Tuma 24:1 - Tampulma

¹ Wuzu bunyuu gantɛl ni, Koosa dam kɔkɔɔrsi ta nihɛɛ, Ananias, tɔhɔn nihɛɛta, ba naa funɛ li Jɛrusalɛm, awa naa la chiksi ba sɛria ka ba yir un Tatolos, fun wa tel Siizaria. Filiks funɛ nu di ba wau, o fun ŋɔ a lanjimasi ta ni ba la kpa Pɔɔl a wa chiŋsi o suwachak ni.

Tuma 24:1 Referans Kwoze

Tuma 24:11

Nyɛ mu ŋɔ hin chenani mu na. O funɛ dugli wuzu fidalɛ gantɛl nɛɛ, mu fun la Jɛrusalɛm a la zu Koosa bar jɛɛmi dam ti di mu jɛɛmi un.

Tuma 23:2

Koosa dam kɔkɔɔrsi ta nihɛɛ naa ba yir Ananias funɛ nu o sɛm ta, o fun ŋɔ naa chiŋi a dugli un digi o chɛɛgi o lɛha.

Tuma 25:2

Koosa dam kɔkɔɔrsi ta awa tɔhɔn ti nihɛɛti ta funɛ nu di o wau, ba fun la fiksi Pɔɔl o suwachak ni,

Tuma 23:35

o fun ŋɔ un, “O wa zi vusi ka ba naa la fiksi hin chen wa. Ba wa wa, mu zi di i sɛriau.” O fun ŋɔ o lanjimasi ni di ba kpa Pɔɔl a la tɔ un dɛ a li dam zen naa koor Hɛrɔd fun sa chen ni a la il un.

Tuma 23:30

Mu funɛ nu di Ju tim ta bura daŋni ba kpu unu, mu fun lisi di mu nyɛ mu lanjimasi ta kpa un wa i wati. Mu fun ŋɔ ba naa la fiksi un chen di ba tiŋ o gantɛl a wa fiksi un i suwachak ni. Zaami i walɛ maga a nyɛ min.”

Tuma 23:24

Ma dɛu zaagna a nyɛ Pɔɔl ni o zini a kok un a la tel gɔbnati nyuhu tiin nihɛɛ dama dooni. O sɔn ya Filiks.”

Tuma 21:27

Wuzu bunɔpɛ ta funɛ wa dugli peti, Ju tima ba naa funɛ li Azia pulum, bɔnɛ fun na Pɔɔl a li Koosa bar jɛɛmi dam ti ni. Ba fun nyɛ ba naa maga nyɛn dooni chen dam a la kpak un.

1 Kɔr. 2:4

Biksi ti maga mu fun biksi ma, o wa fun tiŋ nibinsa zimirɛ di o ya ma lɛmlɛm, amaa Koosa siim weri ti funɛ ya mu sɛm ta sɛhɛra a nyɛ a kpak kpok.

1 Kɔr. 2:1

Mu niinbisa, mu funɛ wa ma wati a sɛm Koosa sɛma a naa funɛ sogli ma wati, mu wa fun kpak nɔ lɛma awa nibinsa zima ti a biksi ma.

Tuma 25:15

Saha naa mu fun te la Jɛrusalɛm, Koosa dam kɔkɔɔrsi ta awa tɔhɔn ti nihɛɛti ta fun fiksi un mu suwachak ni a sumi min di mu na o galimsa.

Tuma 12:21

A wuzu naa Hɛrɔd fun lisi di o di ba sɛria, o fun laari o takta were a la kani o kor ni a sɛm sɛma a nyɛ nara ni.

Tuma 23:33

Ba fun la tel Siizaria a zer ba nihɛɛ nyuhu tiin ti tɔn a nyɛ Filiks ni a kpa Pɔɔl a du o nin ni.

Tuma 24:2

Doone o fun ŋɔ di Tatolos gbanko wa chiŋi o suwachak ni a fiksi Pɔɔl. Tatolos fun ŋɔ, “I waa naa ya ya gɔbnati nyuhu tiina nihɛɛ, ya zaami hinu. I waa naa kpak ya wa nɛha ni a nyɛ ya bara sɔɔni, hin vɛɛn tum tum were a nyɛ ya pulum tim ni.