Tuma 9:32 - Tampulma

³² Saha tirɛ Pita fun gba a la tɔ damata a la tel tɔhɔn naa ba yir Lida ka Koosa nara bɔnɛ nyɛn doon.

Tuma 9:32 Referans Kwoze

Tuma 9:13

Ananias fun ŋɔ un, “Mu kunyana, nibin damata funɛ ŋɔ min baal ti wɛ awa chenani o nyɛ Koosa nara namsi kinkan a li Jɛrusalɛm ni.

Tuma 8:25

Ba wa Simɔn funɛ sɛm peti, ba fun biksi nara tima Koosa laaboor weri ti wɛ awa chenani ba zim Yesu wɛ a bur kaali Jɛrusalɛm. Ba funɛ nyɛn nyinbaan ni a la chene, ba funɛ biksi Koosa laaboor weri ti a nyɛ tɔsi naa nyɛn Samaria pulum tim bɔnɛ ni.

Filip. Tima 1:1

Min waa, Pɔɔl, la sɔbi tɔn nɔ a nyɛ ma. Mu wa Timoti ya naa ya Yesu Kristo tumtumsa zaami ma naa ya Koosa nara awa ma nihɛɛta awa ma nisuŋɛ a li Filipai ni. Ma wa Yesu Kristo ya nibɛgimnɛ.

Ɛfɛ. 1:1

Min waa, Pɔɔl, naa Koosa fun lisi di mu ya Yesu Kristo nitumi, mu la sɔbi tɔn nɔ a nyɛ Koosa nara ma naa nyɛn Ɛfɛsus ni. Ma gbanko la tiŋ Yesu Kristo nɛnɛ.

Room 1:7

Mu zaami ma naa maga Koosa daŋni a fun lisi a nyɛ o titi niu a li Room ni. Ya kunyana Koosa awa ya kunyana Yesu Kristo suŋi ma a kinyɛ ma bara sɔɔna.

Tuma 26:10

Koosa dam kɔkɔɔrsi ta funɛ nyɛ min kpok di mu kpaksi Koosa nara ba naa nyɛn Jɛrusalɛm ni, nidamata a tɔ ba dɛ. Ba funɛ di ba sou sɛria, mu gbanko fun la nɔɔni a nyɛ ba.

Tuma 9:41

Pita fun kpak o nin a suŋi un o si chiŋi. Doone o fun yir nara tima awa luhaana ba naa funɛ ya Koosa nara, ba zu wa. O fun kpa Dɔɔkas a nyɛ ba.

Tuma 8:14

Nitumɛ ba naa funɛ kpalimi Jɛrusalɛm ni chen, funɛ nu chenani Samaria tim ta nidamata se su Koosa laaboor weri ti, ba fun tum Pita awa Jɔn ba wati.

Tuma 1:8

Koosa wa tum o siim weri ti di o nyɛn ma bambe ni, o kpok ti zi wa siu ma ni a nyɛ ma ŋɔ Jɛrusalɛm tima, Judia tima, Samaria tima awa ba naa nyɛn bawu maga ni mu wɛ.”

Mat. 27:52

Hugilsa fun puk ka Koosa nara ba naa funɛ siti chen bɔnɛ si ba sou ni.

Tuma 9:33

Baal digi funɛ nyɛn doon ba yir un Ɛnɛus. O nisa awa o naŋgere fun sou. O fun chɔ o kichɔɔli ni bun mɛnasa.