Tuma 28:23 - Tampulma

²³ Ba fun la nɔɔni di ba wa Pɔɔl zi bu lagmiu. A wuzu ti fun wa tel, ba fun i a gbaari a wa doonani o nyɛn chen. A piili chɔɔsa hali nha wa chel, o fun biksi ba di saha naa Koosa zi wa dɔ nara telu mun. O fun karimi Koosa sɛm tɔn ti bar digi a li chiksɛ naa o fun lisi a nyɛ Mosis ni chen awa sɛm naa Koosa witinsi ta fun sɔbi di o biksi ba chenani o fun ŋɔ Yesu wɛ chen ya wutirɛ.

Tuma 28:23 Referans Kwoze

Tuma 19:8

Pɛnsa tora Pɔɔl yaa fun la zu Ju tim ta bar lagmi dɛ a kpak o bambi a biksi nara. O wa ba di amɔrɛ di o nyɛ ba se su di saha naa Koosa dɔ nara chen telu.

Tuma 18:28

Apɔlɔs wa Ju tim ta fun di amɔrɛ kpok a nyaŋi ba a li nara tima suwachak ni. O fun lisi Koosa sɛm tɔn ti bar digi a biksi ba a li gbampulim ni di Yesu ya Kristo naa Koosa fun ŋɔ di o zi wa tumu wuzu digi chen.

Tuma 26:6

Koosa funɛ vɔu vɔwiu a nyɛ Ju tim ta nawaalsi ta ni saha digi a ŋɔ o zi wa lɛli nisitɛu a li ba sou ni. Mu kpak bambi bɛgimu a li chenani o fun sɛm ba chen ni. Chendaha i di mu sɛria zinan ni.

Tuma 8:35

Filip fun te ŋɔ un chenani o karimi chen mun a zi biksi un Koosa laaboor weri ti awa Yesu wɛ.

Luk 24:44

Yesu fun ŋɔ ba, “O deŋlu di kin naa maga Mosis awa Koosa witinsi ta awa ba naa sɔbɛ boola funɛ sɔbi mu wɛwa saha digi a li Koosa sɛm tɔn ti ni, a ya wutirɛ. Ma wa lisi di saha naa mu fun nyɛn ma wati chen, mu fun biksi ma a wɛɛ?”

Tuma 18:4

Pɔɔl yaa funɛ zu Ju tim ta bar lagmi dɛu ba wuzu hiise wuzu o wa ba awa ba naa vɛ ya Ju tima di amɔrɛ di o nyɛ ba se su o sɛma.

Jɔn 4:34

Yesu fun ŋɔ ba, “Mu tiŋ Koosa naa tum min chen tutɔrɛ a tum tum naa o nyɛ min a peti, o chi diwe naa mu di chene.

Faili. 1:2

Ya gbanko zaami ya towe Afia, Arkipus awa ba naa la tiŋ Kristo a lagmi i dam ni chen. Arkipus gbanko tum Yesu Kristo tumwa kinkan.

Maak 4:34

O waa ya biksi ba wu digi a gbaari, see jɛɛgɛ duŋduŋ. O wa o gantɛl tiŋsi ta funɛ nyɛn ba duŋduŋ, o fun a biksi ba a maga muna.

Luk 16:28

a la ŋɔ mu niinbisa nyuun ba naa nyɛn dooni di ba gil ba tum tagna. Ŋɔ ba di ba vɛɛ, ba zi wa gbaari min niu a li bar namsi nɔ ni.’

Tuma 1:3

Saha naa Koosa fun lɛli un a li o sou ni hali a la tel saha naa o fun bu zer un a zini o tɔhɔn ti, funɛ ya wuzu fumnaasiwa. Chen saha ti Yesu nitumɛ ta fun bu na Yesu bu damata, ba wa fun bura beeli un di o ya warɛ. O wa ba funɛ lagmi nyɛn, o fun biksi ba chenani Koosa zi wa dɔ nara.

Tuma 23:11

Dusum funɛ wa biri, Pɔɔl fun bu na ya kunyan ti a chi o deesi. Ya kunyan ti fun ŋɔ un, “Kpak bambi. Mu zi nyɛ i la Roomu a la ŋɔ ba naa nyɛn dooni, mu wɛ a chi chenani i ya bar nɔ nan.”

Tuma 24:14

amaa chenani mu kaa ŋɔ hin chen ya wutirɛ. Mu yaa tiŋ Koosa jɛɛmi nyinbaan naa Ju tim ta ŋɔ di o wa ya wuti. Waa funɛ ya naa ya nawaalsi ta jɛɛmi a kpa a chiksɛ ta a nyɛ Mosis ni a nyɛ o witinsi ta sɔbi o sɛm ta a du o sɛm tɔn ti ni. O chiksɛ ta awa chenani maga ba sɔbi a du o sɛm tɔn ti ni ha vɛɛn ya mu kinawa.

Tuma 28:31

O fun kpak bambi a biksi ba di saha naa Koosa kaa wa dɔ nara chen telu awa ya kunyana Yesu Kristo wɛ. Nandigi wa fun to a tɔ un nyinbaan di o ta sɛmi.

Faili. 1:22

Onisimus wa tel i wati, i kɔɔri dɛ a chiksi min. Mu kpak bambi bɛgimu di mu zi koti a wa ma watiu domi ma sumi Koosau a nyɛ min.