Tuma 22:30 - Tampulma

³⁰ Nihɛɛ nyuhu tiin ti funɛ daŋni o zim chenani Pɔɔl ya Ju tim ta fiksi un. Chɔɔsa funɛ wa pisi, o fun ŋɔ o lanjimasi ta ni ba pur zɔglɛ ta Pɔɔl ni a fun ŋɔ Koosa dam kɔkɔɔrsi ta awa tɔhɔn ti nihɛɛti ta ni ba lagmi. Doone o fun kpa un a chiŋsi ba suwachak ni.

Tuma 22:30 Referans Kwoze

Tuma 23:28

Mu fun ŋɔ Koosa dam kɔkɔɔrsi ta awa tɔhɔn ti nihɛɛti ta di ba lagmi dɔŋ ni a kpa un kaali ba suwachak di mu zim chenani o ya Ju tim ta fiksi un.

Tuma 21:33

Lanjimasa nihɛɛ nyuhu tiin ti fun ŋɔ o lanjimasi ta ni ba kpa zɔglɛ abalɛ a vɔu Pɔɔl a burgi pɛɛsi zɛmɛ ta, “Anti ya baal nɔ? Baŋnɛ o tum?”

Tuma 26:29

Pɔɔl fun ŋɔ, “Mu na nyinbaan a sɛm sɛm tama koo sɛm damata, mu zi sumi Koosau di i wa ba naa maga nyɛn bar nɔ nan zi burgi Yesu nitiŋɛu a chi chenani mu ya Yesu nitiŋi, amaa mu wa zi sumi un di ba tɔ ma dɛ a chi chenani ba fun tɔ min dɛ chen.”

Tuma 23:15

Ya sumi mau di ma tum nandigi o la ŋɔ Roman tim nihɛɛ nyuhu tiin ti ni di o kpa Pɔɔl a wa, domi ma daŋni Pɔɔllɛ ŋɔ ma a gbaari. Ya zi chem un nyinbaan niu a kpa un.”

Tuma 22:5

Koosa dam kɔkɔɔrsi ta nihɛɛ ti awa tɔhɔn ti nihɛɛti maga zimu di mu ŋɔ ma wutirɛ. Ba fun sɔbi tɔna a nyɛ min di mu kpa la nyɛ Ju tima ba naa nyɛn Damaskus ni, chen ni ba zi suŋi minu. Mu fun la tel doon a kpaksi Yesu nitiŋɛ ta nidamata a kpa zɔglɛ a vɔti ba a kpa ba bur wa bar nɔ di mu lɛrgi ba diŋsa.”

Tuma 21:11

O fun kaali Pɔɔl wati a la ŋɔ un di o kpa o chɛra kikirisa a nyɛ un. Pɔɔl fun kpa a nyɛ un. Agabus fun kani a kpa un a vɔu o nisa awa o naŋgere a ŋɔ, “Ma nu chenani Koosa siim weri ti fun ŋɔ minu. Chɛra kikirisi nɔ tiina la tel Jɛrusalɛm, Ju tima ba naa nyɛn dooni, zi wa vɔu unu a chi chenani mu vɔu mu titi nan, a kpa un a du ba naa vɛ ya Ju tim nisa ni.”

Tuma 5:21

Chɔɔsa funɛ wa pisi chɔsa, nitumɛ ta fun tiŋ malaika ti nɔ a la zu Koosa bar jɛɛmi dam ti a biksi nara tima. Koosa dam kɔkɔɔrsi ta nihɛɛ ti awa ba naa funɛ nyɛn o wati, fun yir sɛria nidiile ta awa Ju tim nihɛɛti ta maga ba lagmi o wati a tum Koosa bar jɛɛmi dam ti niilɛ di ba lisi nitumɛ ba naa ba tɔ dɛ chen, a wa.

Mat. 27:2

Ba funɛ sɛm peti, ba fun vɔu o nisa a kpa un a la nyɛ gɔbnati nyuhu tiina naa ba yir Pailɔt ni chen.

Mat. 10:17

Ma doso. Nara zi kpak mau wa kpok ni a la sɛria bar diili dɛ. Ba zi tuksi ma wa vurmsi niu a li ba bar lagmi dɛɛni ta ni.

Mat. 5:22

amaa n ŋɔ mau saha nɔ, nar na paan a du a o dɔŋtiin ni, ba zi kpa un a wa sɛria tiin wati. Nar sɛm yɔri yɔri a nyɛ o dɔŋtiin ni, ba zi kpa unu a wa sɛria nidiile tima wati. Nar yir o dɔŋtiina nibin wom, o zi kpak hansura wa Koosa kpa un a du din dam ni.

Tuma 23:1

Pɔɔl fun nyini ba se ni a ŋɔ, “Mu niinbisa, chenani mu nyɛn hali wa zinan, mu kpak tuha kibɛgimu awa Koosa ni.”

Tuma 23:6

Pɔɔl fun na di tɔhɔn ti nihɛɛti ta wa ya nibɛgim. Bɔnɛ funɛ ya Farisi timwa. Bɔnɛ ka ya Sajusi tima. O fun sɛm ta zaŋa a ŋɔ ba, “Mu niinbisa, Farisi tima funɛ lul min. Mu kpak bambi bɛgimu di wuzu digi Koosa zi wa lɛli nisitɛu a li ba sou ni. Chendaha ma lagmi bar nɔ zinan di ma di mu sɛria.”

Tuma 23:20

O fun ŋɔ, “Ju tim ta nihɛɛti ta la nɔɔniu di ba chɛ lagmi chɛ a ŋɔ hin i bu kpa Pɔɔl a wa, amaa ba funɛ zigu a la daŋni o ŋɔ ba a gbaari.