1 JUAN 5:20 - Tepehua Pisaflores

²⁰ Chi wachu k'atsayawi li an isTs'alh Dios kilachilh chi kinta'ilhtuni li kalhimacha'xawi tichini yu Dioscha sawalh. Kitnan t'atala'xto'tawcha an yu sawalh, kanajuw an isTs'alh an Dios, an Jesucristo. Yucha aniya yu Dios sawalh chi yucha yu jatsukunti yu jantu a'tam katimin'olh.

1 JUAN 5:20 Referans Kwoze

SAN JUAN 17:3

An jatsukunti yu jantu min'ojoy ixlakata li katamispani uxint'i, yu wa uxint'i Diosk'at'i sawalh, chi an Jesucristo, yu uxint'i mala'ach'at'achi'.

SAN LUCAS 24:45

Pus wa chuncha ja'ilhtulhi li katalhimacha'xalhi an tan chuncha ts'o'muk'akanta.

SAN JUAN 14:9

An Jesús juniy: ―Felipe, ma'anchacha iklat'a'aklat'awnaw, ¿ch'i jant'uka' k'imisp'ay? Yu kila'ts'incha, la'ts'incha an kimPay. ¿T'asu li k'i'uniycha li aklamasuniwi an kimPayi?

1 TIMOTEO 3:16

Jantu lhitala'a'o'xcho'o li ay sawalhi an yu jantu tasuy jamapayninti: An Cristo kitalakasuchilhi laka jakanit, an ixTakuwin nawlhi li yucha sawalh, chi tala'ts'ilhi an angelhnin. Yucha jalhixa'alakalhi ta kilhmakchux ta'alin an lapanakni Kiklaka'ikani ani lakamunulhpa'. La'a'ikalhi an talhman li yucha ay.

1 JUAN 5:1

Chux yu kiklaka'iya li an Jesús yucha Cristo, yucha ixjas'at'a Dios. Chi yu mapayniya pumatam xapay wachu jamapayniniya an ixjas'at'an.

SAN JUAN 20:28

Wa chuncha an Tomás alhtaylh chi juniy: ―¡KiJamach'alhkat chi kiDios!

APOCALIPSIS 3:7

’Wach'u k'ats'o'nini an xa'angelh an tan tata'ayxt'o'a an yu takiklaka'iy Dios an la'acha'an Filadelfia: “Chunchuniya najun an yu Stalan'a chi an yu Sawalh, an yu lhit'ajun an ixyave an ay jamach'alhkat David, an yu akxni malhti'ay jantucha xamati lay malaklhchajuy chi akxni malaklhchajuy jantucha xamati lay malhti'ay.

1 JUAN 4:16

Chi kitnan mispayaw chi kiklaka'iyawi an ixjamapayninti an Dios yu kintaxta'niyan. An Dios yucha jamapayninti chi yu t'a'aklatsuku'alhiya an jamapayninti, t'a'aklatsuku'alhiya an Dios, chi an Dios wachu t'a'aklatsuku'alhiya an lapanak.

ROMANOS 9:5

Yu'uncha ixlakpaynink'an oxi ixtat'a'aklat'ajun Dios ma'anchacha. Chi yu'uncha japula'awlh an Cristo, chi an Cristo yucha Dios, wa tanchun kawalhcha. Yucha lhilhiji kaxta'niw lhimala'puchajun. Chuncha kajunlhi.

SAN JUAN 10:30

An kimPay chi kit'in wa la'atami ijkuntaw.

1 JUAN 4:2

Chunchuniya k'ap'uk'ats'aya'it tichini yu ixTakuwincha Dios lhit'ajun: Chux yu najuni li an Jesucristo kijunchilh sawalhi lapanak, yucha lhit'ajuni an ixTakuwin Dios.

1 JUAN 2:6

Yu najuni li t'atala'xto'tacha an Dios, tacha ixt'ajuncha an Jesucristojo katsukulh.

HEBREOS 1:8

An Dios juniy an isTs'alh: Uxint'i Diosk'at'i amilhich'alhkat ixpujun'alhincha. Amink'iw yu p'uch'alhk'atnan wa tami k'ap'uxt'a'a'a.

