Tuma 3:1 - Tampulma

¹ Wuzu digi zaazɔn saha naa Ju tim ta yaa la sumi Koosa chen, Pita awa Jɔn fun la kaali Koosa bar jɛɛmi dam ti. Chen saha ti ya niparɛ yaa si a li ba par ni chen.

Tuma 3:1 Referans Kwoze

Tuma 10:3

Wuzu digi zaazɔn saha naa niparɛ yaa si ba par ni chen, o fun na Koosa malaikasi ta digi a chi o deesi. Malaika ti fun wa ŋɔ un, “Kɔnilius.”

Tuma 4:13

Ba naa funɛ lagmi dɔŋ ni chen fun nu Pita sɛma, alaazibu fun kpak ba kinkan. Ba fun na di Pita awa Jɔn ya nyu bilim timwa, amaa hansura tama wa fun kpak ba. Kin nama funɛ nyɛ ba lisi di ba wa Yesu funɛ ya kpɛgsiwa.

Luk 1:10

O funɛ nyɛn doonee, zɛmɛ kinkan ba naa funɛ wa di ba wa jɛɛmi Koosa, ba maga funɛ chiŋi sal nɛɛ.

Tuma 5:25

Ba funɛ sɛm dɔŋ ni chene, baal digi fun wa zu a ŋɔ ba, “Maa nu mu wati. Nitumɛ ta ma tɔ dɛ chen chiŋɛ Koosa bar jɛɛmi dam ti ni a biksi nara.”

Luk 24:53

Ba yaa fun la pɛgi Koosau a li o bar jɛɛmi dam ti ni o daha.

Tuma 8:14

Nitumɛ ba naa funɛ kpalimi Jɛrusalɛm ni chen, funɛ nu chenani Samaria tim ta nidamata se su Koosa laaboor weri ti, ba fun tum Pita awa Jɔn ba wati.

Tuma 2:46

Wuzu kam ba yaa fun la lagmi Koosa bar jɛɛmi dam ti niu a sumi Koosa aa go ba damsa a lagmi a di diwe awa tu sɔɔni. Ba nisa wa fun zuk wa ba lagmi a tum tuma.

Jɔn 21:7

Yesu gantɛl tiŋna naa o daŋni kinkan chen, fun na chenani yɛɛ, o fun ŋɔ Pita ni, “Naa chiŋɛ dooni chen ya ya kunyannɛ.” Simɔn Pita funɛ nu o sɛm ta, o fun vɔu takta naa o kpa lɔrgi ni chen a mari o bara kpala a za chiksi ni ti ni a la zaami un.

Luk 22:8

Yesu fun ŋɔ Pita awa Jɔn ni, “Ma la a la saksi ya val la gali ti diwe ya wa di.”

Mat. 26:37

O funɛ la chene, o fun nyɛ Pita, Jems awa Jɔn, Zɛbɛdi bisa, fun tiŋ un. O fun piili a na namsi kinkan a chi o kaa sou. O tuha fun chɔk kinkan.

Mat. 17:1

A wuzu bunɔra gantɛl ni, Yesu fun yir Pita, Jems awa o niinbe Jɔn. Ba fun la zini bi digi nyuha a fun nyɛn doon ba duŋduŋ.

Tuma 10:30

Kɔnilius fun ŋɔ un, “Wuzu bunaasi gantɛl ni saha naa niparɛ yaa si ba par ni chen, mu funɛ nyɛn bar nɔwa a sumi Koosa. Chen saha ti awa lalaknɔ funɛ ya kibɛgimnɛ. Baal digi fun laari kichaani a vaan wa chiŋi mu suwachak ni,

Gal. 2:9

Jems, Pita awa Jɔn ba naa chi nihɛɛti ta, funɛ zimu di Koosa suŋi minu di muu tum o tuma chen ni, ba fun la nɔɔni di ya wa ba ya nibɛgimnɛ. Ba wa ya gbanko fun la nɔɔniu di ba zi la biksi ba naa ya Ju timau. Ya ka zi la biksi ba naa vɛ ya Ju timau.

Mat. 27:45

Nha funɛ wa tel sal baan nyuha, doon fun wa biri a vusi hali saha naa niparɛ yaa par a si chen.

Luk 18:10

O fun ŋɔ ba, “Nara balɛ funɛ nyɛn doon. Wuzu digi ba fun kaali Koosa bar jɛɛmi dam ti di ba la sumi Koosa. Digi funɛ ya Farisi tim ta baallɛ. Digi ka ya lampo nilali.

Tuma 3:3

O funɛ na Pita awa Jɔn ka ba daŋni ba zu, o funɛ sumi kina ba wati.

Tuma 3:4

Ba fun chiŋi a nyini o se ni ka Pita ŋɔ un, “Nyini ya.”