SAN JUAN 1:45 - Tepehua Pisaflores

⁴⁵ An Felipe la'cha'alh an Natanael, pus juniy: ―Ikla'cha'awcha an yu ts'o'muk'ata an Moisés an laka lhamap'a'sin, chi an tacha ixtanajun wachu an yu ixtalhichiwiniy ixchiwinti Dios: Yucha an Jesús, ists'alh José, jamacha'a Nazaret.

SAN JUAN 1:45 Referans Kwoze

SAN LUCAS 24:27

Pus tsukulhcha jalhixa'alayi an Jesús chux an tan lhichiwininta ixlakata yu yucha, sta la ixlaklibro an Moisés sta tacha an alin ali ixlaklibrojk'an an yu ixtalhichiwiniy ixchiwinti Dios.

SAN MATEO 2:23

Anchacha cha'alh, tawilhcha lakatam la'acha'an tan junkan Nazaret, pus tapasalhcha sawalhi tacha an ixtanajunta an yu ixtalhichiwiniy ixchiwinti Dios, li nazarenojo kajunkana'.

SAN LUCAS 24:44

Ixli'astan jajuniy: ―Chunchuniya an iklajuniw akxni an xaklat'a'aklat'awnaw: li lhitask'iniya li chuncha katapasa'olh tacha an kilhits'o'muk'akanta an la ixlamap'a'sin Moisés, chi an yu ixtalhichiwiniy ixchiwinti Dios, chi an Salmos.

SAN LUCAS 4:22

Ixchuxk'an oxicha ixtalhichiwiniy an Jesús, chi sawalhcha ixtalhi'a'niya tacha an laj'oxi chiwinti ixchiwiniy, ixtalajuniy: ―¿Ani chu jantu yu an ists'alh José?

SAN JUAN 18:7

An Jesús a'tam jalhisakmipalh: ―¿Tisiyuch'ach'a p'uxk'awyat'iti? Yu'uncha a'tam tajumpalay: ―Yucha an Jesús jamacha'a' Nazaret.

SAN MARCOS 6:3

Pero mu yucha an jaxpitni', an ists'alh María, an ixt'ala'ajunk'an Jacobo chi José chi Judas chi Simón chi an ixjap'isa'an wachu aniya tawilanalh. Tucha oxi ixtalhiwilay an Jesús an lapanakni.

SAN MATEO 21:11

Pus an ali'in lapanakni tanajun: ―Ani Jesús, yucha lhichiwiniy ixchiwinti Dios, jamacha'a Nazaret, xalakaat'un Galilea.

LOS HECHOS 22:8

Pus iknajun: “¿Tisu uxint'icha Jamach'alhkat?” Chi an yu ixchiwiniy kijuniy: “Kit'in ikJesús jamacha'a Nazaret, kit'ini k'ilhit'ama'ch'ap'uy.”

LOS HECHOS 10:38

K'ats'ayat'iti li an Dios xta'nilhi ix'alhp'asninti chi Stalan'a ixTakuwin an Jesús yu jamacha'a Nazaret, ch'i k'ats'ayat'iti li an Jesús tanlhun yu laj'oxi ix'ilhtuy chi ixjak'uch'uyi wa tichicha yu an xapay makxkay'un ixjamama'alh'ajniy. Chuncha lay ix'ilhtuy mu an Dios ixt'a'aklat'ajun.

SAN JUAN 21:2

Wa lakatami ixtat'aw'ojoy, ancha ixt'ajun an Simón Pedro, chi an Tomás, yu ixtajuniy lhist'uy, chi Natanael, jamacha'a Caná xalakaat'un Galilea, chi an ists'alan Zebedeo chi ixt'uyunk'an ali'in ixt'alhtanan an Jesús.

SAN LUCAS 2:4

Xliyu an José taxtulhi Nazaret, xalakaat'un Galilea, chi alhcha Belén, xalakaat'un Judea, la ixla'acha'an an rey David yu ma'anchacha ta ixlila'ats'in an José.

SAN MARCOS 14:67

pus la'ts'incha tan is'onwilh an Pedro, chi juniy: ―Uxint'i wach'u anch'a ixt'a'aklat'a'un an Jesús yu jamacha'a Nazaret.

