SAN JUAN 17:10 - Tepehua Pisaflores

¹⁰ Mu chux yu kinawin, minawin, chi yu minawin, kinawin, yu'unchacha taputasuy kinta'ayat.

SAN JUAN 17:10 Referans Kwoze

SAN JUAN 10:30

An kimPay chi kit'in wa la'atami ijkuntaw.

1 PEDRO 2:9

Pero uxitnan kilhmaktam lapanakni yu sakxt'uk'ant'at'it, kilhmaktam sacerdotejnin yu t'at'ap'ats'ayat an rey. Uxitnan kilhmaktam lapanakni yu la'stalan'an chi ixlapanakni an Dios, para li k'ajamak'ats'aaninint'iti an tanlhun yu la'lhi'a'nin ilhtuy an Dios. Mu yucha tat'asanin para li k'at'axt'ut'iti an tan lakaaputs'isni ch'i k'at'anuchi'itcha an tan sawalhcha lhi'a'nin ixjatapulhkunu'.

2 TESALONICENSES 1:10

Chuncha katapasaya anchunu wilhchan akxni an Jamach'alhkat kamincho'oyacha, para li an yu la'stalan'an ixlapanakni ayi katala'ts'ilh chi para li katalhi'a'nilhi ixchuxk'an an yu takiklaka'ilh. Mu uxitnan k'iklak'a'it'iti akxni klajuniw yu ijk'atsayaw.

COLOSENSES 2:9

Chux tacha xli'ay an Dios la ixlakatunajcha an Cristojo t'ajun.

2 TESALONICENSES 1:12

Para li chuncha an ixta'a'ut an kiJamach'alhkatk'an Jesucristo ayi kala'ts'inkana milakatak'an. Chi uxitnan wachu laj'ajini k'ala'ts'ink'ana'it ixlakata an oxi ixjamapayninti an kiDiosk'an chi an Jamach'alhkat Jesucristo.

FILIPENSES 1:20

Lhitala'si ikpakxan'i li jantu tu'u aktilhitamaxanilh, apalij tacha o'sliyajcha mukumintachalh, chaway an Cristo kamasukana li yucha ay, la kilakatunaja kamasukana, la kijatsukunti u la kilhinin.

LOS HECHOS 19:17

Chux an yu ixtawilanalh la'acha'an Éfeso, an judiojnin chi yu jantu judiojnin, tak'atsaalh, pus sawalhcha ixtalaktalhanan. Chi chunchacha an ixta'a'ut an Jamach'alhkat Jesús, palaycha ixpumispakan.

SAN JUAN 11:4

An Jesús, akxni asmatlhi, najun: ―Ani ta'an'at jantu katijama'ninilh, yucha apalij wa kapumasukana an ixta'ayat Dios, chi an ixta'ayat an isTs'alh Dios.

SAN JUAN 5:23

Para li lhichuxi kakiklaka'ikalh chi kalhiwilakalh an isTs'alh tacha kiklaka'ikan an ixPay. Yu jantu kiklaka'iya an isTs'alh Dios, wachu jantu kiklaka'iya an ixPay, yu mala'achatachalh.

GÁLATAS 1:24

Chi oxicha ixtalhichiwiniy an Dios kilakata.

SAN JUAN 12:23

An Jesús jajuniy: ―Chilhcha panch'e'ex li an yu isTs'alh Lapanak kijunchilh kala'ayakanacha.