Tuma 9:36 - Tampulma

³⁶ Yesu nitiŋɛ ta nidigi funɛ ya nihaannɛ ba yir un Tabita. Girik tima sɛm ni ba ka yir un Dɔɔkas. O mun funɛ ya ‘cherga’. O fun nyɛn tɔhɔn naa ba yir Jɔpa. O yaa funɛ tum tum werewa a la suŋi fara tima.

Tuma 9:36 Referans Kwoze

Tait. 3:8

Chenani mu ŋɔ hin, nan ya wutirɛ. Mu daŋni i yaa kibiksi narawa kin nama wɛ kinkan, chen ni ba naa se su Koosa se zi sɛri tum were tumi niu. Ba tum chen, ba zi wa na nyɔɔrau.

Tait. 2:7

I titi kitum tum were. I ya chen a li kina maga ni, chen la zi biksi ba chenani ba gbanko zi tum tum were. Kibiksi ba a li i bambi ni, chen ni ba zi nyɛ hin jirimau a li i biksi ti ni.

Ju 13:21

Koosa naa ya bara sɔɔna tiina, zi yisi kin naa maga ma daŋniu a nyɛ ma, chen ni ma zi kotiu a tiŋ o tutɔ nɛnɛ. Yesu Kristo la suŋi ya di ya tum tum were a sɔɔni Koosa tuha. Ma nyɛ ya nyɛ Yesu wa jirima kinkan hali saha naa vɛ kpak bɔ. Ami.

Jems 1:27

Ya kunyana Koosa daŋni yaa tiŋ un wa wuti nɛɛ. O lawa yaa suŋi sunsa awa luhaana ba naa la namsi, aa gil tɛɛnɛ nɔ tim maga tum tagna a ta.

Tait. 2:14

O funɛ sou a daakakli ti nɛɛ a nyɛ ya, chen ni o zi la ya nyuunau a nyɛ ya a chaksi ya a dɔ ya a nyɛ ya se sɛm di ya tum tum were a nyɛ un.

Ɛfɛ. 2:10

Koosa fun nyɛ ya wa Yesu Kristo ya nibɛgim, chen ni ya zi tum tum wereu a nyɛ un. O funɛ lisi yau saha digi di ya tum nan a nyɛ un.

Tuma 10:31

a ŋɔ, ‘Kɔnilius, chenani ii sumi Koosa a la suŋi fara tim ta chen sɔɔnɛ o tuha.

1 Tɛs. 4:10

Ya zimu di maa daŋni Yesu nitiŋɛ ba naa maga nyɛn Masɛdonia pulum ni. Adaha ya sumi mau ma ha vɛɛn kitum chen a gbaari.

Filip. Tima 1:11

Yesu Kristo zi suŋi mau di ma ya nibin werewa kinkan a chi chen. Nara zi na mau a kidaŋni ba pɛgi Koosa a nyɛ un jirima.

Jɔn 15:8

Chenani maa tum tum were a nyɛ min a gbaari la zi biksi nara di ma ya mu gantɛl tiŋsiwa. Doone ba zi bur a nyɛ mu nyan ti wa jirima kinkan.

Jɔn 15:5

“Mu piin ŋɔ mau di mu chi bugil pum naa ba yir ‘vain’ chene. Ma chi mu hulsiwa. Ma wa min ya nibɛgim a nyɛn, ma zi kotiu a tum tum were kinkan a nyɛ min. Ma lisɛ ma titi a li min ni, ma wa kikoti a tum wu digi.

Kɔl. 1:10

Ya daŋni ma zim nannɛ, chen ni ma zi tiŋu a chi chenani ya kunyan ti daŋni a sɔɔni o tuha saha maga, a tum tum were nɛnɛ a zim Koosa a gbaari,

Tuma 9:38

Jɔpa awa Lida wa fun bol wa dɔŋ ni. Yesu nitiŋɛ ba naa nyɛn Jɔpa ni, funɛ nu di Pita nyɛn Lida ni, ba fun tum nara balɛ o wati ba la ŋɔ un di o ta vusi a kuwa.

Tuma 9:42

Laaboor naa funɛ ya chen, fun mɔɔli Jɔpa tɔhɔn ti maga. Nidamata se fun su ya kunyan ti chen daha.

Tuma 10:8

O fun ŋɔ ba chenani yɛɛ a tum ba Jɔpa ni.

Tuma 10:23

Pita funɛ nu ba sɛm ta, o fun yir ba di ba wa chɔ. Chɔɔsa funɛ wa pisi, ba maga fun si a tiŋ dɔŋa a kaali. Yesu nitiŋɛ ba naa funɛ nyɛn Jɔpa ni, bɔnɛ fun gbaari ba ni a kaali.

Tuma 11:5

“Mu funɛ nyɛn tɔhɔn naa ba yir Jɔpa nɛɛ a sumi Koosa a fun na kundɔŋ a chi mu deesi. O fun nyini a na gar zen ka o li Koosa tɔhɔn ti a tu wa tɛɛnɛ a chi nara kpaksi o nɔɔsa a wa dugli min.

Tuma 11:13

Waa funɛ ŋɔ ya di o na Koosa malaikasi ta digiu o dam ti ni. Malaika ti fun ŋɔ un, ‘Tum i walɛ ta bɔnɛ ba la yir baal naa ba yir Pita chen a li Jɔpa ni. O sɔn digi ya Simɔn.

Mat. 25:17

Tumtum naa funɛ la sidi tusugsa lɛ chen, funɛ kpa au a na nyɔɔra sidi tusugsa lɛ.