Tuma 25:10 - Tampulma

¹⁰ Pɔɔl fun ŋɔ un, “Yɛrɛ ma vɛ kaa di min sɛria ti bar nɔ a kaa kpa min la bar digi? Hin ya gɔbnati nyuhu tiin zen a chiŋi koorsi ta nyuhu tiina Siiza bar chiŋi ni. I zimu nɛnɛ di mu wa tum tum tagin digi a du Ju tim ta ni.

Tuma 25:10 Referans Kwoze

2 Kɔr. 4:2

Ya wa fun tum tum tagna a sogli di ya na hiisa. Ya wa fun la mur nara. Ya wa fun kpa ya titi biksirɛ a gbaari chenani Koosa fun biksi ya ni. Yaa ka biksi nara o wuti a li gbampulim nɛɛ saha maga, chen ni nara maga zi la nɔɔniu ba bambe ni di ya waa ya Koosa nitiŋɛ ta.

Tuma 28:18

Ba fun di mu sɛria a na di mu wa ya wi naa la zi nyɛ mu sou a la daŋni ba lisi min.

Tuma 26:31

Nibin birige nara batora ta funɛ li sal, ba fun ŋɔ dɔŋ ni, “Pɔɔl ha wa tum tum tagin naa la zi nyɛ ba tɔ un dɛ koo a di o sou sɛria.”

Tuma 25:25

Mu zaamsɛ unu a na di o wa tum tum tagin digi. Chendaha mu wa koti a di o sou sɛria. O funɛ sumi minu di mu nyɛ ba kpa un a la koorsi ta nyuhu tiina Siiza wati o di o sɛria. Mu fun la nɔɔni a nyɛ o kaali.

Mat. 27:18

Pailɔt funɛ zimu di Koosa dam kɔkɔɔrsi tima handɔta daha ba fun kpak Yesu a wa o wati.

Tuma 25:17

Ba naa funɛ fiksi un fun gbaari min ni a wa bar nɔ, mu wa fun vusi chen yaali ni. Chɔɔsa funɛ wa pisi, mu fun la kani sɛria bar diili dɛ ti ni a ŋɔ ba kpa Pɔɔl a wa mu wati.

Tuma 25:6

Fɛstus funɛ kpalimi Jɛrusalɛm ni wuzu mɛnasa koo wuzu fi a li dooni a bur kaali Siizaria. Chɔɔsa funɛ wa pisi, o fun la kani sɛria bar diili dɛ ni a ŋɔ ba kpa Pɔɔl a wa.

Tuma 23:29

Mu fun wa dɛu a na di o wa tum tum tagin naa la zi nyɛ mu di o sou sɛria koo a tɔ un dɛ. Ba ka fun ŋɔ di o chɔk ba titi chire.

Mat. 27:19

Pailɔt funɛ kani sɛria bar diili dɛ ti ni, o haan fun holi a ŋɔ un, “Dusum ti mu dɛ namsu kinkannɛ baal nɔ daha a li mu deesi ni. O nin wa to. Adaha i yisi un a ta.”