TITO 2:13

Chuncha katsukuw li jantuka' chini an yu lhi'acha pakxan'iyaw: akxni kaxlimjcha chincho'oya an ay kiDiosk'an, an Jesucristo yu kintama'alhtaxtuyan.

LOS HECHOS 20:28

Pus chaway k'ajalajk'ats'anant'itcha chi k'ajalhist'akt'itcha chux an yu tat'ata'ayxt'o'an, mu an Stalan'a Takuwin ta'ilhtuncha li k'a'unt'iti xalaj'ajin para li k'ajalhist'akt'iti an yu takiklaka'iycha Dios, yu jatamawlh la ixjak'alhni.

SAN JUAN 17:14

Ijkamak'atsaanilhcha yu'uncha aminchiwinti, pero sawalhcha jaxkaykan, yu'uncha an lapanakni an yu ani tawilanalh lakamunulhpa' tajaxkayanan. Mu yu'uncha jantucha xanawin ani lakamunulhpa', tacha kit'in jantu aniya la kincha'a'.

APOCALIPSIS 19:11

An lakt'iyan ikla'ts'in lhti'ay chi ancha talakasulh la'atam sut'ut'u kawayo, an yu ixpu'uk'alh ixjunkan: Yu Sawalh chi yu Muktaxtuy yu najun, mu yucha ts'ajwi ixch'alhkatnan chi ilhtuycha lasat.

APOCALIPSIS 15:3

Ixtalakmilhpaycha an ixmilhpat Moisés yu t'atapatsay Dios chi an ixmilhpat Jas'at'a Borrego. Ixtalaknajun: Laj'ay chi la'lhi'a'nini an yu lak'ilhtuta an Jamach'alhkat Dios, yu lay chux lak'ilht'u'o'oy. Ts'awj chi sawalhi an yu lak'ilht'uyi xaJamach'alhkat ta kilhmakchux alin lapanak.

APOCALIPSIS 6:10

P'ascha ixtachiwiniy ixtanajun: ―Jamach'alhkat, yu stalan'a, chi yu sawalh, ¿sta tasu wanancha wa k'at'ip'akxaniya'a para li k'aja'uncha li oxi u jantu tani talaycha an yu tawilanalh an lakaat'un ch'i k'ajalhich'it'icha an kijak'alhnik'ani?

APOCALIPSIS 3:14

’Wach'u k'ats'o'nini an xa'angelh an tan tata'ayxt'o'a an yu takiklaka'iy Dios an la'acha'an Laodicea: “Chunchuniya najun an yu junkan Amén, an yu sawalh yu najun yu lhitala'si, yu pu'alilh chux an tanlhun, yu an Dios ilhtulh:

1 JUAN 4:14

Chi kitnani la'ts'inaw chi nawnaw li an xaPay mala'achachalhi an isTs'alh para li kama'alhtaxtulhi an lakamunulhpa'.

FILIPENSES 3:9

chi akt'atala'xto'lhicha. An Dios oxicha kila'ts'in jantu wa xliyu li sawalhcha oxi tanlhun k'ilhtuy, yucha oxicha kila'ts'in wa xliyu li ijkikla'a'iycha an Cristo.

2 CORINTIOS 4:6

Mu an Dios, yu lhinawlhi li ka'alilhi jatapulhkunu an tan lakaaputs'isni, yucha wachu yu mapulhkulh an la kijalhunutk'an. Para li wachucha layi ajkamapulhkuniw an ali'in, li ajkamak'atsaaniwcha an ix'alhp'asninti Dios yu tapulhkuy la ix'ukxpu an Jesucristo.

SAN JUAN 15:4

Wa akilat'a'aklatsuku'alhiwcha, chi kit'in aklat'a'aklatsuku'alhiyaw. Tacha an ix'a'atan'alat uva jantu lay tawk'aniya xa'uva wa ix'akstu, li jantu t'alach'apata an yu xak'iw, pus wanajcha chuni uxitnan, li jantu kilat'a'aklatsuku'alhiyaw.

SAN JUAN 14:23

An Jesús juniy: ―Yu kimapayniy, kiklaka'iya an kinchiwinti chi an kimPay kamapayniya'. Chi kit'in chi an kimPay akminaw t'atawlhnin.

