SAN JUAN 21:16 - Tepehua Pisaflores

¹⁶ A'tam lhisakmipalh: ―Simón, ists'alh Jonás, ¿k'imap'ayniy? An Pedro juniy: ―Chuni, Jamach'alhkat Jesús, uxint'i k'ats'ayi li ikmapayniyan. An Jesús juniy: ―K'ajalhist'akt'i an kiborregojnin.

SAN JUAN 21:16 Referans Kwoze

LOS HECHOS 20:28

Pus chaway k'ajalajk'ats'anant'itcha chi k'ajalhist'akt'itcha chux an yu tat'ata'ayxt'o'an, mu an Stalan'a Takuwin ta'ilhtuncha li k'a'unt'iti xalaj'ajin para li k'ajalhist'akt'iti an yu takiklaka'iycha Dios, yu jatamawlh la ixjak'alhni.

1 PEDRO 5:2

k'ajalhist'akt'iti an ixborregojnin Dios yu jamalhist'aknik'ant'at'it. Minta'achanink'ani k'a'ilht'ut'it, tacha Dios lakask'in, jant'u wa k'a'asi ilht'ut'itcha u wa xliyu wa sawalhch'a k'alhajap'ut'ut tumin. Minta'achanink'ani k'a'ilht'ut amintapatsatk'an,

1 PEDRO 2:25

Uxitnan wa tacha wa borregojnincha yu wa ixtats'an'atacha ix'unt'at'it, pero chaway la'ch'ip'inch'o'otcha an Cristo, yu talhist'ak'an tacha yu jalhist'ak'a ixborregojnin chi yucha talhistakniyan mintakuwink'an.

HEBREOS 13:20

An Dios yu xt'a'a oxi jatawlhnat, yu mala'awnicho'olh an kiJamach'alhkatk'an Jesucristo, an ay lapanak yu jalhist'ak'a ixborregojnin, an laka jak'alhni yu ixpujun'alhincha putamakawkalh.

SAN JUAN 18:25

Walh an Pedro, anchaka ixyalh ixma'la's'ont'ajun, pus tajuniy: ―¿Chu jantu ixt'alhtanak'at'i wachu'? Yucha najun ma jantu, najun: ―¡Jantu, kit'in jantu!

SAN JUAN 18:17

Wa chuncha an t'aku an yu ixjalhistaknan an laka malhticha, juniy an Pedro: ―¿Chu jantu wachu ixt'alhtanak'at'i an anu lapanak? Yucha najun: ―Jantu, kit'in jantu.

SAN LUCAS 19:10

Mu kit'in yu ikwalh isTs'alh Lapanak ikminta japuxkawna chi ikminta jama'alhtaxtunu an yu wa tats'an'ata.

SAN MATEO 26:72

Pero an Pedro a'tam nawpalhi li jantu mispay, najuncha li jantu sawalh, najun: ―¡Jantu ikmispayi tichini yuchacha lapanak!

SAN MATEO 25:32

Chux an lapanakni ta kilhmakchux ta'alin, la ixlakapucha katata'ayxto'oya', chi yucha kajamala'apitsiyacha, tacha an ja'ilhtuy yu jalhist'ak'a ixborregojnin chi ixcabrajnin.

SAN MATEO 2:6

Chi uxint'i la'acha'an Belén, xalakaat'un Judá, jantu li sna wa xalakat'ikt'ichak'at'i tacha an tach'alhkatnan Judá. Mu aniya kataxtuya pumatam jamach'alhkat yu kajalhist'ak'a kilapanakni yu israelitajnin.

APOCALIPSIS 7:17

Mu an Jas'at'a Borrego an yu wilh laka puch'alhkatna yuchacha kajalhist'ak'a chi kajalhi'ana tan taxtuta xkan yu xt'a'a jatsukunti. Chi an Dios kajalakpuxakamaj'an'oya chux ix'alhutk'an yu'uncha.

SAN JUAN 21:17

Ixlipu'a't'utucha lhisakmilh juniy: ―Simón, ists'alh Jonás, ¿k'imap'ayniy? An Pedro ixta'oxila'alhiycha mu a't'utucha lhisakmilh li sna mapayniy, pus juniy: ―Jamach'alhkat Jesús, uxint'i k'ats'a'o'oy, uxint'i k'ats'ayi li ikmapayniyan. An Jesús juniy: ―K'ajalhist'akt'i an kiborregojnin.