Tuma 9:38 - Tampulma

³⁸ Jɔpa awa Lida wa fun bol wa dɔŋ ni. Yesu nitiŋɛ ba naa nyɛn Jɔpa ni, funɛ nu di Pita nyɛn Lida ni, ba fun tum nara balɛ o wati ba la ŋɔ un di o ta vusi a kuwa.

Tuma 9:38 Referans Kwoze

Tuma 9:36

Yesu nitiŋɛ ta nidigi funɛ ya nihaannɛ ba yir un Tabita. Girik tima sɛm ni ba ka yir un Dɔɔkas. O mun funɛ ya ‘cherga’. O fun nyɛn tɔhɔn naa ba yir Jɔpa. O yaa funɛ tum tum werewa a la suŋi fara tima.

Tuma 11:26

O funɛ na un, Barnabas fun kpa un a bur kaali Antiɔk. Ba fun nyɛn doon bun bɛgim aa biksi Yesu nitiŋɛ ba naa i kinkan chen. Saha tirɛ ba naa funɛ nyɛn doon chen fun te chɛrgi chenani ba yir Yesu nitiŋɛ ta a du ba Yesu Kristo nitiŋɛ ta.

Tuma 9:32

Saha tirɛ Pita fun gba a la tɔ damata a la tel tɔhɔn naa ba yir Lida ka Koosa nara bɔnɛ nyɛn doon.

Tuma 9:19

O fun di diwe o kpok bu bur a wa. Doone o fun nyɛn Yesu nitiŋɛ ba naa nyɛn Damaskus ni chen wati wuzu bilɛ.

Tuma 9:42

Laaboor naa funɛ ya chen, fun mɔɔli Jɔpa tɔhɔn ti maga. Nidamata se fun su ya kunyan ti chen daha.

Tuma 9:43

Baal digi funɛ nyɛn Jɔpa ni ba yir un Simɔn. O tuma yaa fun ya sela tɔna tuma. Pita fun nyɛn o dam ni a vusi.

Tuma 10:5

Tum i walɛ ta bɔnɛ ba la yir baal naa ba yir Pita chen a li Jɔpa ni. O sɔn digi ya Simɔn.

Tuma 10:8

O fun ŋɔ ba chenani yɛɛ a tum ba Jɔpa ni.

Tuma 11:5

“Mu funɛ nyɛn tɔhɔn naa ba yir Jɔpa nɛɛ a sumi Koosa a fun na kundɔŋ a chi mu deesi. O fun nyini a na gar zen ka o li Koosa tɔhɔn ti a tu wa tɛɛnɛ a chi nara kpaksi o nɔɔsa a wa dugli min.

Tuma 11:13

Waa funɛ ŋɔ ya di o na Koosa malaikasi ta digiu o dam ti ni. Malaika ti fun ŋɔ un, ‘Tum i walɛ ta bɔnɛ ba la yir baal naa ba yir Pita chen a li Jɔpa ni. O sɔn digi ya Simɔn.