SAN JUAN 14:20

Anchunu wilhchan, uxitnan k'ak'ats'aya'it'iti li yucha an kimPaycha ikput'awnachalh chi uxitnan kit'incha kilaput'awnaw chi kit'in uxitnancha iklaput'awnaw.

SAN JUAN 14:6

An Jesús juniy: ―Kit'ini yu iktij, kit'ini yu iksawalh, chi ikjatsukunti, li jantu kit'ini akintipu'alh wa tichicha, jantu lay katila'cha'alh an kimPay.

SAN JUAN 1:18

An Dios jantu a'tam xamati la'ts'inta; pero an isTs'alh, mu wanajcha yucha an Dios, yucha kintamamispanin, mu yucha lhilhiji t'awilhchalh an ixPay.

SAN LUCAS 21:15

mu kit'ini aklaxta'niyaw laj'oxi jatapast'ak'at chi chiwinti yu jantu lay ta katita'alhtaystukni chi jantu katitalhitayanilhi an yu wa taxkayan.

SAN MATEO 13:11

Yucha jajuniy: ―Uxitnan layi k'alhimach'a'xaya'it yu jantu tasuy an ixlich'alhkat Dios yu alinachalh anu lakt'iyan, pero yu'uncha jantu.

1 JUAN 2:24

Xliyu uxitnan k'ama'at'iti la mijalhunutk'an an chiwinti yu asmatt'it sta akxni a'taynichalh. Ch'i li ma'ayat'iti la mijalhunutk'an yu asmatt'it sta akxni a'taynichalh, uxitnan wach'u k'at'at'ala'xt'o'alhiya'it'iti an isTs'alh Dios chi an ixPay.

EFESIOS 3:18

Chi chuncha laych'a k'ajat'alhimach'a'xat ixchuxk'an an yu takiklaka'iy Dios tani ixlipu'aycha chi tani ixlilhmancha chi tani ixlitalhmancha chi tani ixliputalhmancha an ixjamapayninti Cristo.

2 CORINTIOS 5:17

Pus yu t'atala'xto'lhicha an Cristo yucha sast'icha lapanaki juncho'olh. An tanlhun yu laj'at'ilhcha laktapasa'olhcha, la'sast'icha tanlhuni lak'ilhtucho'okalh.

1 CORINTIOS 1:30

Pero an Dios yuchacha tat'amala'xto'tan uxitnan an Jesucristo. Chi wachucha ilhtulhi li an Cristo kijatapast'ak'atchak'ani kawalh chi yu ts'awjcha kaputsukuw chi yu kapustalan'aw chi yu kaputa'alhtaxtuw.

SAN JUAN 17:25

Stalan'ak'at'i kimPay, ts'ajwi minchiwinti, an lakamunulhpa jantu mispayan, pero kit'in ikmispayan, chi ani wachu tamispayani li uxint'i k'imala'ach'achi'.

SAN JUAN 8:42

Wa chuncha an Jesús jajuniy: ―Li mimPayk'ani Dios ixwalh, xakilamapayniw, mu kit'in tan wilhchalh Diosi ikminchalh chi anicha ikt'ajun, jantu wa ki'akstucha ijk'uxamilh, Diosi kimala'achatachalh.

1 JUAN 2:23

Watichicha yu najuni li jantu tu'u t'ajun an isTs'alh Dios wachu jantu tu'u lhit'ajun an ixPay. Pero yu najuni li t'ajuni an isTs'alh Dios wachu lhit'ajuni an ixPay.

1 JUAN 5:5

Yu kiklaka'iya li an Jesús yucha isTs'alh Dios, laklhajayi an lakamunulhpa'.

1 JUAN 5:15

Chi tacha k'atsayawi li an Dios asmat'a kintapaynitk'an, wachu k'atsayawi li lhit'awnawcha yu sk'initaw.

1 JUAN 5:18

K'atsayawi li yu Diosi put'ajun, jantucha ali ilhtuyi ixtala'alhin, mu an isTs'alh Dios lhistakta, pus an yu wa ay junita jantu lay ch'apayachalh.