SAN JUAN 20:18 - Tepehua Pisaflores

¹⁸ Pus wa chuncha an María Magdalena alhcha jajunini an ixt'alhtanan an Jesús, li yucha la'ts'ilhcha an Jamach'alhkat Jesús chi jajunilhcha wachu tani junikalhcha.

SAN JUAN 20:18 Referans Kwoze

SAN LUCAS 24:10

An t'akunin an yu tajamak'atsaaninilh yu'uncha an María Magdalena, chi Juana, chi María ixnati Jacobo, chi an ali'incha ixt'at'akunink'an yu ixtat'a'anta.

SAN MATEO 28:10

Pus akxni an Jesús jajuniy: ―Jant'u k'alakt'alhanant'it. K'ap'inchi'it jamak'atsaaninini an kijat'ala'awnin li kata'alhi xalakaat'un Galilea, ancha akintala'ts'inanta.

SAN JUAN 20:1

Yu p'ulhnajcha wilhchan akxni sast'icha a'taynicho'olh samana, an María Magdalena alhi wats'isin masi puts'istaka an tan ix'aknuy an Jesús, walh akxni la'ts'in ma'osunikanta an chiwx an yu ixpu'o'xt'alhnikanta an tan ix'aknuy.

SAN MATEO 27:56

Ancha ixtama'yanalh an María Magdalena, chi an María, an ixnati Jacobo chi José, chi an ixnatik'an an ists'alan tichi lapanak junkan Zebedeo.

SAN JUAN 19:25

Waniy an la ixcruz an Jesús ancha ixtayanalh an ixnati, chi an ixt'alajamatsancha an ixnati, an María, ixt'iwi Cleofas, chi an María Magdalena.