Tuma 8:3 - Tampulma

³ Sɔɔl funɛ namsi Yesu nitiŋɛ ta kinkan. O funɛ zu ba damsa bu bɛgim bɛgima a lɛrgi nibaala awa nihaana a li a tɔ ba dɛ.

Tuma 8:3 Referans Kwoze

1 Tim. 1:13

Saha digi mu fun zim un a la chɔk o sɔn a la pini o zoma a la muksi o nitiŋɛ ta kinkan. Mu si wa fun su un. Chendaha mu wa fun zim chenani mu tum. Amaa Koosa funɛ kpak min sikiu,

Filip. Tima 3:6

Nandigi wa zi koti a ŋɔ di mu funɛ chɔk au. Mu se funɛ sɛriu hali mu muksi ba naa tiŋ Yesu kinkan.

Gal. 1:13

Ma zimu di saha digi mu funɛ tiŋ Koosau a chi Ju tim ta, mu fun a muksi Yesu nitiŋɛ ta kinkan. Mu wa fun a kpak ba siki a la daŋni mu chɔk ba maga.

1 Kɔr. 15:9

Min tiŋ gantɛl a li Yesu nitumɛ ta ni. O wa deŋli di ba yir min o nitumi, domi min funɛ muksi Yesu nitiŋɛ ta kinkan chen.

Tuma 22:19

Mu fun ŋɔ un, ‘Ju tim ta zimu nɛnɛ di mu gba a go ba bar lagmi dɛɛna a kpaksi ba naa se su hin a tuksi.

Tuma 9:21

Alaazibu fun kpak ba naa maga nu o sɛm ta kinkan. Ba fun ŋɔ dɔŋ ni, “Baal nɔ nyɛ ba naa maga nyɛn Jɛrusalɛm ni a kpa Yesu sɔn a jɛɛmi un, na namsiu kinkan. Lalaknɔwa o wa di o wa kpaksi Yesu nitiŋɛ ba naa nyɛn bar nɔ, a bur kila Koosa dam kɔkɔɔrsi ta wati. Chen mun ya yɛrɛ?”

Tuma 7:58

Ba fun lɛrgi un li tɔhɔn ti ni a ur ba takta zene a nyɛ bunɔɔn naa ba yir Sɔɔl nyini a. Doone ba fun pini buŋkula a yaksi Stivin.

Jems 2:6

Amaa ma wa zɛɛmi fara tima a la nyɛ malɛ tima ba naa kpak tuha sa a nyɛ ma namsi a lɛrgi ma a la sɛria nidiile tim suwachak, wa jirima ni.

Tuma 8:2

Nara ba naa yaa jɛɛmi Koosa, bɔnɛ funɛ wi kinkan Stivin daha a kpa un a sogli.

Tuma 16:19

Baa naa dɔ nihabichɛl ti chen funɛ na chenani Pɔɔl ya, ba fun zim di ba wa zi bu na nyɔɔra a li un ni. Ba fun kpak Pɔɔl awa Sailas a zaksi ba a la yawa doonani ba di sɛriasa chen.