SAN JUAN 15:1 - Tepehua Pisaflores

¹ Kit'ini yu xak'iw uva sawalh, chi an kimPay yucha an yu ch'an.

SAN JUAN 15:1 Referans Kwoze

1 CORINTIOS 3:9

Kitnan ikt'atapatsayaw an Dios, chi uxitnan tachanu jach'ananti chi tacha a'atam cha'a yu yawt'awkan, yu ix'anu an Dios.

SAN JUAN 6:55

Mu an kijakanit yucha yu wayt sawalh, chi an kijak'alhni yucha yu lhi'ot'at sawalh.

1 JUAN 2:8

Atumpaj ani klats'o'nit'awnaw yucha sast'i lhamap'a'sin chi yucha yu sawalh, tasuyi la ixjatsukunti an Cristo chi la mijatsukuntik'an, mu an jatats'isni la'mixt'ajuncha, chi mapulhkuycha an yu sawalh jatapulhkunu'.

SAN MARCOS 12:1

Tsukulhcha jaxa'alay wa laka pulhamacha'xani an Jesús, jajuniy: ―Pumatam lapanak ch'anlhi ix'uva chi kurralhnulhcha, chi ja'ajnalhcha tan kapach'itkana', chi ilhtulhcha la'atam torre, jamach'ixta'nilhcha tichi yu'uncha lapanakni, chi yucha ma'atcha alh.

SAN MATEO 21:33

’K'a'asmatp'alat la'atam pulhamacha'xan: ixt'ajun pumatam jamalakaat'un lapanak, yucha ch'anlhicha ix'uva chi kurralhnulhcha, chi ilhtulhcha tan kapach'itkana an uva, chi yawlhcha a'atam torre, yu palhistakna. ’Chi ixli'astan jamach'ixta'nilhcha tichi yu'uncha lapanakni an ixlakaat'un, chi yucha alhcha ma'at.

SAN JUAN 6:32

Pus an Jesús jajuniy: ―Ani klajunaw sawalh, jantu yu an Moisesi yu taxta'nin an xapan lakt'iyan, yucha an kimPayi yu taxta'niyan an yu xapan sawalh lakt'iyan.

SAN LUCAS 13:6

Chi jajumpalh ani pulhamacha'xan: ―Pumatam lapanak ixch'anta a'atam higo tan stak ixch'anta ix'uva, akxni alhcha puxkawnini xajatawk'at an ixhigo jantu tu'u la'cha'aninilh.

SAN MATEO 20:1

’Mu an lhich'alhkat awint'i lakt'iyan tachanu pumatam jamalakaat'un, yu ka'alh japuxkawna wats'isin lapanakni yu tama'tapatsay, para li kata'alh tapatsanin tan ch'anta ix'uva.

SAN JUAN 1:9

An yu sawalh jatapulhkunu yu jamapulhkuni'ojoy chux an lapanakni kaminaka ani lakamunulhpa'.

SAN JUAN 1:17

Mu an lhamap'a'sin yucha an Moisesi puxta'kalh, pero an jamapayninti chi an yu sawalh yucha an Jesucristojo japu'ilhtukalh.

SAN MATEO 15:13

Pero an Jesús jajuniy: ―Wa tuchicha jach'itin yu jantu yu ch'anta an kimPay, yu wilhchalh anu lakt'iyan, kap'ulhumaj'ankana'.

SAN JUAN 15:2

Li la'atam ki'a'atan'alat jantu tawk'aniya xa'uva, cha'xa. Pero li tawk'aniya xa'uva, kilhasitmaj'an chi la'alaxtuy, para li ali katawk'alh.

ROMANOS 11:17

An judiojnin, yu'uncha xak'iw olivo, chi a'atancha'xmaj'ankalhi an ali ix'a'atan'alat ani olivo, chi yucha an wa xasimaroncha olivojo t'alamaklhtanchawcho'okalh, yucha uxint'i yu jantu judiojk'at'i. Chunchacha wa la'atamcha jatsukunti t'alhits'uk'u an olivo chi wanajcha yu mijataxiyak walh an ixjataxiyak.