Tuma 9:42 - Tampulma

⁴² Laaboor naa funɛ ya chen, fun mɔɔli Jɔpa tɔhɔn ti maga. Nidamata se fun su ya kunyan ti chen daha.

Tuma 9:42 Referans Kwoze

Tuma 9:35

Lida tim ta awa ba naa maga nyɛn tɛɛnɛ naa mak dɔŋ ni fun nu chenani yɛɛ, a nyɛ ba se su ya kunyan ti.

Jɔn 12:11

Ju tim nidamata funɛ gil ba nihɛɛta a nyɛ ba se su Yesu o funɛ lɛli Lazarus a li o sou ni daha. Chendaha ba fun ya chen.

Jɔn 11:45

Ju tim nidamata ba naa funɛ wa di ba wa zaami Mɛri awa Marta, fun na chenani Yesu tum a nyɛ ba se su un.

Tuma 11:21

Nidamata kinkan funɛ nyɛ ba se su ya kunyan ti ka ba bur a tiŋ un, domi Koosa kpok ti funɛ nyɛn ba biksi ti ni.

Jɔn 12:44

Doone Yesu fun zer o ta buudaha a ŋɔ zɛmɛ ta ni, “Naa si su min, o si su Koosa naa tum min chen gbanko.

Jɔn 11:4

Yesu funɛ nu laaboor ti, o fun ŋɔ ba naa kani o wati chen, “Lazarus fu kaa sou, o fu wa zi vusi nan. Chenani o du un ni chen zi nyɛ nara kinyɛ Koosa awa o be jirimau kinkan.”

Tuma 9:36

Yesu nitiŋɛ ta nidigi funɛ ya nihaannɛ ba yir un Tabita. Girik tima sɛm ni ba ka yir un Dɔɔkas. O mun funɛ ya ‘cherga’. O fun nyɛn tɔhɔn naa ba yir Jɔpa. O yaa funɛ tum tum werewa a la suŋi fara tima.

Tuma 9:38

Jɔpa awa Lida wa fun bol wa dɔŋ ni. Yesu nitiŋɛ ba naa nyɛn Jɔpa ni, funɛ nu di Pita nyɛn Lida ni, ba fun tum nara balɛ o wati ba la ŋɔ un di o ta vusi a kuwa.

Tuma 9:43

Baal digi funɛ nyɛn Jɔpa ni ba yir un Simɔn. O tuma yaa fun ya sela tɔna tuma. Pita fun nyɛn o dam ni a vusi.

Tuma 10:5

Tum i walɛ ta bɔnɛ ba la yir baal naa ba yir Pita chen a li Jɔpa ni. O sɔn digi ya Simɔn.

Tuma 10:8

O fun ŋɔ ba chenani yɛɛ a tum ba Jɔpa ni.

Tuma 11:5

“Mu funɛ nyɛn tɔhɔn naa ba yir Jɔpa nɛɛ a sumi Koosa a fun na kundɔŋ a chi mu deesi. O fun nyini a na gar zen ka o li Koosa tɔhɔn ti a tu wa tɛɛnɛ a chi nara kpaksi o nɔɔsa a wa dugli min.

Tuma 11:13

Waa funɛ ŋɔ ya di o na Koosa malaikasi ta digiu o dam ti ni. Malaika ti fun ŋɔ un, ‘Tum i walɛ ta bɔnɛ ba la yir baal naa ba yir Pita chen a li Jɔpa ni. O sɔn digi ya Simɔn.