Tuma 8:26 - Tampulma

²⁶ Wuzu digi Koosa malaikasi ta digi fun wa ŋɔ Filip ni, “Si a la doonani nha yɛli nindil nyinbaan naa chɔɛɛ Jɛrusalɛm awa tɔhɔn naa ba yir Gaza bambaan ni chen.” Nyinbaan ti chɔ la li nyabaannɛ.

Tuma 8:26 Referans Kwoze

Tuma 5:19

Dusum funɛ wa biri, Koosa malaikasi ta digi fun wa puk dɛ ti zɔɔnɔ a nyɛ ba li a la ŋɔ ba,

Ju 1:14

Baŋnɛ Koosa malaikasi ta ya? A maga ya siimsa a naa ya Koosa tumtumsa. O tum au di a wa suŋi ya, chen ni wuzu digi o zi wa lisi yau a li ya tum tagna ni hali a wa peti.

Tuma 27:23

Dusum ti Koosa naa dɔ min awa naa mu jɛɛmi, fun tum o malaikasi ta digi o wa ŋɔ min,

Tuma 12:23

Koosa malaikasi ta digi fun vaan nyɛ wichɔɔrta kpak Hɛrɔd dau, domi o funɛ la nɔɔniu chenani ba yir un chen a kpa o titi a maksi Koosa. O wa fun vusi ka katamsa se o tuha nawura o sou.

Tuma 10:22

Ba fun ŋɔ un, “Ya kunyana Kɔnilius naa ya lanjimasa nihɛɛ, tum ya i wati. O ya nibin werire a yaa jɛɛmi Koosa ka Ju tim ta maga nyɛ un jirima kinkan. Koosa malaikasi ta digi funɛ wa ŋɔ un di o yir hin i wa o dama, chen ni o zi nu chenani i daŋni i ŋɔ unu.”

Tuma 10:7

Malaika ti funɛ kaali, Kɔnilius fun yir o dam bisa lɛ awa o lanjimasa nibɛgim ba wa o wati. Lanjima ti yaa funɛ jɛɛmi Koosau ka o si su un kinkan.

Tuma 8:5

Filip fun kaali tɔhɔn naa ba yir Samaria chen a la biksi doon nara Kristo naa Koosa fun vɔu di o zi wa tumu wuzu digi chen wɛ.

Tuma 8:29

Koosa siim weri ti fun ŋɔ Filip ni, “Kila a la tiŋ o gantɛl.”