Tuma 26:24 - Tampulma

²⁴ Pɔɔl funɛ kok o titi chene, Fɛstus fun teŋ o nɔ a tɛsi a ŋɔ, “Pɔɔl, i zima kinkan nyɛ i zu galɛŋa.”

Tuma 26:24 Referans Kwoze

1 Kɔr. 1:23

Amaa ya wa la biksi ba Yesu daakakli ti siwi ti wɛ duŋduŋ. Chen ya tuzɔgrɛ Ju tim ta wati, a vɛɛn ya yɔri a li ba naa maga vɛ ya Ju tim wati.

2 Kɔr. 5:13

Ya la sɛm nan, ma bɔnɛ baa di yaa zu galɛŋwaa? Ya zuɛɛ, ya daŋni ya nyɛ Koosa wa jirimarɛ daha. Ma bɔnɛ baa di ya kpak alaafɛuu? Ya kpakɛɛ, o ya ma daharɛ.

1 Kɔr. 4:10

Ya ya womniwa a li nibinsa wati Kristo daha, amaa ma waa ya o nibin nɛɛgɛwa. Ya waa ya o nibin ba naa vɛ kpak kpok a li nibinsa wati, amaa ma waa ya o nibin kpokwa. Nara la filimi ya, amaa ba waa la nyɛ ma jirima.

Maak 3:21

Yesu walɛ funɛ wa nu chen wɛ, ba fun wa di ba la kpak un a ŋɔ di o zu galɛŋwa.

Tuma 26:11

Mu fun gba a go Ju tim ta bar lagmi dɛɛna a lɛrgi Koosa nara ba naa nyɛn dooni, diŋsa a kpaŋi mu titi di mu nyɛ ba bur a li Yesu nyinbaan tiŋi ni. Ba fun nyɛ mu paan si kinkan ka mu kaali tɔ bar bole di mu la nyɛ ba namsi dooni.’ ”

Tuma 17:32

Nihɛɛti ta awa nibiksɛ ta bɔnɛ nu ka Pɔɔl sɛm di Koosa funɛ lɛli Yesu a li o sou ni, ba funɛ mɔmsi un. Bɔnɛ ka fun wa ŋɔ un, “Ya daŋni i bur wa biksi yau a gbaari.”

Tuma 24:25

Pɔɔl fun ŋɔ ba chenani ba naa se su Yesu fun kpaŋi ba titi di ba tum tum were a nyɛ un a ya bambe tima. O gbanko funɛ ŋɔ bau chenani Koosa zi wa di tɛɛnɛ nɔ tim maga sɛriau wuzu digi. Pɔɔl sɛm ta fun nyɛ hansura kpak Filiks ka o ŋɔ un, “O magu. Kila. Mu wa na nyinbaan, mu zi yir hinu i wa sɛm ya gbaari.”

Tuma 22:1

O fun ŋɔ ba, “Nihɛɛta awa mu dɔŋtima, ma nu mu wati. Chenani mu kaa sɛm nan la zi biksi di mu nin wa toli.”

Jɔn 8:52

Ju tim ta fun ŋɔ, “Lalaknɔwa ya zim di i kpak alizin taginu. Hin ŋɔ ya di ba naa maga tiŋ i nɔ wa zi sou, amaa ya nawaal, Abraham, awa Koosa witinsi ta maga funɛ sitiu saha digi.

Jɔn 8:48

Doone Ju tim ta fun ŋɔ Yesu ni, “Ya ŋɔɛɛ di i ya Samaria tim nidigirɛ ka alizin tagin kani i nyuhu ni, wuti laata ya sɛm?”

Jɔn 7:15

O biksi ti fun ya Ju tima, ba naa funɛ nyɛn doon chen, alaazibu kinkan. Ba funɛ ŋɔ dɔŋ ni, “Baal nɔ ya nyu bilim tiinnɛ. Yɛrɛ o ya zim kin nama a biksi ya nan?”

Tuma 24:27

Filiks funɛ daŋni o sɔɔni Ju tim ta tusau. Chendaha o nyɛ o lanjimasi ta il Pɔɔl a vɛ nyɛ o laali. Bunsa lɛ gantɛl ni, baal naa ba funɛ yir Pɔsius Festus fun burgi gɔbnati nyuhu tiina nihɛɛ a chiŋi Filiks bar chiŋi ni.

2 Tim. 3:15

I gban funɛ zim Koosa sɛm tɔn tiu a li i bichɛsi ni. Waa funɛ koti a nyɛ i si su Yesu Kristo, chen ni o zi yisi hinu a li i tum tagna ni.