SAN JUAN 1:4 - Tepehua Pisaflores

⁴ Mu yucha ixlit'ajun an jatsukunti, chi an jatsukunti, ixjatapulhkunuk'an an lapanakni.

SAN JUAN 1:4 Referans Kwoze

SAN JUAN 8:12

An Jesús a'tam jaxa'alapalhi an lapanakni, jajuniy: ―Kit'ini xajatapulhkunu an lakamunulhpa', yu akinch'a'o'aya jantu wa lakaputs'isni katitsukulh, kalhitsukuya an jatapulhkunu yu xt'a'a jatsukunti.

SAN JUAN 12:46

Kit'in ijkatapulhkunu', chi ani lakamunulhpa ikminta para li chux yu kinkiklaka'iy jantu wa lakaaputs'isnicha katsuku'alhilh.

SAN JUAN 5:26

Mu tacha an ixPay lhit'ajuni jatsukunti, wanajcha chuni ilhtuta an isTs'alh li kalhitsukulhi jatsukunti.

SAN JUAN 9:5

Li ikt'ajunka an lakamunulhpa, ikxajatapulhkunu an lakamunulhpa'.

SAN JUAN 11:25

An Jesús juniy: ―Kit'ini yu ikpula'awcho'okan chi ijkatsukunti. Yu kinkiklaka'iy, masi kanilh, katsukucho'oya'.

1 JUAN 5:11

Yucha aniya an yu jamak'atsaanininkan: Li an Dios kintaxta'nitani jatsukunti yu jantu a'tam min'ojoy chi ani jatsukunti yucha an isTs'alhi lhit'ajun.

SAN JUAN 14:6

An Jesús juniy: ―Kit'ini yu iktij, kit'ini yu iksawalh, chi ikjatsukunti, li jantu kit'ini akintipu'alh wa tichicha, jantu lay katila'cha'alh an kimPay.

SAN JUAN 12:35

An Jesús jajuniy: ―Wa lakats'uniycha ani katat'a'aklatsukuyan an jatapulhkunu'. K'alak'alht'anant'iti li lhit'awnatka an jatapulhkunu', para li jantu wa kalaks katala'chini an jatats'isni akxni jant'u jalajk'ats'anant'at'it, mu yu lakaaputs'isni jalhtanan jantu k'atsay tanchuncha ti'an.

EFESIOS 5:14

Xliyu lhinajunta: Uxint'i yu lht'at'ay, k'ak'ujt'icha, ch'i k'a'ost'aycha la ixpujank'an an janinin, walh kamapulhkuniyani an Cristo.

SAN MATEO 4:16

Ani lapanakni yu wa lakaputs'isnicha ixtat'ajun tala'ts'ilhcha an ay jatapulhkunu'. Chi an lapanakni yu wa la ixma'stele'cha lhinin ixtalak'aklat'ajun, jamapulhkunilhcha an jatapulhkunu'.

COLOSENSES 3:4

Xliyu li akxni an Cristo an yu mijatsukuntik'an, kamincho'oyacha, wa lakatamch'a k'axlimj t'at'alak'asuya'it la ixta'ayaxtu.

LOS HECHOS 26:23

Tan ixtanajun li an Cristo chuncha ixt'acha'an li kaniya', pero ixli'astan li yucha p'ulh kala'awcho'oya', chi li kajalhixa'alayacha chi jamasuniyacha an jatapulhkunu yu puta'alhtaxtukan an judiojnin chi an yu jantu judiojnin.

SAN LUCAS 2:32

Yucha tacha jatapulhkunu', kajaxa'ala'oya ta kilhmakchux an lapanakni, chi an xalapanakni Israel laj'ajini katapujuna'.

1 JUAN 1:2

Ani jatsukunti talakasulh, kitnan ikla'ts'iw chi iklhichiwininawi yu yucha ixlakata, chi klamak'atsaaniyawi uxitnan ani jatsukunti yu jantu min'ojoy, yu ixt'awilhchalh an ixPay chi kintatalakasunincha.

SAN JUAN 5:21

Mu tacha an ixPay jamala'awniya an janinin chi jaxta'niya jatsukunti, an isTs'alh wachu jaxta'niya jatsukunti yu jaxta'niputun.

APOCALIPSIS 22:16

―Kit'in Jesús, ikmala'achachalhi an ki'angelh para li kajamak'atsaanilhi ani tanlhun an tacha tala'ta'ayxt'o'a an yu kintakiklaka'iy. Kit'in ixjataxiyak chi ikpu'a'p'unminchalh an David, kit'in ikst'aku yu xlimj mapulhkuy akxni tunkunmintacha.

1 CORINTIOS 15:45

Chunchuniya najunta an la ixchiwinti Dios: “Yu p'ulhnajcha mala'awnikalh yucha an Adán.” Chi an Cristo tacha astancha Adán, yu lhit'ajun Takuwin yu xt'a'a jatsukunti.

APOCALIPSIS 22:1

Ixli'astan an angelh kimasunilhcha la'atam yu jantu smala'a ayxkan, lhi'anta xkan yu xt'a'a jatsukunti, wa stalan'acha, an la ixputawlank'an yu tapuch'alhkatnan an Dios chi an Jas'at'a Borregojo ixajtachilh.

SAN JUAN 3:19

Yucha aniya ixlakata an lhima'alh'ajnat, li an jatapulhkunu yucha kilachilhcha ani lakamunulhpa', pero an lapanakni jantu tala'ts'imputulh, palay ta'achanilhi an lakaputs'isni, mu wa yu jantu oxi laktanlhuncha ixta'ilhtuy.

1 JUAN 1:1

Yu ixjunitacha ixlip'ulhnaj, yu ik'alha'asmattawcha, yu kla'ts'intawcha la kila'chulhk'an, yu sa'cha kla'ts'iw chi la kimakachak'ani ikch'apacha'aw, yucha an chiwinti yu xt'a'a jatsukunti.