1 CORINTIOS 16:22 - Tepehua Pisaflores

²² Li xamati jantu mapayniy an Jamach'alhkat, ¡yuchacha kala'cha'alh an tanlhun yu jantu laj'oxi, tacha najun an Dios! ¡Kijamach'alhkatk'an Dios, k'at'at'i!

1 CORINTIOS 16:22 Referans Kwoze

EFESIOS 6:24

Diosi kaja'a'tayjulh ixchuxk'an an yu tamapayni'alhi kiJamach'alhkatk'an Jesucristo. Chunchacha kawalh.

SAN JUAN 14:21

Yu la'a'iya an kilhamap'a'sin chi kiklaka'iy, lhimasuyi li kimapayniy sawalh. Chi yu kimapayniy, kamapayniya an kimPay, chi kit'in akmapayniya wachu', chi aktalakasuniya'.

1 JUAN 5:1

Chux yu kiklaka'iya li an Jesús yucha Cristo, yucha ixjas'at'a Dios. Chi yu mapayniya pumatam xapay wachu jamapayniniya an ixjas'at'an.

1 JUAN 4:19

Kitnan mapayniyawi an Dios, mu yucha p'ulhnaj kintamapaynin.

SAN JUAN 8:42

Wa chuncha an Jesús jajuniy: ―Li mimPayk'ani Dios ixwalh, xakilamapayniw, mu kit'in tan wilhchalh Diosi ikminchalh chi anicha ikt'ajun, jantu wa ki'akstucha ijk'uxamilh, Diosi kimala'achatachalh.

SAN MATEO 10:37

’Yu palay mapayniya ixpay chi ixnati, chi kit'in jantu, jantu t'acha'ani lay akinch'a'o'alh. Chi yu palay mapayniya ists'alh u istsi, wachu jantu lay akintich'a'o'alh.

APOCALIPSIS 22:20

An yu laklhichiwiniy ani tanlhun, najun: ―Chun, watukan akmina'. Chunchacha kawalh. ¡K'at'at'icha Jamach'alhkat Jesús!

1 PEDRO 2:7

Para uxitnan yu k'iklak'a'iyat'it, anchunu chiwx sawalhcha lhitapalay. Pero an yu jantu takiklaka'iy, tapasaycha tacha an najunta an tan ts'o'muk'akanta an ixchiwinti Dios: An chiwx an yu wa tala'amaj'alh an ixyawnan cha'a, yuchacha apaliji yu lhitapalay tukan.

1 PEDRO 1:8

Uxitnan map'ayniyat'iti an Jesucristo masi jant'u la'ts'int'at'it. Ch'i li k'iklak'a'iyat'iti masi jant'u la'ts'inat'it, laj'ach'anat'iti an laka aya achat, yu jant'u lay nawnat laka chiwinti,

HEBREOS 6:10

Mu an Dios yucha ts'ajwi lak'ilhtuy an tanlhun, jantu katikaplhi yu uxitnan lak'ilht'ut'at chi an mijamapaynintik'an yu masunit'at li ja'a't'ay'uyat an yu tajakiklaka'inin, t'ach'a t'aylhip'int'at masi chaway.

ROMANOS 9:3

sta wa laycha li kit'in akts'an'alhcha, jantucha akt'ajalhtanalhi an Cristo, li sna chuncha yu lay akjalhi'a'tayjulh an kijat'ala'awnin, yu kint'ajudiojnin.

GÁLATAS 5:6

Chi li t'atala'xto'tawi an Cristo Jesús, jantu tu'u lhitapalay li ak'akaxwililich'uk'up'uxkalh u jantu. Yu lhitapalay li kajakiklaka'iniw, chi li ani jakiklaka'inti akinta'ilhtuni li laka jamapayninti katsukuw.

1 CORINTIOS 12:3

Kit'in klamak'atsaaniyaw, jantu layi xamati ka xkaya ti junilh an Jesús li yu yucha an x'alhp'asninti ixTakuwin Dios puchiwiniy. Chi jantu xamati lay katinawlh: ¡An Jesús yucha Jamach'alhkat!, li jantu yu an ix'alhp'asninti Stalan'a Takuwin puchiwint'ajun.

LOS HECHOS 23:14

Chi tala'alhcha an xalaj'ajin sacerdotejnin chi an xalaktatanincha judiojnin, chi tat'alajuniy: ―Kitnan iktamakajuwcha laka lhi'ay junita li jantu tu'u akti'uw sta li jantu ikma'niyaw an Pablo.

SAN JUAN 16:14

Yucha kamasuya an ki'alhp'asninti, mu kala'a'iya yu ki'anun chi katamasuniyan.

SAN JUAN 15:24

Jantu tu'u ixtalhitawk'alh li jantu tu'u ixtala'ts'ilh yu iklak'ilhtulh tanlhun, yu jantu xamati lay ilhtuy, pero chaway tala'ts'intacha. Walh masi chuncha kintaxkajiy chi an kimPay wachu taxkajiy.

SAN JUAN 14:23

An Jesús juniy: ―Yu kimapayniy, kiklaka'iya an kinchiwinti chi an kimPay kamapayniya'. Chi kit'in chi an kimPay akminaw t'atawlhnin.

SAN JUAN 14:15

’Li kilamapayniyaw, k'ak'iklak'a'it'iti an kilhamap'a'sin.

FILIPENSES 4:5

Minchuxk'ani k'amisp'ak'ant'it li oxi lapanakni. An Jamach'alhkat waniycha t'ajun.