanuyachalh an la ixlich'alhkat Dios.

SAN MARCOS 9:47

Chi li amila'chulh ma'ilhtuyani tala'alhin, k'at'ap'axt'u, palay oxi k'ach'ip'i tan ch'alhkatnan Dios wa mintalaktam, walh jantu li masi a'tsa'ojoy mila'chulh k'amakp'ink'a laka la'nin,

SAN MARCOS 10:14

Walh akxni jala'ts'ilh an Jesús lhitalh'amalh chi jajuniy: ―Kachajcha tamilhi an jas'at'an, jant'u k'ajalaj'aymast'ukt'it, mu an ixlich'alhkat Dios ixnawink'an yu tacha yu'uncha.

SAN JUAN 3:4

An Nicodemo juniy: ―¿Tasicha lay kalhitsukucho'olh xamati li papacha? ¿Laycha kapalaktajucho'olh ixnati chi katsukupalh?

1 CORINTIOS 15:50

Pero aklajunawi kint'ala'awnin, an lakatunaj chi an jak'alhni jantu lay katitala'a'ilhi an ixlich'alhkat Dios, chi an yu lakp'uch'i jantu lay katilhitsukulhi an yu jantu lakp'uch'i.