SAN MATEO 13:55

¿Chu jantu yu an ists'alh an jaxpitni'? ¿Jantu yu ixnati a María? ¿Jantu ixjat'ala'awnini an Jacobo, chi an José, chi Simón chi Judas?

LOS HECHOS 26:9

’Kit'in ixlip'ulhnaj xaknajun li oxicha li akstak tanchanilh yu ilhtuputun an Jesús jamacha'a Nazaret,

LOS HECHOS 3:6

Pero an Pedro juniy: ―Jantu tu'u iklhit'ajun plata chi oro, pero yu ani iklhit'ajun akxta'niyan, la ixta'a'ut an Jesucristo yu jamacha'a Nazaret, k'at'aycha chi k'ajalht'ancha.

LOS HECHOS 2:22

’Jamacha'an Israel, k'a'asmatt'iti ani chiwinti: Uxitnan oxi k'ats'ayat li an Dios tamasunini la mi'ukxlakapuk'an an ix'alhp'asninti an Jesús, jamacha'a Nazaret. An Dios pu'ilhtulhi an Jesús laj'ay tanlhun yu la'lhi'a'nin chi tanlhuncha yu lakmasulh.

SAN JUAN 19:19

An Pilato ts'o'lhicha jats'o'nut, chi lhinawlhcha li ka'akpuxtukmuk'akalhcha an ixcruz Jesús, tan najunta: “Jesús jamacha'a Nazaret, ixRejk'an judiojnin.”

SAN JUAN 18:5

Yu'uncha tajuniy: ―Yucha an Jesús jamacha'a' Nazaret. An Jesús jajuniy: ―Kit'in. An Judas an yu kama'axt'a'a wachucha ani ixjat'ayalh.

SAN JUAN 6:42

chi ixtalaknawpalay: ―Ani, ¿chun jantu yu an Jesús an ists'alh José? Jamispayawi ixpay chi ixnati. Chi chaway najun li lakt'iyani minchalh.

SAN LUCAS 3:23

Katacha la'ap'uxamkawcha k'ata ixpakxanta an Jesús akxni tsukulhcha lhichiwiniy an ixchiwinti Dios. Ixtalhi'ilhtuy li an Jesús ists'alh an José, an ists'alh Elí.

SAN MATEO 10:3

chi Felipe, chi Bartolomé, chi Tomás chi Mateo, yu ixma'ach'inin, chi Jacobo, ists'alh tichiyucha lapanak ixjunkan Alfeo, chi Lebeo yu ixtajumpalay Tadeo,

SAN LUCAS 2:48

Akxni tala'ts'ilhcha an ixpaynin ixtalhi'a'niycha, an ixnati juniy: ―Kints'alh, ¿tasu li chunchacha kila'ilhtuyawi? Aminpay chi kit'in jantucha oxi ijk'atsanaw li jantucha lay xaklalhitajuyaw.

SAN JUAN 1:44

An Felipe, jamacha'a Betsaida, tan ixla'acha'ank'an an Andrés chi an Pedro.

SAN JUAN 6:5

Akxni an Jesús talakatiyawlh chi la'ts'ilhi li wanajcha lhilhuw, lhisakmilhi an Felipe, juniy: ―¿Tanischa kajatamawniyaw pan ani lapanakni para li kata'ulhcha?

SAN JUAN 6:7

An Felipe najun: ―Masi la'at'uy ciento wilhchan aklhima'tapatsalh jantu katicha'alhi para li lakts'unijcha kata'ulh.

SAN JUAN 12:21

Pus tala'cha'alhi an Felipe, jamacha'a Betsaida, xalakaat'un Galilea, chi ixtatapayniniycha, ixtajuniy: ―Jamach'alhkat, ikla'ts'imputunaw an Jesús.

SAN JUAN 14:8

Pus an Felipe juniy: ―Jamach'alhkat Jesús, akilamasuniwi amimPay, walh wa chuncha oxicha.

SAN LUCAS 18:37

Pus tajuniy li yucha an Jesús jamacha'a Nazareti ixla'pust'ajun.