SAN JUAN 13:8 - Tepehua Pisaflores

⁸ An Pedro juniy: ―¡Jantu aktilhitamakawlhi li ak'inch'anch'a'at'i! An Jesús juniy: ―Li jantu aktich'anch'a'an, jantu kint'alhtanak'at'i k'at'i'unt'i.

SAN JUAN 13:8 Referans Kwoze

TITO 3:5

Chi masi li kitnan jantu wa xliyu li tu'ucha yu laj'oxi tanlhun ilhtuw, wa la ixjamapayninticha kintama'alhtaxtun, kintach'a'an chi kintamapaxan. Chi sast'icha jatsukunti kintapuxta'nicho'on an Stalan'a Takuwin.

LOS HECHOS 22:16

Chi chaway t'uch'a ali k'ap'akxa, k'a'ost'aycha, k'a'a'p'axt'icha, chi k'at'ap'ayninincha an Dios, k'ach'a'amaj'acha amintala'alhin.”

HEBREOS 10:22

Pus kala'awcha an Dios la kijalhunutk'an yu ixlisawalh jantu katalhanaw, la kijalhunutk'an kamakajuwcha yu jantu oxi jatapast'ak'at, chi kach'a'awcha kilakatunajk'an laka stalan'a xkan.

EFESIOS 5:26

para li la'stalan'ani katajunlhi. La'stalan'ani ja'ilhtulh an laka laj'oxi chiwinti chi an laka xkan,

1 CORINTIOS 6:11

Tacha ani, chuncha ixtajunita ali'in yu uxitnan ixlip'ulhnaj. Pero chaway xak'amaj'anik'ant'at'itcha mintala'alhink'an ch'i la'st'alan'ak'ant'at'itcha chi oxicha la mijatsukuntik'an la ixta'a'ut an Jamach'alhkat Jesucristo chi la ixTakuwin an kiDiosk'an.

APOCALIPSIS 7:14

Kit'in ijkuniy: ―Uxint'i k'atsay, kit'in jantu ijk'atsay. Yucha kijuniy: ―Ani yu'uncha yu taminchalh laka ay lhima'alh'ajna, chi tach'a'atacha ixla'ch'itk'an chi talasut'ut'utacha la ixjak'alhni an Jas'at'a Borrego.

APOCALIPSIS 1:5

wachu katamapaynini an Jesucristo. Yucha sawalhi yu najun, yu p'ulhnaj la'awcho'olh yu jantucha nicho'oy chi yu jach'alhkatnaniya an rejnin ani lakaat'un. An Cristo kintamapayniyan chi kintama'alhtaxtuni la kintala'alhink'an la ixjak'alhni.

COLOSENSES 2:23

Wa li oxicha jalakpastaknati tasuy, mu ja'ilhtuycha an lapanakni li katakiklaka'ilhi li lhit'ajuni jakilhpatinijk'atsat chi li katamama'alh'ajnilhi ixlakatunajk'an, pero jantu jalhi'a'tayjuyi li jantucha kata'ilhtulhi tanlhun yu jantu oxi.

COLOSENSES 2:18

Jantu xamati kata'o'xcho'on para li k'ama'ats'an'at an yu k'ala'a'iya'it mu ta'alin lapanakni yu talay li ma tajakilhpatinijk'atsay. Yu'uncha sawalhcha laj'ajini tala'ts'in an angelhnin, chi tanajun li ma tala'puminatnan chi sawalhcha laj'ajini tapuk'atsan ixlakata an wa ixjatapast'ak'atchak'an.

SAN JUAN 3:5

An Jesús juniy: ―Kit'in sawalhi ani yu ijkunan, li yu jantu tsukuyi laka xkan chi la ixTakuwin an Dios, jantu lay katitanuchalh an la ixlich'alhkat Dios.

SAN MATEO 26:33

An Pedro, alhtaylh juniy: ―Masi katamakaw'ojon, kit'in jantu aktimakajun.

SAN MATEO 21:29

An ts'alh alhtaylh an ixpay, juniy: “Jantu ijk'uxa'an.” Pero ixli'astan, astan nawlh, chi alh.

SAN MATEO 26:35

Pero an Pedro juniy: ―Masi akima'nikalh wachu jantu a'tam aktinawlh li jantu ikmispayan. Chi an ali'in ixt'alhtanan wachu chuni tajunilh.

SAN MATEO 16:22

Pus wa chuncha an Pedro t'atala'xtinulhi an Jesús, chi sawalhcha juniy: ―¡Jantu Jamach'alhkat Jesús, jantu layi ch'unch'ach'a k'at'ip'ut'ap'asa! Dioscha kalhi'a'tayjun.

SAN JUAN 13:6

Akxni yucha an Pedrojcha kach'anch'a'akana, yucha juniy: ―Jamach'alhkat Jesús, ¿uxint'ich'a ak'inch'anch'a'aya'a?

SAN JUAN 13:9

Pus an Simón Pedro juniy: ―Jamach'alhkat Jesús, jant'u wa ak'ila'ch'anch'a'at'i, wach'u ak'ila'ma'ch'a'at'i ch'i ak'ila'p'ach'a'at'i.